Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

ହାଥରସ ମାମଲାରେ କାଟଜୁଙ୍କ ବିବାଦୀୟ ବୟାନ, କହିଲେ- ଦୁଷ୍କର୍ମ ପାଇଁ ଦାୟୀ କେବଳ ବେକାରୀ ସମସ୍ୟା

2/10/2020 at 11:59 AM

ନୂଆଦିଲ୍ଲୀ ୦୨/୧୦: ସବୁବେଳେ ନିଜ ବୟାନ ପାଇଁ ଚର୍ଚା ତଥା ବିବାଦରେ ରହୁଥିବା ସୁପ୍ରିମକୋର୍ଟର ପୂର୍ବତନ ବିଚାରପତି ମାର୍କଣ୍ଡେୟ କାଟଜୁ ହାଥରସ ମାମଲାରେ ମୁହଁ ଖୋଲିଛନ୍ତି। ତେବେ ଏ ଘଟଣା ପାଇଁ ବେରାଜଗାରକୁ ଦାୟୀ କରିଛନ୍ତି। ସେ ଏଭଳି ଜଘନ୍ୟ ଅପରାଧକୁ ନିନ୍ଦା କରି କହିଛନ୍ତି ଏହାର କାରଣ କେବଳ ଗୋଟିଏ। ତାହା ହେଉଛି ବେକାରୀ ସମସ୍ୟା। ହାଥରସ ମାମଲାରେ କାଟଜୁ ସାମାଜିକ ଗଣମାଧ୍ୟମରେ ଏକ ଲମ୍ବା ପୋଷ୍ଟ ମଧ୍ୟ ସେୟାର କରିଛନ୍ତି। ସେ କହିଛନ୍ତି ବଳାତ୍କାର ମାମଲା କମ୍ କରିବାକୁ ହେଲେ ଲୋକଙ୍କୁ ରୋଜଗାର ଦେବାକୁ ପଡ଼ିବ।

ସେ ତାଙ୍କ ପୋଷ୍ଟରେ ଲେଖିଛନ୍ତି ବଳାତ୍କାର ମାମଲା ବୃଦ୍ଧି ପଛରେ ରହିଛି ଦେଶର ବେକାରୀ ସମସ୍ୟା। ହାଥରସ ଘଟଣାକୁ କଡ଼ା ନିନ୍ଦା କରି ଦୋଷୀଙ୍କୁ କଠିନରୁ କଠିନ ଦଣ୍ଡ ଦେବା ଦାବି କରିଛନ୍ତି। ଭାରତ ଭଳି ରୁଢ଼ିବାଦୀ ଦେଶରେ ଯୁବକ-ଯୁବତୀ ସମ୍ପର୍କ କେବଳ ବିବାହ ପରେ ରଖନ୍ତି।

ମାତ୍ର ଯେତେବେଳେ ବଡ଼ ସଂଖ୍ୟାରେ ବେକାରୀ ସମସ୍ୟା ବଢ଼ୁଛି ଯୁବକମାନେ ବାହା ହୋଇ ପାରୁ ନାହାନ୍ତି। କାରଣ ଚାକିରି ନ ଥିବା କୌଣସି ଯୁବକକୁ କେହି ଯୁବତୀ ବାହା ହେବା ପାଇଁ ରାଜି ହେବେ ନାହିଁ। ଏ ପାଇଁ ସେମାନେ ଭୁଲ କରୁଥିବା କହିଛନ୍ତି। ତେବେ ସେ ନିଜ ସଫେଇରେ କହିଛନ୍ତି ଦୁଷ୍କର୍ମକୁ ସେ ଠିକ ବୋଲି କହୁ ନାହାନ୍ତି ବରଂ ତାହାର କଡ଼ା ନିନ୍ଦା କରୁଛନ୍ତି।

ତେବେ କାଟଜୁଙ୍କ ଏହି ପୋଷ୍ଟକୁ ତୀବ୍ର ସମାଲୋଚନା କରିଛନ୍ତି ୟୁଜର। ଏପରିକି ଅନେକ ତାଙ୍କ ବିରୋଧରେ  ସାମାଜିକ ଗଣମାଧ୍ୟମରେ ପୋଷ୍ଟ କରୁଛନ୍ତି।

   Related Posts