Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ହାଥରସ ଗଣଦୁଷ୍କର୍ମ ମାମଲା: ବିନା ରୀତିନୀତିରେ ରାତିଅଧରେ ପୀଡିତାଙ୍କ ଅନ୍ତିମ ସଂସ୍କାର କଲା ପୋଲିସ, ଶେଷଥର ପାଇଁ ଝିଅକୁ ଦେଖିବାକୁ ଗୁହାରି କରିଥିଲେ ପରିଜନ

30/09/2020 at 12:33 PM

ହାଥରସ ୩୦/୦୯ : ଉତ୍ତର ପ୍ରଦେଶ ହାଥରସ ଅନ୍ତର୍ଗତ ଚନ୍ଦପା ଅଞ୍ଚଳରେ ବୁଲଗାଡୀରେ ଗଣଦୁଷ୍କର୍ମ ପୀଡିତାଙ୍କ ମୃତ୍ୟୁ ପରେ ତାଙ୍କ ଅନ୍ତିମ ସଂସ୍କାରକୁ ନେଇ ପୋଲିସ ଓ ଜିଲ୍ଲା ପ୍ରଶାସନ ନାନା ଆରୋପ ଘେରରେ ରହିଛନ୍ତି । ପୋଲିସ ପୀଡିତାଙ୍କ ଶବ ପରିଜନକୁ ଦେଇନଥିବା ଅଭିଯୋଗ ହୋଇଛି । ପୀଡିତାଙ୍କ ପରିବାର ତାଙ୍କ ଶବକୁ ନିଜ ଘରକୁ ଆଣି ଶେଷଥର ପାଇଁ ତାଙ୍କୁ ଟିକେ ଦେଖିବାକୁ ଚାହିଁଥିଲେ । ରାତିରେ ପୀଡିତାଙ୍କ ଅନ୍ତିମ ସଂସ୍କାର ନ କରିବାକୁ ମଧ୍ୟ ପରିବାର ଲୋକେ କହିଥିଲେ । କିନ୍ତୁ ପୋଲିସ ଓ ଜିଲ୍ଲା ପ୍ରଶାସନ ଫୋର୍ସ ବଳରେ ରାତି ଅଧରେ ବିନା ରୀତିନୀତିରେ ଅନ୍ତିମ ସଂସ୍କାର କରିଥିଲେ ।

ଇତି ମଧ୍ୟରେ କଂଗ୍ରେସଠୁ ଆରମ୍ଭ କରି ତମାମ ବିରୋଧୀ ଦଳ ପରିବାର ଠାରୁ ଅନ୍ତିମ ସଂସ୍କାର ଅଧିକାର ଛଡେଇ ନେଇଥିବାରୁ ସରକାରଙ୍କୁ ଟାର୍ଗେଟ କରିଛନ୍ତି । ଏକ ଭିଡିଓ ମଧ୍ୟ ସାମ୍ନାକୁ ଆସିଛି । ଭିଡିଓରେ ଜଣେ ପୋଲିସ ବାବୁ ପୀଡିତାଙ୍କ ପରିବାର ଓ ଗ୍ରାମବାସୀଙ୍କୁ ବୁଝାଉଥିବା ଦେଖିବାକୁ ମିଳିଛି ।

ପୋଲିସ ବାବୁ ଜଣକ କହୁଛନ୍ତି ଯେ ରୀତିନୀତି ସମୟ ସହ ବଦଳିଥାଏ । ଏହା ଅସାଧାରଣ ପରିସ୍ଥିତି । ଯେଉଁଠି ଲେଖା ହୋଇଛି ଯେ ରାତିରେ ଅନ୍ତିମ ସଂସ୍କାର ହୁଏନାହିଁ । କିଛି ଭୁଲ ଆପଣମାନଙ୍କ ଦ୍ୱାରା ମଧ୍ୟ ହୋଇଛି ବୋଲି ସ୍ୱୀକାର କରନ୍ତୁ ବୋଲି ପୋଲିସ ବାବୁ କହୁଥିବା ଭିଡିଓରେ ସ୍ପଷ୍ଟ ଶୁଣିବାକୁ ମିଳିଛି ।

ପରିବାର ଲୋକେ ରାତିରେ ଅନ୍ତିମ ସଂସ୍କାର କରାଇବାକୁ ଚାହୁଁନଥିଲେ । କିନ୍ତୁ ପୋଲିସ ତୁରନ୍ତ ଅନ୍ତିମ ସଂସ୍କାର କରିବାକୁ ଚାହୁଁଥିଲା । ସେଥିପାଇଁ ରାତି ପ୍ରାୟ ସାଢେ ୨ଟା ସମୟରେ ବିନା ରୀତିନୀତିରେ ଏବଂ ପରିବାର ସଦସ୍ୟଙ୍କ ଅନୁପସ୍ଥିତିରେ ଅନ୍ତିମ ସଂସ୍କାର କରିଥିଲା । ଏପରିକି ପୋଲିସ ଓ ପିଏସି ଯବାନ ଘେରାବନ୍ଦୀ କରି ଗଣମାଧ୍ୟମକୁ ମଧ୍ୟ ମାମଲାର କଭରେଜ କରିବାକୁ ରୋକିଥିଲେ ।

ସୋସିଆଲ ମିଡ଼ିଆରେ ସେୟାର ହୋଇଥିବା ଏକ ଭିଡିଓରେ ଜଣେ ପୋଲିସ ଅଫିସର ପୀଡିତାଙ୍କ ପରିବାରକୁ କହୁଛନ୍ତି ଯେ ଶବ ଏତେ ସମୟ ରଖିବା ଠିକ ନୁହେଁ । ଏକ ଭିଡିଓରେ ପୀଡିତାଙ୍କ ମା ପୋଲିସକୁ ଗୁହାରି କରିଛନ୍ତି ଯେ ତାଙ୍କ ଝିଅକୁ ଶେଷଥର ପାଇଁ ଘରକୁ ନେବାକୁ ଅନୁମତି ଦିଆଯାଉ । ଏତେ ଶୀଘ୍ର ଅନ୍ତିମ ସଂସ୍କାର କରିବା କଣ ଦରକାର ବୋଲି ସେ କହିଥିଲେ । ଜବାବରେ ପୋଲିସ ବାବୁ କହିଥିଲେ, ‘ମୁଁ ରାଜସ୍ଥାନୀ, ଆମ ସମ୍ପ୍ରଦାୟରେ ଶବ ଅଧିକ ସମୟ ରଖାଯାଏ ନାହିଁ ।’ 

   Related Posts