ବଡ଼ବିଲ ୧୨।୦୩ : ମଦ୍ୟପ ପୁଅର ଅମାନୁଷିକ କାଣ୍ଡ । ମାଆକୁ ଇଟାରେ ଛେଚି ହତ୍ୟା କରିଛି ପୁଅ । ମୃତକ ସୋମବାର ମୁଣ୍ଡା ବୋଲି ଜଣାପଡିଛି । କେନ୍ଦୁଝର ଜିଲ୍ଲା ବଡ଼ବଲି ପୌରାଞ୍ଚଳର ୯ନମ୍ବର ଓ୍ୱାର୍ଡରେ ଘଟିଛି ଘଟଣା ।
ଖବର ଅନୁଯାୟୀ, ଗୁରୁବାର ରାତିରେ ପୁଅ କିଶୋର ମୁଣ୍ଡା ମଦ ପିଇ ଘରକୁ ଆସିଥିଲେ । ତେବେ ଘରେ ମାଆ ସୋମବାରୀ ମୁଣ୍ଡାଙ୍କ ସହିତ କୌଣସି କାରଣରୁ ପାଟିତୁଣ୍ଡ ହୋଇଥିଲା । ଯାହାକୁ ନେଇ ପୁଅ ମଦ ନିଶାରେ ମାଆକୁ ଇଟାରେ ଛେଚି ହତ୍ୟା କରିଦେଇଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍ଭିନ୍ ଆରମ୍ଭ ରଖିଛି ।
ସେପଟେ ଅଭିଯୁକ୍ତ ପୁଅ କିଶୋର ମୁଣ୍ଡାକୁ ବଡ଼ବଲି ଥାନାରେ ଅଟକ ରଖାଯାଇଛି । ତେବେ ବର୍ତ୍ତମାନ ସୁଦ୍ଧା ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି । ହତ୍ୟା ଘଟଣା ପୁରା ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।