Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଡ.ହର୍ଷବର୍ଦ୍ଧନ ହେଲେ WHO କାର୍ଯ୍ୟନିର୍ବାହୀ ବୋର୍ଡର ଅଧ୍ୟକ୍ଷ

22/05/2020 at 4:56 PM

ନୂଆଦିଲ୍ଲୀ ୨୨/୦୫ : କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡ.ହର୍ଷବର୍ଦ୍ଧନ ବିଶ୍ୱ ସ୍ୱାସ୍ଥ୍ୟ ସଂଗଠନର ୩୪ତମ କାର୍ଯ୍ୟନିର୍ବାହୀ ବୋର୍ଡର ଅଧ୍ୟକ୍ଷ ପଦବୀ ସମ୍ଭାଳିଛନ୍ତି | ତାଙ୍କ ପୂର୍ବରୁ ଜାପାନର ହିରୋକି ନକତନି ଅଧ୍ୟକ୍ଷ ଥିଲେ | ବର୍ତ୍ତମାନ କରୋନା ସଙ୍କଟ ସମୟରେ ଭାରତକୁ ଏହିଭଳି ଏକ ମହତ୍ଵପୁର୍ଣ ପଦବୀ ମିଳିବ ବହୁତ ଖୁସିର ଖବର | ଭାରତ କରୋନା ସଂକ୍ରମଣ ରୋକିବାକୁ ବହୁତ ପ୍ରୟାସ କରିଛି ଏବଂ ଏବେ ମଧ୍ୟ କରୋନା ବିରୋଧୀ ଯୁଦ୍ଧ ଜାରି ରହିଛି | ଭାରତ କେବଳ ନିଜ କଥା ଚିନ୍ତା ନ କରି ବିଶ୍ୱର ଅନେକ ଦେଶକୁ ସାହାଯ୍ୟ କରିଛି |


ଗତ ମଙ୍ଗଳବାର ଦିନ ୧୯୪ ଦେଶର ବିଶ୍ୱ ସ୍ୱାସ୍ଥ୍ୟ ସଭା ଦ୍ୱାରା ଭାରତକୁ କାର୍ଯ୍ୟନିର୍ବାହୀ ବୋର୍ଡରେ ନିଯୁକ୍ତ କରିବା ପ୍ରସ୍ତାବ ଉପରେ ହସ୍ତକଃହାର କରାଯାଇଥିଲା | ବିଶ୍ୱ ସ୍ୱାସ୍ଥ୍ୟ ସଂଗଠନ ଦକ୍ଷିଣ-ପୂର୍ବ ଏସିଆ ସମେତ ଗତ ବର୍ଷ ସର୍ବ ସମ୍ମତି ସହ ନିଷ୍ପତ୍ତି ନେଇଥିଲା ଯେ ଭାରତକୁ ୩ ବର୍ଷର କାର୍ଯ୍ୟକାଳ ପାଇଁ କାର୍ଯ୍ୟନିର୍ବାହୀ ବୋର୍ଡ ପାଇଁ ମନୋନୀତ କରାଯିବ |


ସୂଚନାଯୋଗ୍ୟ ଯେ, ଡ.ହର୍ଷବର୍ଦ୍ଧନଙ୍କ ଚୟନ ମେ ୨୨ ତାରିଖରେ ବିଶ୍ୱ ସ୍ୱାସ୍ଥ୍ୟ ସଂଗଠନର କାର୍ଯ୍ୟନିର୍ବାହୀ ବୋର୍ଡ ବୈଠକରେ କରାଯାଇଛି | ଅଧ୍ୟକ୍ଷ ପଦ ଗୋଟିଏ ବର୍ଷ ପାଇଁ ରୋଟେସନ ଦ୍ୱାରା ଆୟୋଜିତ କରାଯାଇଥାଏ | ଗତ ବର୍ଷ ନିଷ୍ପତ୍ତି ହୋଇଥିଲା ଯେ ମେ ୨୨ ତାରିଖରୁ ଆରମ୍ଭ ହେବାକୁଥିବା ପ୍ରଥମ ବର୍ଷ ପାଇଁ ଭାରତୀୟ ପ୍ରାର୍ଥୀ କାର୍ଯ୍ୟନିର୍ବାହୀ ବୋର୍ଡର ଅଧ୍ୟକ୍ଷ ହେବେ |


ଜଣେ ଅଧିକାରୀ କହିଛନ୍ତି ଯେ, ଏହା ପୂର୍ଣ୍ଣକାଳ କାର୍ଯ୍ୟ ନୁହେଁ | ଚେୟାରମ୍ୟାନଙ୍କୁ କାର୍ଯ୍ୟନିର୍ବାହୀ ବୈଠକର ଅଧ୍ୟକ୍ଷତା କରିବାକୁ ହେବ | ୩୪ ଜଣ ବ୍ୟକ୍ତିଙ୍କୁ ନେଇ ଗଠିତ କାର୍ଯ୍ୟନିର୍ବାହୀ ବୋର୍ଡ ସ୍ୱାସ୍ଥ୍ୟ କ୍ଷେତ୍ରରେ ଯୋଗ୍ୟ ଅଟେ | ବୋର୍ଡ ବର୍ଷକୁ ଅତିକମରେ ଦୁଇଥର ବୈଠକ କରେ | ମୁଖ୍ୟ ବୈଠକ ସାଧାରଣତଃ ଜାନୁଆରୀ ମାସରେ ହୋଇଥାଏ | ସ୍ୱାସ୍ଥ୍ୟ ସଭା ପରେ ପରେ ମେ ମାସରେ ଆଉ ଏକ ବୈଠକ ବସେ | କାର୍ଯ୍ୟନିର୍ବାହୀ ବୋର୍ଡ ଅଧ୍ୟକ୍ଷଙ୍କ ମୁଖ୍ୟ କାର୍ଯ୍ୟ ହେଲା ସ୍ୱାସ୍ଥ୍ୟ ସଭାରେ ନିଆଯାଇଥିବା ନିଷ୍ପତ୍ତି ଓ ନୀତିକୁ କାର୍ଯ୍ୟକାରୀ କରିବା ପାଇଁ ପରାମର୍ଶ ଦେବା |

   Related Posts