ବ୍ରହ୍ମପୁର ୦୮।୦୩: ଗଞ୍ଜାମ ଜିଲ୍ଲା ସଦର ଥାନା ଝାଡ଼ାଙ୍କୁଲି ଗାଁରେ ହତ୍ୟାକାଣ୍ଡ ଘଟିଛି । ହତ୍ୟାକାଣ୍ଡରେ ବାପାଙ୍କ ମୃତ୍ୟୁ ହୋଇଥିବା ବେଳେ ପୁଅ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ପୁଅକୁ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ଗତକାଲି ସନ୍ଧ୍ୟା ସମୟରେ ବାପା ଓ ପୁଅ ଏକ ସମ୍ପର୍କୀୟଙ୍କ ଘରୁ ଯାଇ ନିଜ ଗାଁକୁ ଫେରୁଥିଲେ । ଠିକ୍ ଏହି ସମୟରେ ଗାଁ ଛକରେ ୭ରୁ ୮ଜଣ ଦୁର୍ବୃତ୍ତମାନେ ଖଣ୍ଡାରେ ଅତର୍କିତ ଆକ୍ରମଣ କରିଥିଲେ । ଦୁର୍ବୃତ୍ତ ଙ୍କ ଆକ୍ରମଣରେ କୋରା ସେଠୀଙ୍କ ମୃତ୍ୟୁ ଘଟିଥିବା ବେଳେ ପୁଅ ପ୍ରଶାନ୍ତ ସେଠୀ ଗୁରୁତର ଆହାତ ହୋଇଛନ୍ତି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଗୁରୁତରଙ୍କୁ ମେଡିକାଲରେ ଭର୍ତ୍ତି କରିଛି। ପୂର୍ବ ଶତୃତା କୁ କେନ୍ଦ୍ର କରି ଏଭଳି ଆକ୍ରମଣ ହୋଇଥିବା ସୂଚନା ମିଳିଛି।