Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ନୀରବରେ ଆସିଲା ନୂଆବର୍ଷ, ଫୁଟିଲାନି ବାଣ, ସମ୍ଭବ ହେଲାନି ସେଲିବ୍ରେସନ

1/01/2021 at 8:39 AM

ଭୁବନେଶ୍ୱର ୦୧/୦୧: କେଉଁଠି ବି ଶୁଭିଲାନି ବାଏବାଏ ୨୦୨୦ । ହାପି ନ୍ୟୁ ଇୟର ୨୦୨୧ ନାରା ବି କମ୍ପିଲାନି ରାସ୍ତାଘାଟ । ଚୁପ୍‌ଚାପ୍‌ ଆସି ପହଞ୍ଚିଯାଇଛି ୨୦୨୧। ମନ୍ଦିର ଫାଟକରେ ତାଲା। ବଣଭୋଜି ଉପରେ କଟକଣା। ସେଲିବ୍ରେସନ୍‌ ବି କେଉଁଠି ସମ୍ଭବ ହେଲାନି । ଭୟ ଓ ଆଶଙ୍କା ଭିତରେ ସରିଗଲା ବର୍ଷ ୨୦୨୦। ନୂଆବର୍ଷ ୨୦୨୧କୁ ସ୍ୱାଗତ ଆଡମ୍ବରରେ ହୋଇପାରିଲାନି।

ସମସ୍ତେ ଭାବି ନେଇଥିଲେ ଯେ ୨୦୨୦ ସରିଲେ କରୋନା ବି ଚାଲିଯିବ। ୨୦୨୧ର ନୂଆ ସକାଳ କରୋନାମୁକ୍ତ ହୋଇ ଆସିବ। ୨୦୨୦କୁ ବିଦାୟ ଦେବାକୁ ଓ ନୂଆ ବର୍ଷକୁ ସ୍ୱାଗତ କରିବାକୁ ବ୍ୟାପକ ପ୍ରସ୍ତୁତି ଚାଲିଥିଲା । କିନ୍ତୁ ବର୍ଷ ଶେଷ ଆଡକୁ ମାଡ଼ି ବସିଲା ବ୍ରିଟେନ୍‌ ଭୂତାଣୁ ଭୟ ।

ଏହାକୁ ନଜରରେ ରଖି ଜିରୋ ନାଇଟ୍‌ ସେଲିବ୍ରେସନ୍‌କୁ ବନ୍ଦ କରି ଦେଲେ ସରକାର । ମନ୍ଦିର, ପାର୍କ ବନ୍ଦ । ସାଙ୍ଗସାଥୀ ଓ ପରିବାର ଗହଣରେ ଭୋଜିଭାତରେ ନୂତନ ବର୍ଷକୁ ସ୍ୱାଗତ କରିବା ବି ସମ୍ଭବ ହେଲାନି । ବର୍ଷର ଶେଷ ରାତି ୩୧ ଡିସେମ୍ବରରେ ସାରା ରାଜ୍ୟରେ ଲାଗିଲା ନାଇଟ୍‌ କର୍ଫ୍ୟୁ । ଦିନ ଦି’ ପହରରେ ଅଚାନକ ଜାରି ହେଲା ଏମିତି ନିର୍ଦ୍ଦେଶ । ୩୧ ଡିସେମ୍ବର ରାତି ୧୦ଟା ପରେ କେହି ପଦାକୁ ବାହାରି ପାରିବେନି।

ରାତି ୯ଟା ସୁଦ୍ଧା ସବୁ ହୋଟେଲ, ରେଷ୍ଟୁରାଣ୍ଟ ବନ୍ଦ ହୋଇଗଲା । କେବଳ ଅତ୍ୟାବଶ୍ୟକ ସେବା, ଜରୁରୀକାଳୀନ ଯାତାୟତ ଓ ଗଣମାଧ୍ୟମ ପ୍ରତିନିଧିଙ୍କ ଯା’ ଆସ କରିପାରିଲେ । କଟକ-ଭୁବନେଶ୍ୱର ପାଇଁ ରାତିିରେ ଲାଗୁ ହେଲା ୧୪୪ ଧାରା। ରାସ୍ତାଘାଟରେ ଛାଉଣି ହୋଇଗଲେ ୪୦ ପ୍ଲାଟୁନ ପୋଲିସ ଫୋର୍ସ। ପଦାକୁ ବାହାରିଲେ ତଣ୍ଡ ଗଣିବା ସହ ଗିରଫର ଭୟ ଥିବାରୁ କେହି ଘରୁ ଗୋଡ଼ କାଢ଼ିଲେନି ।

ନୂଆବର୍ଷର ସବୁ ପ୍ଲାନ ପ୍ରୋଗ୍ରାମ ଧୂଳିସାତ ହୋଇଗଲା ନାଇଟ୍‌ କର୍ଫ୍ୟୁରେ । ଏମିତିକି ଯିଏ ଯୁଆଡ଼େ ଯାଇଥିଲେ, ଅଟକିଗଲେ। ସାଙ୍ଗ ଘରକୁ ତ ଦୂର କଥା, ବାହାରକୁ ଯାଇଥିବା ଅନେକ ଲୋକେ ରାତିରେ ନିଜ ଘରକୁ ମଧ୍ୟ ଫେରିପାରିଲେନ। ପୁରୁଣା ବର୍ଷକୁ ବିଦାୟ ଦେଇ ହେଲାନି। କୌଣସି ସ୍ଥାନରେ ବି ଶୁଭିଲାନି ବାଏ ବାଏ ୨୦୨୦। ଏମିତିକି ରାତି ଅଧିଆ ହାପି ନ୍ୟୁ ଇୟର ଚିତ୍କାର ବି ଶୁଣିଲାନି ଓଡ଼ିଶା। ଆତସବାଜି ତ ସ୍ୱପ୍ନ ହୋଇଗଲା ।

   Related Posts