ବେତନଟୀ ୧୯।୦୭: ପାରିବାରିକ କଳହର କରୁଣ ପରିଣତି । ବାପାର ବାର୍ଷି ଚୋଟରେ ପୁଅର ମୃତ୍ୟୁ ହୋଇଛି । ମୃତକ ପ୍ରମୋଦ ସିଂହ ବୋଲି ଜଣାପଡିଛି। ମୟୁରଭଞ୍ଜ ଜିଲ୍ଲା ବଡସାହି ଥାନା ଅନ୍ତର୍ଗତ ନରଣଖୁଣ୍ଟା ଗ୍ରାମରେ ଦେଖିବାକୁ ମିଳିଛି ଏପରି ଘଟଣା । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ଗାଁର ଅନିଲ ସିଂ ଓ ତାଙ୍କର ୨୭ବର୍ଷୀୟ ପୁଅ ପ୍ରମୋଦ ମଧ୍ୟରେ ଝଗଡା ହୋଇଥିଲା । ବାପ ଅନିଲ ଏକ ବାର୍ଷିରେ ପୁଅ ପ୍ରମୋଦକୁ ଆକ୍ରମଣ କରିଥିଲେ । ବାପାର ଆକ୍ରମଣରେ ପୁଅ ଗୁରୁତର ଅବସ୍ଥାରେ ତଳେ ପଡିଯାଇଥିଲେ । ପୁଅକୁ ଆକ୍ରମଣ କରି ଘଟଣାସ୍ଥଳରୁ ବାପା ଅନିଲ ଫେରାର ହୋଇଯାଇଛନ୍ତି । ଘଟଣାସ୍ଥଳରେ ବଡସାହି ପୋଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଜାରି ରଖିଛି । ସେହିପରି ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ନେଇପାରେ ପୋଲିସ ।
