Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୋସିଆଲ ମିଡ଼ିଆରେ ପୁଅର ପ୍ରଥମ ଫଟୋ ସେୟାର କଲେ ହାର୍ଦିକ ପାଣ୍ଡ୍ୟା

1/08/2020 at 12:48 PM

ମୁମ୍ବାଇ ୦୧/୦୮ : ଭାରତୀୟ କ୍ରିକେଟର ଅଲରାଉଣ୍ଡର ହାର୍ଦିକ ପାଣ୍ଡ୍ୟା ଦୁଇ ଦିନ ପୂର୍ବରୁ ଏକ ଶିଶୁ ପୁତ୍ରର ବାପା ହୋଇଛନ୍ତି | ୨୬ ବର୍ଷ ବୟସ୍କ ହାର୍ଦିକ ପାଣ୍ଡ୍ୟା ସୋସିଆଲ ମିଡ଼ିଆରେ ଏନେଇ ସୂଚନା ଦେଇଥିଲେ | ଶିଶୁର ହାତକୁ ଧରିଥିବା ଏକ ଫଟୋ ହାର୍ଦିକ ସୋସିଆଲ ମିଡ଼ିଆରେ ସେୟାର କରିଥିଲେ | ଆଜି ସେ ନିଜ ପୁତ୍ର ସନ୍ତାନର ଏକ ଫଟୋ ସେୟାର କରିଛନ୍ତି | ପୁଅକୁ କୋଳରେ ଧରି ହାର୍ଦିକ ଏକ ଫଟୋ ସେୟାର କରିଛନ୍ତି |

ଫଟୋ ସେୟାର କରି ହାର୍ଦିକ କ୍ୟାପସନ ଲେଖିଛନ୍ତି, ଭଗବାନଙ୍କ ଆଶୀର୍ବାଦ…ଏହାସହ ନିଜ ପତ୍ନୀ ନତାସାଙ୍କୁ ପ୍ରେମ ନିବେଦନ ମଧ୍ୟ କରିଛନ୍ତି | ଶିଶୁର ଫଟୋ ସେୟାର କରିବା ପରେ ପ୍ରଶଂସକ ଶୁଭେଚ୍ଛା ଜଣାଇଛନ୍ତି | ପ୍ରଶଂସକ ହାର୍ଦିକଙ୍କୁ ଉତ୍ସାହର ସହ ପଚାରିଛନ୍ତି ପୁଅର ନାଁ କଣ ରଖିବେ |

ପାଣ୍ଡ୍ୟା ଚଳିତ ବର୍ଷ ଜାନୁଆରୀ ୧ ତାରିଖରେ ନତାସାଙ୍କ ସହ ନିର୍ବନ୍ଧ କରିଥିଲେ | ମେ ମାସରେ ଉଭୟ ନୂଆ ଅତିଥି ଆସିବା ନେଇ ଖବର ଦେଇ ସମସ୍ତଙ୍କୁ ଚକିତ କରିଦେଇଥିଲେ | ସେ ଓ ନତାସା ଶିଶୁ ଜନ୍ମକୁ ନେଇ ବହୁତ ଉତ୍ସାହିତ ଅଛନ୍ତି ବୋଲି ପାଣ୍ଡ୍ୟା କହିଥିଲେ |

   Related Posts