Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ବ୍ରହ୍ମଗିରିରେ ବୋମାମାଡ, ଛିଣ୍ଡିଗଲା ଯୁବକଙ୍କ ହାତ
  • ||
  • ମହାକାଳପଡା : ହରିଣ ମାଂସ ବୋଝେଇ ଅଟୋ ଜବତ, ଜଣେ ଗିରଫ, ୨ ଅଭିଯୁକ୍ତ ଫେରାର
  • ||
  • ରାୟଗଡା : ତ୍ରିପୁରା ଯିବାବେଳେ ରେଳ ଷ୍ଟେସନରୁ ୬ନାବାଳିକା ଉଦ୍ଧାର, ଚାଇଲ୍ଡ ଲାଇନ୍‌କୁ ହସ୍ତାନ୍ତର
  • ||
  • ସମ୍ବଲପୁର : ସମ୍ବଲପୁର ଜିଲ୍ଲାର ୨ଟି ଗାଁ ସଟଡାଉନ୍ ଘୋଷଣା, କରୋନା ସଂକ୍ରମଣ ବୃଦ୍ଧି ଦୃଷ୍ଟିରୁ ପଦକ୍ଷେପ
  • ||
  • ଭୁବନେଶ୍ବର : ବାତିଲ ହେଲା ଚଳିତବର୍ଷ ମାଟ୍ରିକ ପରୀକ୍ଷା, ଘୋଷଣା କଲେ ଗଣଶିକ୍ଷା ମନ୍ତ୍ରୀ
  • ||
  • ଆଜିଠାରୁ ୫ ଦିନ ବନ୍ଦ ରହିବ ସମ୍ବଲପୁର ବିଶ୍ବବିଦ୍ୟାଳୟ, କରୋନା ସଂକ୍ରମଣ ଦୃଷ୍ଟିରୁ ପଦକ୍ଷେପ
  • ||
  • ରାଜ୍ୟରେ କରୋନା ନେଲା ଆଉ ୫ ଜଣଙ୍କ ଜୀବନ, ୧୯୫୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ପବିତ୍ର ଶ୍ରୀରାମ ନବମୀ : କୋଭିଡ୍ କଟକଣାରେ ପାଳନ ହେବ ଉତ୍ସବ, ଆଜିଠୁ ଟ୍ବିନସିଟିର ସମସ୍ତ ଧର୍ମାନୁଷ୍ଠାନ ବନ୍ଦ
  • ||
  • ଯାଜପୁର : ବରଗଛରୁ ମିଳିଲା ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ପଦ୍ମପୁରରେ ମାତିଲା ଦନ୍ତା, ଶୌଚ ପାଇଁ ଯାଇଥିବାବେଳେ ୩ ଜଣଙ୍କୁ ଦଳିଦେଲା
  • ||

ଦଶହରାରେ ରାବଣ ପୋଡ଼ି ବଦଳରେ ପତ୍ନୀ ପୀଡ଼ିତ ପୁରୁଷ ସଙ୍ଗଠନ କଲା ସୁପର୍ଣ୍ଣଖା ପୋଡ଼ି

20/10/2018 at 1:01 PM

ଔରଙ୍ଗାବାଦ ୨୦/୧୦: ଦଶହରାରେ ସମଗ୍ର ଦେଶର ବିଭିନ୍ନ ସ୍ଥାନରେ ରାବଣପୋଡ଼ି ଅନୁଷ୍ଠିତ ହୋଇଥିବାବେଳେ ମହାରାଷ୍ଟ୍ରର ଔରଙ୍ଗାବାଦ ନିକଟସ୍ଥ ଏକ ଗାଁରେ ଦେଖିବାକୁ ମିଳିଛି ସୁପର୍ଣ୍ଣଖା ପୋଡ଼ି। ସୁପର୍ଣ୍ଣଖା ହେଉଛନ୍ତି ଦଶାନନ ରାବଣର ଭଉଣୀ। ସୁପର୍ଣ୍ଣଖାକୁ ଶ୍ରୀରାମ-ଲକ୍ଷ୍ମଣ କରିଥିବା ଅପମାନର ପ୍ରତିଶୋଧ ନେବା ପାଇଁ ରାମ-ରାବଣ ଯୂଦ୍ଧ ହୋଇଥିଲା ଓ ରାବଣ ପ୍ରାଣ ହରାଇଥିଲେ। ଏଥିପାଇଁ ସୁପର୍ଣ୍ଣଖା ହିଁ ସୀତା ହରଣ ଓ ରାବଣ ମରଣ ପାଇଁ ଦାୟୀ ବୋଲି ଔରଙ୍ଗାବାଦର ଏକ ସ୍ତ୍ରୀ ‘ନିର୍ଯ୍ୟାତିତ ସ୍ବାମୀ ସମାଜ’ ସଙ୍ଗଠନ ପକ୍ଷରୁ କୁହାଯାଇଛି। ଆଉ ଖାସ୍ ଏଥିପାଇଁ ରାବଣ ପୋଡ଼ି ନକରି ନିର୍ଯ୍ୟାତନା ଦେଉଥିବା ଏବଂ ଭୁଲ୍ ବାଟରେ ଯାଉଥିବା ସ୍ତ୍ରୀମାନଙ୍କ ପ୍ରତୀକ ସୁପର୍ଣ୍ଣଖାକୁ ପୋଡ଼ିଛି ଏହି ସମାଜ। ସଂସ୍ଥାର ମୁଖ୍ୟ କହିଛନ୍ତି ଯେ, ପାରିବାରିକ କଳହରୁ ହେଉଥିବା ଆତ୍ମହତ୍ୟା ଘଟଣାକୁ ଯଦି ବିଚାରକୁ ନିଆଯାଏ ତାହେଲେ ଆତ୍ମହତ୍ୟାକାରୀଙ୍କ ମଧ୍ୟରେ ପୁରୁଷଙ୍କ ସଂଖ୍ୟା ସର୍ବାଧିକ ୭୪ପ୍ରତିଶତ। ଛୋଟ ଛୋଟ କଥାରେ ସ୍ତ୍ରୀମାନେ ସ୍ବାମୀ ଓ ଶ୍ବଶୁରାଳୟର ଲୋକଙ୍କୁ ନିର୍ଯ୍ୟାତନା ଦେବା ଘଟଣା ଦେଶରେ ବୃଦ୍ଧି ପାଇବାରେ ଲାଗିଛି। ଦେଶରେ ଯେତେ ଆଇନ୍ ରହିଛି ସବୁ ସ୍ତ୍ରୀଙ୍କୁ ସୁରକ୍ଷା ଦେବା ପାଇଁ । କିନ୍ତୁ ସ୍ତ୍ରୀମାନେ ଏହି ଆଇନର ଢ଼ାଲରେ ସବୁ ପ୍ରକାର କୁକର୍ମ କରୁଛନ୍ତି। ସଂପ୍ରତି ଦେଶରେ ଚାଲିଥିବା ‘ମି ଠୁ’ ଅଭିଯାନକୁ ମଧ୍ୟ ଏହି ସଙ୍ଗଠନ ସମାଲୋଚନା କରିଛି।

ଔରଙ୍ଗାବାଦର କରୋଲିଠାରେ ଏହି ସୁପର୍ଣ୍ଣଖା ପୋଡ଼ି ଉତ୍ସବ ଆୟୋଜନ ହୋଇଥିଲା। ପ୍ରତ୍ୟେକ ବର୍ଷ ଏହି ଉତ୍ସବ ପାଳିତ  ହେବବୋଲି ପତି ପୀଡ଼ିତ ପୁରୁଷ ସଙ୍ଗଠନର ପ୍ରତିଷ୍ଠାତା ଭାରତ ଫୁଲାରେ କହିଛନ୍ତି।

ସୂଚନାଯୋଗ୍ୟ ଯେ, କିଛି ଦିନ ତଳେ ପିତୃପକ୍ଷ ଓ ମହାଳୟା ସମୟରେ ଏହି ସଙ୍ଗଠନ ନାସିକଠାରେ ନିଜ ନିଜର ଜୀବିତ ପତ୍ନୀଙ୍କୁ ପିଣ୍ଡ ପ୍ରଦାନ କାର୍ଯ୍ୟକ୍ରମର ଆୟୋଜନ କରିଥିଲା। ପାଖାପାଖି ୧୦୦ଜଣ ପତ୍ନୀ ପୀଡ଼ିତ ପୁରୁଷ ସେମାନଙ୍କ ଜୀବିତ ପତ୍ନୀମାନଙ୍କୁ  ପିଣ୍ଡ ପ୍ରଧାନ କରିଥିଲେ।

   Related Posts