କରଞ୍ଜିଆ, ୨୮|୧୧: ଜଙ୍ଗଲ ମଧ୍ୟରୁ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର । ମୟୂରଭଞ୍ଜ ଜିଲ୍ଲା ମହୁଲଡିହା ଥାନା ଅନ୍ତର୍ଗତ ଭାଲିଆଡାଳ ଗାଁ ଢେଙ୍କିଶାଳ ସାହିରେ ଥିବା ଏକ ପାହାଡ଼ ତଳୁ ମୃତଦେହଟି ପଡିଥିବା କିଛି ବ୍ୟକ୍ତି ଦେଖିଥିଲେ ।
ସୂଚନା ଅନୁସାରେ, ବର୍ତ୍ତମାନ ଜଙ୍ଗଲ ବିଭାଗର ବ୍ୟାଘ୍ର ଗଣନା ଚାଲିଛି । ବ୍ୟାଘ୍ର ଗଣନା ଟିମ୍ ଜଙ୍ଗଲରେ ସେହି ବାଟ ଦେଇ ଯାଉଥିବା ବେଳେ ଏକ ମୃତଦେହ ପଡିଥିବା ଦେଖିବାକୁ ପାଇଥିଲା । ଏନେଇ ସେମାନେ ସଙ୍ଗେ ସଙ୍ଗେ ପୋଲିସକୁ ଖବର ଦେଇଥିଲେ । ଖବର ପାଇ ମହୁଲଡିହା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଜାରି ରଖିଛି । ତେବେ ଏହା ହତ୍ୟା ନା ଆତ୍ମହତ୍ୟା ତାହା ଜଣାପଡି ନାହିଁ ।
