ବାଂଶପାଳ ୨୧।୮: କେନ୍ଦୁଝର ଜିଲ୍ଲା ବାଂଶପାଳ ବ୍ଲକ୍ ସଦର ଥାନା ଶୁଆକାଟୀରେ ଶୁକ୍ରବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଶୁଆକାଟୀ କନ୍ୟାଶ୍ରମ ନିକଟରେ ଜଣେ ଯୁବକଙ୍କ ଗଛରୁ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ଯୁବକ ଶୁଆକାଟି ଗ୍ରାମର ଗଣେଶ ସାହୁଙ୍କ ପୁଅ ରାଜୀବ ଲୋଚନ ସାହୁ । ତାଙ୍କ ବୟସ ୨୫ ବର୍ଷ ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ସେ ଗୁରୁବାର ରାତିରେ ହଠାତ୍ କୌଣସି କାରଣରୁ ଘରୁ ପଳାଇଥିଲେ । ପରିବାର ଲୋକ ବହୁତ ଖୋଜାଖୋଜି କରିବା ପରେ ମଧ୍ୟ ପାଇ ନଥିଲେ । ଶୁକ୍ରବାର ସକାଳୁ ଗ୍ରାମବାସୀ ଶୁଆକାଟୀ କନ୍ୟାଶ୍ରମ ରାସ୍ତାରେ ଯିବା ସମୟରେ ଏ ଦୃଶ୍ୟ ଦେଖିବାକୁ ପାଇଥିଲେ । ପରେ ଗ୍ରାମବାସୀ ପରିବାର ଲୋକଙ୍କୁ ଏବଂ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଶୁଆକାଟୀ ଫାଣ୍ଡି ଅଧିକାରୀ ଏବଂ ସଦର ଥାନା ପୋଲିସ ପହଞ୍ଚି ଶବକୁ ଜବତ କରିବା ସହ ତଦନ୍ତ ଜାରି ରଖିଛି ।
