Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ଆଉ ଜଣଙ୍କୁ ଦଳି ଦେଲା ଦନ୍ତା- ମୃତ୍ୟୁ ସଂଖ୍ୟା ୫କୁ ବୃଦ୍ଧି

23/02/2020 at 10:07 PM

ପିପିଲି ୨୩।୦୨- ପିପିଲିରେ ଦନ୍ତା ହାତୀ ଆତଙ୍କ । ପୁଣି ଜଣେ ଯୁବକଙ୍କୁ ଦଲି ଦେଲା ଦନ୍ତା । ଚନ୍ଦ୍ରାଦେଇ ପୁରର ମକରା ପଲେଇ ନାମକ ଯୁବକ ମୃତ । ପୁଣି ସହରମୁହାଁ ହାତୀ । ଯାଜପୁର ଦାନଗଦିରେ ନରହନ୍ତା ଦନ୍ତା ଆତଙ୍କ ଘଟଣା ମନରୁ ଲିଭି ନ ଥିବା ବେଳେ ପୁରୀ ଜିଲ୍ଲା ପିପିଲି ଓ ବଳଙ୍ଗା ଅଞ୍ଚଳରେ ଏହାର ପୁନରାବୃତ୍ତି ଘଟିଛି । ଏଠି ଗୋଟିଏ ଦିନରେ ୫ ଜଣଙ୍କ ଜୀବନ ନେଇଛି ଦନ୍ତା । ୫ ଜଣଙ୍କୁ ଗୁରୁତର କରିଛି ।

ହାତୀ ଭୟରେ ପିପିଲି ଏବଂ ବଳଙ୍ଗା ଅଞ୍ଚଳରେ ଆତଙ୍କ ଖେଳିଯାଇଛି । ଡାକବାଜି ଯନ୍ତ୍ର ସହାୟତାରେ ଲୋକଙ୍କୁ ସତର୍କ କରୁଛି ପ୍ରଶାସନ । ହାତୀକୁ ଘଉଡାଇବାକୁ ବନ ବିଭାଗ ଓ ପୋଲିସ ଉଦ୍ୟମ ଜାରି ରଖିଛନ୍ତି । ଆବଶ୍ୟକ ହେଲେ ହାତୀକୁ ଟ୍ରାଙ୍କୁଲାଇଜ୍ କରାଯିବ ବୋଲି କହିଛନ୍ତି ପୁରୀ ଜିଲ୍ଳାପାଳ ।

ପୁରୀ ଜିଲ୍ଳା ପିପିଲି ଏବଂ ବଳଙ୍ଗା ଥାନା ଅଞ୍ଚଳରେ ନରହନ୍ତା ଦନ୍ତା ଆତଙ୍କ। ହାତୀ ଆକ୍ରମଣରେ ଗୋଟିଏ ଦିନରେ ଯାଇଛି ୫ ଜୀବନ, ୫ ଗୁରୁତର । କେହି କିଛି ବୁଝିବା ଆଗରୁ ଗୋଟିଏ ପରେ ଗୋଟିଏ ଜୀବନ ନେଇ ଚାଲିଥିଲା ନରହନ୍ତା ଦନ୍ତା । ଗାଁ କୁ ଗାଁ ବୁଲିଥିଲା । ଭାର୍ଗବୀ ନଦୀ ପାର୍ ହୋଇ ଲୋକଙ୍କୁ ଆକ୍ରମଣ କରିଥିଲା ।

ମୃତକ ଗୋପିନାଥପୁର ଗାଁର ଯୁଗଳ କିଶୋର ଭଟ୍ଟ, ରାଜତଇ ଗାଁର ଚୈତନ ସାହୁ ଏବଂ ଚନ୍ଦ୍ରାଦେଇପୁରର ମକରା ସାହୁ । ଚନ୍ଦ୍ରାଦେଇପୁରୁ ପଞ୍ଚାୟତ ବେହେରା ସାହିର କାଳିଆ ବେହେରା, ଗୋପିନାଥପୁର ଗାଁ ବୁଦ୍ଧିବାମନ ପୃଷ୍ଟି, ହାଡିବନ୍ଧୁ ସାହୁ, ତେରହଳ ଗାଁର ଛବି ଦେଇ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି । ଏଭଳି ଘଟଣାକୁ ନେଇ ଲୋକେ ଆତଙ୍କିତ ।

ଡାକବାଜି ଯନ୍ତ୍ର ସହାୟତାରେ ହାତୀ ରହିଥିବା ସ୍ଥାନର ଆଖପାଖ ଗାଁ ଲୋକଙ୍କୁ ସତର୍କ କରୁଛି ପ୍ରଶାସନ । ବନ କର୍ମଚାରୀ, ପୋଲିସ ହାତୀର ଗତିବିଧି ଉପରେ ନଜର ରଖିଛନ୍ତି । ଯେଉଁ ସ୍ଥାନରେ ହାତୀ ଉତ୍ପାତ କରିଛି ସେ ଆଖପାଖରେ ନା ଅଛି ଜଙ୍ଗଲ, ନା କେବେ ହାତୀ ଦେଖିବାକୁ ମିଳନ୍ତି । ତେବେ ଏ ଦନ୍ତା ଆସିଲା କେଉଁଠୁ ? ଶନିବାର ରାତିରେ ଦନ୍ତାଟି ଡେଲାଙ୍ଗରୁ ୧୫ ରୁ ୧୭ କିଲୋମିଟର ପାର୍ ହୋଇ ଭୋରୁ ପହଞ୍ଚି ଯାଇଥିଲା ବଳଙ୍ଗା ଥାନା ଗୋପିନାଥପୁର ଗାଁରେ ।

ଶୌଚ ହେବାକୁ ଯାଇଥିବା ଯୁଗଳ କିଶୋର ଭଟ୍ଟଙ୍କୁ ଦଳି ମାରିଥିଲା ଦନ୍ତା । ଏହାପରେ ଦନ୍ତାଟି ଚାଲିଯାଇଥିଲା ଚନ୍ଦ୍ରାଦେଇପୁର । ଚାଷ ଜମିରେ ଆକ୍ରମରି କଚାଡି ମାରିଥିଲା ମକରା ପଲାଇଙ୍କୁ । ଲୋକେ ଘଉଡାଇବାରୁ ହାତୀଟୁ ଚାଲିଆସିଥିଲା ପିପିଲା ସଂଅପୁର ରାଜତଇ ଗାଁକୁ । ଶୌଚ ହେବାକୁ ଯାଇଥିବା ଚୈତନ୍ୟ ସାହୁ ପଡିଯାଇଥିଲେ ହାତୀ ହାବୁଡରେ । ହାତୀଟି ଏଭଳି ଉତ୍ୟକ୍ତ ହୋଇପଡିଥିଲା ଯେ ଗାଁ ମଧ୍ୟକୁ ପଶି ଆତଙ୍କ ସୃଷ୍ଟି କରିଥିଲା । ହାତୀ ଘଉଡାଇବାକୁ ବିଶେଷଜ୍ଞଙ୍କ ସହାୟତା ନିଆଯିବ । ଆବଶ୍ୟକ ପଡିଲେ ହାତୀକୁ ଟ୍ରାଙ୍କୁଲାଇଜ୍ କରାଯିବ ବୋଲି ପୁରୀ ଜିଲ୍ଳାପାଳ କହିଛନ୍ତି । ଏହାସହ ପ୍ରତି ମୃତକଙ୍କ ପରିବାରକୁ ୪ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରାଯାଇଛି ।

ଡେଲାଙ୍ଗ ବ୍ଲକ କୁଆପଦା ନିକଟ ଜଙ୍ଗଲରେ ମଧ୍ୟ ଦୁଇଟି ହାତୀ ଡେରା ପକାଇଛନ୍ତି । ସେମାନଙ୍କୁ ଘଉଡାଇବାକୁ ପ୍ରୟାସ ଜାରି ରଖିଛି ବନ ବିଭାଗ ।

   Related Posts