Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହରିଚନ୍ଦନପୁର ବିଡ଼ିଓଙ୍କୁ ଚାପୁଡ଼ା ମାରିଲେ ଠିକାଦାର

21/08/2018 at 3:44 AM

ଘଟଗାଁ ୨୧/୮ : କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକର ବିଡ଼ିଓଙ୍କୁ ଠିକାଦାର ମାଡ ମାରିଥିବା ଅଭିଯୋଗ ହୋଇଛି | ବିଡ଼ିଓ ବିଜୟାନନ୍ଦ ସେଠୀ ନିକଟସ୍ଥ ହୁଣ୍ଡା ଗାଁକୁ ରାସ୍ତା କାମ ତଦାରଖ ପାଇଁ ଯାଇଥିବା ବେଳେ ସେଠାରେ ଠିକାଦାରଙ୍କ ସହ ତାଙ୍କର ଯୁକ୍ତିତର୍କ ହୋଇଥିଲା | ରାସ୍ତା କାମ ନିମ୍ନ ମାନର ହୋଇଥିବା ନେଇ ଏହି ଯୁକ୍ତିତର୍କ ଚାଲିଥିବା ବେଳେ ଠିକାଦାର ପ୍ରସନ୍ନ ନାୟକ ବିଡ଼ିଓଙ୍କୁ ଶକ୍ତ ଚାପୁଡ଼ା ମାରିଥିଲେ | ଏହା ପରେ ବିଡ଼ିଓ ବିଜୟାନନ୍ଦ ସେଠୀ ହରିଚନ୍ଦନପୁର ଥାନାରେ ଠିକାଦାର ପ୍ରସନ୍ନ ନାୟକଙ୍କ ବିରୋଧରେ ଲିଖିତ ଅଭିଯୋଗ କରିଛନ୍ତି | ତେବେ ରିପୋର୍ଟ ଲେଖା ହେବା ପର୍ଯ୍ୟନ୍ତ ହରିଚନ୍ଦପୁର ଥାନା ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ | ବିଡ଼ିଓଙ୍କ ଉପରେ ଆକ୍ରମଣ ଘଟଣାକୁ ବ୍ଲକ କର୍ମଚାରୀଙ୍କ ପକ୍ଷରୁ ନିନ୍ଦା କରାଯାଇଛି | ପରିସ୍ଥିତି ଉତ୍ତେଜନା ପୁର୍ଣ ରହିଛି |

   Related Posts