Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଡିସେମ୍ବର ୧୪ରୁ ଖୋଲିବ ଦଶମ ଏବଂ ଦ୍ବାଦଶ ଶ୍ରେଣୀ ସ୍କୁଲ, କୋଭିଡ୍-୧୯ ରିପୋର୍ଟ ବାଧ୍ୟତାମୂଳକ, ଏହି ରାଜ୍ୟ ସରକାରଙ୍କ ଘୋଷଣା

10/12/2020 at 9:40 PM

ଚଣ୍ଡିଗଡ ୧୦/୧୨ : ହରିୟାଣାରେ ସମସ୍ତ ସରକାରୀ ଏବଂ ବେସରକାରୀ ସ୍କୁଲ ଖୋଲିବାକୁ ଘୋଷଣା କରିଛନ୍ତି ରାଜ୍ୟ ସରକାର । ଆସନ୍ତା ଡିସେମ୍ବର ୧୪ରୁ ରାଜ୍ୟର ସମସ୍ତ ସରକାରୀ ଏବଂ ବେସରକାରୀ ସ୍କୁଲ ଖୋଲାବାକୁ ନିଷ୍ପତ୍ତି ନେଇଛି ହରିୟାଣା ସ୍କୁଲ ଶିକ୍ଷା ବିଭାଗ । ପ୍ରତିଦିନ ୩ ଘଣ୍ଟା ପାଇଁ ଶିକ୍ଷା ଦାନ କରାଯିବ । କୋଭିଡ-୧୯ ଗାଇଡଲାଇନ୍ ପାଳନ କରି ୧୦ମ ଏବଂ ଦ୍ବାଦଶ ଶ୍ରେଣୀ ଛାତ୍ରଛାତ୍ରୀଙ୍କୁ ସ୍କୁଲ ଆସିବା ପାଇଁ କୁହାଯାଇଛି ।

ତେବେ ନବମ ଏବଂ ଏକାଦଶ ଶ୍ରେଣୀର ଛାତ୍ରଛାତ୍ରୀଙ୍କ ପାଠପଢା ଡିସେମ୍ବର ୨୧ରୁ ଆରମ୍ଭ ହେବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି । କରୋନା ପରୀକ୍ଷାର ଡାକ୍ତରୀ ସାର୍ଟିଫିକେଟ ଦେବା ପରେ ପିଲାମାନଙ୍କୁ କ୍ଲାସ କରିବା ପାଇଁ ଅନୁମତି ମିଳିବ ବୋଲି କୁହାଯାଇଛି ।

କରୋନା ଭାଇରସକୁ ରୋକିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଆସନ୍ତା ମାର୍ଚ୍ଚ ମାସ ଯାଏଁ ସ୍କୁଲ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି । କେବଳ ଅନଲାଇନ୍ କ୍ଲାସ ପାଇଁ ଅନୁମତି ମିଳିଛି । ତେବେ କିଛି ସପ୍ତାହ ପୂର୍ବରୁ କେନ୍ଦ୍ର ସରକାର ରାଜ୍ୟ ସରକାରମାନଙ୍କୁ ପିଲାମାନଙ୍କୁ ଶାରୀରିକ ଭାବେ ସ୍କୁଲ ଆସିବା ନେଇ ନିଷ୍ପତ୍ତି ନେବାକୁ କହିଥିଲେ । ତାହାକୁ ଆଧାର କରି ସରକାର କେବଳ ୧୦ମ ଏବଂ ଦ୍ବାଦଶ ଶ୍ରେଣୀ ଛାତ୍ରଛାତ୍ରୀଙ୍କୁ ସ୍କୁଲ ଆସିବା ପାଇଁ ନିଷ୍ପତ୍ତି ନେଇଛନ୍ତି ।

   Related Posts