Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ମହୁ ଖାଇଲା କିଏ ? ମାଛି ବିନ୍ଧିଲା କାହାକୁ ? ଷଡଯନ୍ତ୍ରକାରୀଙ୍କୁ ଧରାଯାଉ, ମନୋରଞ୍ଜନଙ୍କୁ ନ୍ୟାୟ ମିଳୁ

6/11/2020 at 10:08 PM

ଭୁବନେଶ୍ୱର, ୦୬୧୧ :  ଖୋର୍ଦ୍ଧା ସାରୁଅ ଜମି ଜାଲିଆତି ଘଟଣାରେ ଗିରଫ ହୋଇଥିବା ଓଡ଼ିଶା ଇନଫ୍ରାଟେକ୍‌ ମୁଖ୍ୟ ତଥା ଓଟିଭି ସିଏଫ୍‌ଓ ମନୋରଞ୍ଜନ ଷଡ଼ଙ୍ଗୀ ନିଜ ପଦରୁ ଇସ୍ତଫା ଦେଇଛନ୍ତି । ଏଥି ସହ ତାଙ୍କ ବିରୋଧରେ ହୋଇଥିବା ମାମଲା ଲଢ଼ିବାକୁ ଓଟିଭି ପକ୍ଷରୁ ଦିଆଯାଇଥିବା ଓକିଲଙ୍କୁ ମଧ୍ୟ ବଦଳାଇଛନ୍ତି ମନୋରଞ୍ଜନ । ଏନେଇ ସୂଚନା ଦେଇଛନ୍ତି ମନୋରଞ୍ଜନଙ୍କ ଶାଳକ ହରିହର ମିଶ୍ର ।

ହରିହର ମିଶ୍ର କହିଛନ୍ତି ଯେ, ମନୋରଞ୍ଜନଙ୍କ ଅବସ୍ଥା ଗୁରୁତର ଅଛି । ସାଲାଇନ୍ ଲାଗିଛି । ମଧୁମେହ ଥିବାରୁ ମନୋରଞ୍ଜନ ହସ୍ପିଟାଲରେ ଭର୍ତ୍ତି ହୋଇଛନ୍ତି ।ତେବେ ଓଟିଭି ସହ ମନୋରଞ୍ଜନଙ୍କ ସମ୍ପର୍କ ନେଇ ମଧ୍ୟ ଅନେକ ଗୁମର ଖୋଲିଛନ୍ତି ହରିହର । ସେ କହିଛନ୍ତି ଯେ, ମହୁ ଖାଇଲା କିଏ ? ମାଛି ବିନ୍ଧିଲା କାହାକୁ । ମନୋରଞ୍ଜନ ବହୁ କଷ୍ଟରେ ସଫଳତା ଲାଭ କରିଛନ୍ତି । ୨୦୦୮ରେ ସେ ଓଟିଭିରେ ସାମିଲ ହୋଇଥିଲେ । ଜଣେ ନିର୍ଦ୍ଦିଷ୍ଟ ଧନି ବ୍ୟକ୍ତି ଅଧିକ ଧନି ହେବା ଲକ୍ଷ୍ୟର ଅନ୍ୟକୁ ବିପଦକୁ ଠେଲିଛନ୍ତି ।୨୦୧୧ ଯାଏଁ ସେ ଓରଟେଲେ ସଚ୍ଚୋଟ ଅଫିସର ଭାବେ କାମ କରୁଥିଲେ। ଏହାର ସୁଯୋଗ ନେଇ ଓଟିଭିର ପ୍ରତିଷ୍ଠାତା ଓ ମାଲିକ ତାଙ୍କୁ ନେଇ ଓରଟେଲରୁ ଓଟିଭିକୁ ଆଣିଥିଲେ । କିନ୍ତୁ ଚକ୍ରାନ୍ତ କରି ଓଟିଭି ଏମଡି ଜଗି ମଙ୍ଗତ ପଣ୍ଡା ଓଡିଶା ଇନଫ୍ରାଟେକ ୨୦୦୮ରେ ତିଆରି କରିଥିଲେ । ଏହି ଚକ୍ରାନ୍ତ ୧୨ ବର୍ଷର ଚକ୍ରାନ୍ତ । ୨୦୦୮ରେ ଜଗି କମ୍ପାନୀ ଆରମ୍ଭ କଲେ ଓ ବିଭୁ ରଥଙ୍କ  ରହିଥିଲେ ।କମ୍ପାନୀ ଯେତେବେଳେ ଶେଷ ଅବସ୍ଥାକୁ ଆସିଲା ସେତେବେଳେ ନିଜେ ଜଗି ନିର୍ଦ୍ଦେଶକରୁ ଇସ୍ତଫା ଦେଇ ମନୋରଞ୍ଜନଙ୍କୁ ଦାୟିତ୍ୱ ଦେଇଥିଲେ ।

ହରିହର ଆହୁରି କହିଛନ୍ତି ଯେ, ଜଗି ପଣ୍ଡା ନିର୍ଦ୍ଦେଶକ ପଦ ଛାଡିବା ପରେ ବିଭୁ ରଥ ପାଓ୍ୱାର  ଅଫ୍ ଆଟର୍ଣ୍ଣିଂ ତାଙ୍କ ଶଳା ରଶ୍ମି ମିଶ୍ରଙ୍କୁ ଦେଇଥିଲେ । ଯେତେ ଜମି କିଣା ଯାଇଛି ସବୁ ପାଓ୍ୱାର ଅଫ୍ ଆଟର୍ଣ୍ଣିଂରେ କିଣାଯାଇଛି । ମନୋରଞ୍ଜନଙ୍କ ପାଓ୍ୱାର ଅଫ୍ ଆଟର୍ଣ୍ଣିଂରେ ଦୁଇଟି ଜାଗା କିଣାଯାଇଛି । ଶିବ ଶ୍ରୀଚନ୍ଦନ ହରିଜନଙ୍କଠୁ ଠିକଛନ୍ତି ନା ନାହିଁ ତାହାର ତଦନ୍ତ ଚାଲିଛି । ତେବେ ନିଷ୍ପତ୍ତି କ୍ରମେ ମନୋରଞ୍ଜନ ଓଟିଭିରୁ ଇସ୍ତଫା ଦେଇଛନ୍ତି । ଓଟିଭିର ପ୍ରତିଷ୍ଠାତା ନିଜର ସୁରକ୍ଷା ପାଇଁ କର୍ମଚାରୀଙ୍କୁ ବଳି ଦେଉଛନ୍ତି । ପ୍ରତିଷ୍ଠାତାମାନେ ହାଇକୋର୍ଟରେ ନିଜ ସୁରକ୍ଷା ପାଇଁ ଆବେଦନ କରିଛନ୍ତି । ତେବେ ମୁଖ୍ୟ ଷଡଯନ୍ତ୍ରକାରୀ କିଏ ତାହା ସାମ୍ନାକୁ ଆସିବା ଉଚିତ । ଏପରିକି ଯଦି ବୈଜୟନ୍ତ ପଣ୍ଡା ଓ ଜଗି ପଣ୍ଡା ନିର୍ଦ୍ଦୋଷ ତେବେ ହାଇକୋର୍ଟରେ ସୁରକ୍ଷା କାହିଁକି ମାଗୁଛ ବୋଲି ହରିହର ପ୍ରଶ୍ନ କରିଛନ୍ତି ।ଆମେ ଖାଇବୁ ମହୁ ଏବଂ ମହୁ ମାଛି କର୍ମଚାରୀଙ୍କୁ ବିନ୍ଧିବ କହି ହରିହର କଟାକ୍ଷ କରିଛନ୍ତି । ଏହାସହ ସମସ୍ତ ଚକ୍ରାନ୍ତକାରୀଙ୍କ ଧରାଯିବା ସହ ସମସ୍ତ ସତ ସାମ୍ନାକୁ ଆସୁ ବୋଲି ସେ ଦାବି କରିଛନ୍ତି ।

   Related Posts