Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||

ସାନଖେମୁଣ୍ଡିରେ ମାତିଛନ୍ତି ହାତୀପଲ୍ଲ: ଭାଙ୍ଗିଲେ ବିଦ୍ୟୁତଖୁଣ୍ଟ, ଦଳିଲେ ଧାନଫସଲ, ଚିନ୍ତାରେ ଚାଷୀ

5/12/2020 at 7:20 PM

ସାନଖେମୁଣ୍ଡି ୦୫।୧୨: ସାନଖେମୁଣ୍ଡି ଅଞ୍ଚଳରେ ଗତ ୩ ଦିନ ଧରି ହାତୀପଲ୍ଲ ଚାଷୀଙ୍କ ମୁଣ୍ଡରେ ଚଡ଼କ ପକାଇଚାଲିଛନ୍ତି। ଦିଗପହଣ୍ଡି ଫରେଷ୍ଟରେଞ୍ଜର ପାଟପୁର ସେକ୍ସନ ଅନ୍ତର୍ଗତ ଏସ ରଘୁନାଥପୁର ନିକଟ ଗୌଡ଼ଗୋଉଡ଼ୁଣୀ କାଇଞ୍ଚପୁର ପାହାଡ଼ରେ ଦିନ ତମାମ ରହୁଥିବା ୧୨ ଟିକିଆ ହାତୀପଲ୍ଲ ରାତିସାରା ବିଭିନ୍ନଗ୍ରାମର ଜମିକୁ ଯାଇ ଫସଲଖାଇବା ସହ ଦଳି ନଷ୍ଟ କରି ଚାଲିଛନ୍ତି। ପ୍ରତି ରାତିରେ ନୂଆଁ ଗତିପଥରେ ଏହି ହାତୀପଲ୍ଲ ଯିବା ଏବେ ଆଖପାଖ ଗ୍ରାମବାସୀଙ୍କ ମଧ୍ୟରେ କୋକୁଆ ଭୟ ସୃଷ୍ଟି କରିଛି।

ଶୁକ୍ରବାର ରାତିରେ ଏହି ହାତୀପଲ୍ଲ ରଘୁନାଥପୁର, ଉତ୍ତମା, ଜିଉରା, ନରସିଂହଗଡ଼,  ଗଙ୍ଗାପୁର ଇନ୍ଦିରାଆବାସ ସୁନାପଲୀ, ଲୁଣିନାଠି, ଢ଼େପାଗୁଡ଼ା, ସୁମନ୍ତପୁର ଆଦି ଗ୍ରାମର ବହୁ ଧାନଫସଲ ଖାଇଯିବା ସହ ଦଳି ନଷ୍ଟ କରିଛନ୍ତି। ଏପରିକି ସୁମନ୍ତପୁର ନିକଟରେ ଦୁଇଟି ବିଦ୍ୟୁତ ପୋଲକୁ ମଧ୍ୟ ଭାଙ୍ଗିଦେଇଛନ୍ତି। ଫଳରେ ରାତିସାରା ବିଦ୍ୟୁତ ଯୋଗାଣ ବିଛିନ୍ନ ରହୁଛି!

ଲୁଣିଲାଠିର ଅର ପ୍ରକାଶ ରେଡ଼ି  ଆରଇଶ୍ୱରୀରେଡ୍ଡୀ,ଆରଟୁକୁନା ରେଡ୍ଡୀ, ଆର  ଗୋପାଳ ରେଡ୍ଡୀ, ଆର ପାଣ୍ଡବ, ଏସ ବିକେଶ ରେଡ୍ଡୀ,ପଳାଶପୁର କୁଣ୍ଡାଖାଇ ପାହାଡ଼ ଜମିରେ  ମହାଦେବ ପାଢ଼ୀ, ପ୍ରଭାକର ପାଢ଼ୀଙ୍କ ସମେତ ବହୁ ଚାଷୀଙ୍କ ଧାନ ଫସଲ  ହାତୀପଲ୍ଲ ଖାଇଯିବା ସହ  ଦଳି ଚକଟି ନଷ୍ଟ କରିଥିବା ଜଣାପଡିଛି। ବନବିଭାଗ କର୍ମଚାରୀ ମାନେ ବ୍ୟାପକ ସଚେତନତା ସହ ଦିନ ରାତି ହାତୀପଲ୍ଲର ଗତିବିଧି ଉପରେ ନଜର ରଖିବା ସହ କ୍ଷତିଗ୍ରସ୍ଥ ଚାଷୀଙ୍କୁ କ୍ଷତିପୂରଣ ଦେବାକୁ ଦାବି କରାଯାଇଛି।

   Related Posts