Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||

ପିଲାଛୁଆ ହେଉନଥିଲା ବୋଲି ନିର୍ଯ୍ୟାତନା ଦେଉଥିଲେ ସ୍ବାମୀ ଓ ଶ୍ବଶୁର ଘର ଲୋକେ, ଫ୍ୟାନ୍‌ରେ ରଶି ଲଗାଇ ଆତ୍ମହତ୍ୟା କଲେ ମହିଳା

12/01/2021 at 1:34 PM

ହାଇଦରାବାଦ ୧୨/୦୧ : ପରିବାର ଲୋକଙ୍କ ନିର୍ଯ୍ୟାତନା ସହିନପାରି ଜଣେ ମହିଳା ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ହାଇଦରାବାଦ ସରୋରନଗରର ମୃତକ ମହିଳାଜଣଙ୍କୁ ସ୍ବାମୀ ଏବଂ ଶ୍ବଶୁର ଘର ଲୋକ ବିଭିନ୍ନ ସମୟରେ ବାରମ୍ବାର ଶାରୀରିକ ଏବଂ ମାନସିକ ନିର୍ଯ୍ୟାତନା ଦେଇଆସୁଥିଲେ । ଏଥିରେ ଅସହ୍ୟ ହୋଇ ଉଦୟା ଶ୍ରୀ ନାମକ ମହିଳା ଆତ୍ମହତ୍ୟା କରିଛନ୍ତି ।

ସୂଚନା ଅନୁସାରେ ଉଦୟା ଶ୍ରୀ ୨୦୦୯ ମସିହାରେ ସୁରେଶ ନାମକ ଜଣେ ବ୍ୟକ୍ତିଙ୍କୁ ବିବାହ କରିଥିଲେ । କିନ୍ତୁ ବାହାଘରର ଦୀର୍ଘ ବର୍ଷ ପରେ ମଧ୍ୟ ଉଭୟଙ୍କର କିଛି ପିଲାଛୁଆ ହେଉନଥିଲା । ଏଥିରେ ଉତକ୍ଷିପ୍ତ ସୁରେଶ ଏବଂ ତାଙ୍କ ପରିବାର ଉଦୟାଙ୍କୁ ବାରମ୍ବାର ଶାରୀରିକ ଏବଂ ମାନସିକ ନିର୍ଯ୍ୟାତନା ଦେଇଆସୁଥିଲେ ।

ତେବେ ପୋଲିସ କହିବା ମୁତାବକ, ଶନିବାର ଦିନ ରାତିରେ ମୃତ ମହିଳାଙ୍କ ସ୍ବାମୀ ସୁରେଶ ଘରକୁ ଫେରିଥିଲେ । ଘରେ ପହଞ୍ଚି କବାଟ ଖୋଲିବା ପାଇଁ କହିଥିଲେ ମଧ୍ୟ ଭିତରୁ କେହି କବାଟ ଖୋଲୁନଥିଲେ । ଦୀର୍ଘ ସମୟ ଧରି କବାଟ ନଖୋଲିବାରୁ ସେ ପୋଲିସକୁ ଫୋନ କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚିବା ପରେ ପଡୋଶୀଙ୍କ ସାହାଯ୍ୟରେ ସୁରେଶ କବାଟକୁ ଭାଙ୍ଗିଥିଲେ । ଘର ଭିତରେ ପ୍ରବେଶ କରି ଦେଖିବାକୁ ପାଇଥିଲେ ତାଙ୍କ ପତ୍ନୀ ପଙ୍ଖାରେ ରଶି ଲଗାଇ ଆତ୍ମହତ୍ୟା କରିଛନ୍ତି ।

ସ୍ଥାନୀୟ ପୋଲିସ ଏହି ଘଟଣାରେ ମୃତ ମହିଳା ଉଦୟାଶ୍ରୀଙ୍କ ସ୍ବାମୀ ସୁରେଶ ଏବଂ ତାଙ୍କ ପିତା-ମାତାଙ୍କ ବିରୁଦ୍ଧରେ ଆଇପିସିର ଧାରା ୩୦୬ ଅନୁଯାୟୀ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଘଟଣାସ୍ଥଳରୁ କୌଣସି ସୁଇସାଇଡ୍ ନୋଟ୍‌ ଜବତ ହୋଇନଥିବା ପୋଲିସ କହିଛି ।

   Related Posts