ନୂଆଦିଲ୍ଲୀ,୧୬/୦୧: ଭାରତୀୟ ଦଳର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଓ କୃଣାଲ ପାଣ୍ଡ୍ୟାଙ୍କ ପିତା ହୃଦଘାତରେ ପ୍ରାଣ ହରାଇଛନ୍ତି । ଉଭୟ ହାର୍ଦ୍ଦିକ ଓ କୃଣାଲ ଏବେ ସୟଦ ମୁସ୍ତାକ ଅଲ୍ଲୀ ଟି୨୦ ଖେଳୁଛନ୍ତି । ପିତାଙ୍କ ମୃତ୍ୟୁ ଖବର ପାଇବା ପରେ ପାଣ୍ଡ୍ୟା ଭ୍ରାତା ଘର ଅଭିମୁଖେ ଗସ୍ତ କରିଛନ୍ତି ।
ବରୋଦାର ଅଧିନାୟକ କୃଣାଲ ପାଣ୍ୟା ଓ ହାର୍ଦ୍ଦିକ ପାଣ୍ଡ୍ୟା ନିଜ ପରିବାର ସହ ଏକ ସଙ୍କଟ ସମୟରେ ରହିବା ପାଇଁ ଦଳର ବାୟୋ ବବଲ ଛାଡି ଦେଇଥିଲେ । ଏବେ ଦୁଇ ଭାଇ ସୟଦ ମୁସ୍ତାକ ଅଲ୍ଲୀ ଟି୨୦ ଟ୍ରଫି ଖେଳୁଛନ୍ତି ।
ବରୋଦା କ୍ରିକେଟ ଆସୋସିଏସନର ସିଇଓ ଶିଶିର ହଟ୍ଟଗଡି କହିଛନ୍ତି ଯେ, କୃଣାଲ ଦଳର ବାୟୋ ବବଲ ଛାଡିଛନ୍ତି । ଏହା ତାଙ୍କ ପାଇଁ ଓ ପରିବାର ପାଇଁ ଦୁଃଖର ସମୟ । ବରୋଦା କ୍ରିକେଟ ଆସୋସିଏସନ ପାଣ୍ଡ୍ୟା ଭ୍ରାତାଙ୍କ ପିତାଙ୍କ ଦେହାନ୍ତରେ ଶୋକବ୍ୟକ୍ତ କରିଛି ।
