ବଡ଼ବିଲ ୦୯।୦୧ : ଯୁବକଙ୍କ ମୃତଦେହ ଉଦ୍ଧାର । ମୃତଦେହ ନିକଟରେ ପଡିଛି କଟୁରୀ । କେନ୍ଦୁଝର ଜିଲ୍ଲା ଯୋଡ଼ା ଥାନା ବାଂଶପାଣି ଅଞ୍ଚଳରେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତକଙ୍କ ନାମ ବିଶାଲ ବୋଲି ଜଣାପଡିଛି । ଘଟଣାସ୍ଥଳରେ ପହଞ୍ଚି ଯୋଡ଼ା ପୋଲିସ ଛାନ୍‌ଭିନ୍‌ ଜାରି ରଖିଛି ।

ସୂଚନା ଅନୁଯାୟୀ, ଝାଡ଼ଖଣ୍ଡ ଅଞ୍ଚଳର ବିଶାଲ, ବାଂଶପାଣି ସ୍ଥିତ ନିଜର ସଂପର୍କୀୟ ମାମୁଁ ଘରେ ରହୁଥଲା । ତେବେ ଗତକାଲି ରାତିରେ କେଉଁ ପରିସ୍ଥିତିରେ ତାର ମୃତ୍ୟୁ ଘଟିଥିଲା । ତାକୁ ନେଇ ଅନେକ ପ୍ରଶ୍ନ ଉଠିଛି ।ମୃତଦେହ ନିକଟରେ ଏକ କଟୁରୀ ମଧ୍ୟ ପଡିଛି । ଘଟଣାସଂପର୍କରେ ପୋଲିସକୁ ସ୍ଥାନୀୟ ଲୋକ ଖବର ଦେଇଥିଲେ । ଏହାପରେ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ଛାନ୍‌ଭିନ୍‌ ଆରମ୍ଭ କରିଛି । ସେହିପରି ଘଟଣାସ୍ଥଳରୁ କଟୁରୀ ମଧ୍ୟ ଜବତ କରିଛି ପୋଲିସ ।