ନୂଆପଡା ୧୮।୧୨: ଝୁଲନ୍ତା ଅବସ୍ଥାରେ ଘର ଭିତରୁ ୧୨ ବର୍ଷର ନାବାଳିକାର ମୃତଦେହ ଉଦ୍ଧାର ହୋଇଛି । ନୂଆପଡା ଜିଲ୍ଲା ମହୁଲଭଟ୍ଟା ଗାଁରେ ଘଟିଛି ଏଭଳି ଘଟଣା ।
ସୂଚନାଯୋଗ୍ୟ ଯେ, ନୂଆପଡା ଜିଲ୍ଲା ମହୁଲଭଟ୍ଟା ଗାଁ ସ୍ଥିତ ଏକ ଇଂଲିଶ ମିଡିଅମ୍ ସ୍କୁଲରେ ସଂପୃକ୍ତ ନାବାଳିକା ସପ୍ତମ ଶ୍ରେଣୀରେ ପଢୁଥିଲେ । ମା’ ସ୍ବାସ୍ଥ୍ୟକର୍ମୀ ଭାବରେ କାମ କରୁଥିବା ବେଳେ, ବାହାରକୁ ଡିୟୁଟିରେ ଯାଇଥିଲେ । ଗୁରୁବାର ହୋମ୍ ୱାର୍କ ପେପର୍ ବିଦ୍ୟାଳୟକୁ ଦେବା ପାଇଁ ବାପାଙ୍କୁ ଫୋନ୍ ଯୋଗେ କହିଥିବା ବେଳେ ବାପା ସ୍କୁଲକୁ ଯାଇଥିଲେ । ପରେ ମୃତ ନାବାଳିକାର ବଡ଼ବାପା କିଛି କାମ ପାଇଁ ଝିଅକୁ ଡାକିବା ପରେ ସେ ଆଉ କବାଟ ଖୋଲିନଥିଲା ।
କବାଟ ଭାଙ୍ଗିବା ପରେ ନାବାଳିକା ଜଣଙ୍କ ଫ୍ୟାନ୍ ରେ ଝୁଲୁଥିବା ଦେଖିବାକୁ ମିଳିଛି । ତେବେ ମୃତ୍ୟୁର କାରଣ ଜଣାପଡିନାହିଁ । ଏହା ଆତ୍ମହତ୍ୟା ନା ହତ୍ୟା ତାର ତଦନ୍ତ ପାଇଁ ଦାବି ଉଠିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।