ବୁଲନ୍ଦସହର ୧୭/୪ : ବୁଲନ୍ଦସହରରେ ଦେଖିବାକୁ ମିଳିଛି ଏକ ଅଲୌକିକ ଘଟଣା | ବିଶ୍ୱାସ ନା ଅନ୍ଧବିଶ୍ୱାସ କହିହେବ ନାହିଁ | ବୁଲନ୍ଦସହର ଅନ୍ତର୍ଗତ ଅନୁପସହରରେ ହନୁମାନଙ୍କ ୭୦ ବର୍ଷ ପୁରୁଣା ମୂର୍ତ୍ତି ରହସ୍ୟମୟ ଭାବେ ଅଚାନକ ଫାଟି ଯାଇଥିଲା | ମୂର୍ତ୍ତି ଫାଟିଯାଇ ମୂର୍ତ୍ତି ଭିତରୁ ଆଉ ଏକ ହନୁମାନ ମୂର୍ତ୍ତି ବାହାରିଥିଲା | ଏହି ଚମତ୍କାର ଘଟଣାକୁ ଦେଖିବା ପାଇଁ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ ଜମିଥିଲା | ଶ୍ରଦ୍ଧାଳୁ ହନୁମାନଙ୍କ ପୂଜାର୍ଚ୍ଚନା କରିଛନ୍ତି | ଘଟଣା ପ୍ରଘଟିତ ହେବାପରେ ସ୍ଥାନୀୟ ଅଂଚଳରେ ହଇଚଇ ସୃଷ୍ଟି ହୋଇଥିଲା | ଲୋକେ ଘଟଣା ସମ୍ପର୍କରେ ଜାଣିବା ପାଇଁ ଉତ୍ସୁକ ଥିଲେ |
{"id":104432}
ବୁଲନ୍ଦସହର ଜିଲ୍ଲାର ଅନୁପସହରରେ ଧର୍ମଶାଳାରେ ଥିବା ପ୍ରାଚୀନ ହନୁମାନ ମନ୍ଦିରରେ ମଙ୍ଗଳବାର ଦିନ ହନୁମାନଙ୍କ ପୂଜାର୍ଚ୍ଚନା ବେଳେ ହଠାତ ମୂର୍ତ୍ତି ଫାଟି ଯାଇଥିଲା ଏବଂ ଭିତରୁ ଆଉ ଏକ ହନୁମାନଙ୍କ ମୂର୍ତ୍ତି ପ୍ରକଟିତ ହୋଇଥିଲା | ଏହା ଦେଖି ସେଠାରେ ପୂଜାର୍ଚ୍ଚନା କରୁଥିବା ଶ୍ରଦ୍ଧାଳୁ ଆଚମ୍ବିତ ହୋଇଯାଇଥିଲେ | ଘଟଣା ପବନ ଭଳି ସଂଗେ ସଂଗେ ପୁରା ଅଂଚଳରେ ବ୍ୟାପି ଯାଇଥିଲା | ତେବେ କିଛି ଲୋକ ଘଟଣାକୁ ନେଇ ଉତ୍ସାହିତ ଥିବାବେଳେ କିଛି ଲୋକ ଏହାକୁ ଅନ୍ଧବିଶ୍ୱାସ ବୋଲି କହୁଛନ୍ତି |