Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ସ୍ତ୍ରୀ ନା ରାକ୍ଷସୀ ? ନିଜେ ପୋଛିଦେଲା ନିଜ ମଥା ସିନ୍ଦୁର ; ୩ ମାସ ପରେ ହତ୍ୟା ଘଟଣାରୁ ହଟିଲା ପରଦା

23/12/2020 at 9:04 AM

ବାଲିପାଟଣା ୨୩।୧୨: ଜଘନ୍ୟ ଅପରାଧ । ସ୍ତ୍ରୀ ପୋଛିଦେଲା ନିଜ ମଥା ସିନ୍ଦୁର । ସାମାନ୍ୟ ଝଗଡ଼ାରୁ ସ୍ୱାମୀଙ୍କ ଜୀବନ ନେଇଗଲା ସ୍ତ୍ରୀ । ସ୍ବାମୀଙ୍କୁ ହତ୍ୟା କରି ପୋଡିଦେଇଛି ସ୍ତ୍ରୀ । ତିନିମାସ ପରେ ଅଧାପୋଡା ଖପୁରି ଏବଂ ହାଡ ମିଳିଛି ଘର ବାରି ପଟୁ । ଏଭଳି ଏକ ଲୋମଟାଙ୍କୁର ଘଟଣା ଘଟିଛି ରାଜଧାନୀ ଉପକଣ୍ଠ ବାଲିପାଟଣା ଥାନା ବନମାଳିପୁର ଗ୍ରାମରେ । 

ଖବର ଅନୁଯାୟୀ, ବନମାଳିପୁର ଗାଁର ୪୫ ବର୍ଷୀୟ ନିଧତ୍ରାମ ଗିରି ପ୍ରାୟ ତିନିମାସ ହେବ ଗ୍ରାମରେ ଦେଖାଯାଉନଥିଲେ । ସଂଧ୍ୟ୍ୟା ଚା ଖଟିରେ ନିଧତ୍ରାମଙ୍କ ସମ୍ପର୍କରେ ଚର୍ଚ୍ଚ। ଆରମ୍ଭ ହେଲା । ତିନିମାସ ହେବ କୁଆଡେ ଗଲେ ନିଧତ୍ରାମ । ଏ ସମ୍ପର୍କରେ ନିଧତ୍ରାମଙ୍କ ସ୍ତ୍ରୀ ଲିଲି ଗିରିଙ୍କୁ ଗ୍ରାମର ଜଣେ ଯୁବକ ପଚରିଥିଲେ । ଲିଲି ଏହି କଥାରେ ହଡବଡେଇ ଯାଇଥିଲେ । ତେବେ କୌଣସି ସନ୍ତୋଷଜନକ ଉତ୍ତର ଦେଇଥିଲେ ଲିଲି । ସେପଟେ ଯୁବକଙ୍କ ସନ୍ଦେହ ବଢିଥିଲା । ପୁଣିଥରେ ଲିଲିଙ୍କୁ ନିଧତ୍ରାମଙ୍କ ସମ୍ପର୍କରେ ପଚରିଥିଲେ । ଶେଷରେ ନିଧତ୍ରାମଙ୍କୁ ମାରି ବାରିରେ ପୋଡି ପୋତିଦେଇଥିବା କଥା ସ୍ୱୀକାର କରିଥିଲେ ଲିଲି । ଏହି ଖବରଟି  ବିଜୁଳି ବେଗରେ ପ୍ରସାରିତ ହୋଇଥିଲେ । ବାଲିପାଟଣା ପୋଲିସ୍ କୁ ହତ୍ୟାକାଣ୍ଡ ସମ୍ପର୍କରେ ଅବଗତ କରାଇଥିଲେ ଗ୍ରାମବାସୀ ।

ହତ୍ୟା କାଣ୍ଡର ଖବର ପାଇବା ପରେ ପୋଲିସ ଗାଁରେ ପହଞ୍ଚି ଛାନ୍‌ଭିନ୍ ଆରମ୍ଭ କରିଥିଲେ । ଏପିରିକି ମୃତଦେହ ପୋଡାଯାଇଥିବା ସ୍ଥାନକୁ ଯାଇଥିଲା ,  ସେହି ସ୍ଥାନରେ ଅଧାପୋଡା ମଣିଷ ଖପୁରୀ, ହାଡ ଦେଖିବାକୁ ପାଇଥିଲା ପୋଲିସ। ଅଧାପୋଡ଼ା ଖପୁରୀ ଓ ହାଡ଼କୁ ଲୁଚାଇବା ପାଇଂ କିଛି ଅଳିଆ ପକାଯାଇଥିଲା । ଦୁର୍ଗନ୍ଧ ଯୋଗୁଁ ଲୋକଙ୍କର ସନ୍ଦେହ ହେବ , ସେଥିପାଇଁ ସେହି ସ୍ଥାନରେ ସଢା ପରିବା ମଧ୍ୟ ପକାଉଥିଲେ ଲିଲି । ପୋଲିସ ଲିଲିକୁ ଅଟକ ରଖି ପଚରାଉଚରା ଜାରି ରଖିଛି ।

   Related Posts