Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆମ୍ବଗଛରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

9/09/2019 at 9:11 AM

ଗଜପତି ୯/୯: ଗଜପତି ଜିଲ୍ଲା ଆର. ଉଦୟଗିରି ପାତ୍ର ଆମ୍ବତୋଟାର ଏକ ଗଛରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ପୋଲିସ । ମୃତ ଯୁବକ ହେଲେ ଆର. ଉଦୟଗିରି ତେନ୍ତୁଳିସାହିର ରାଜକୁମାର ବେହେରା ବୋଲି ଜଣାପଡିଛି । ଆର. ଉଦୟଗିରି ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି । ପ୍ରାଥମିକ ତଦନ୍ତରୁ ଘରୋଇ କଳିରୁ ଯୁବକ ଜଣକ ଆତ୍ମହତ୍ୟା କରିଥିବା ନେଇ ପୋଲିସ ଅନୁମାନ କରୁଛି ।

ଯୁବକ ଜଣକ ଏକ ଗଣ୍ଡଗୋଳ ମାମଲାରେ ପ୍ରତିଦିନ ଥାନାରେ ହାଜିରା ପକାଉଥିଲେ । ଗତକାଲି ରାତିରେ ଗାଁ ରେ ଗଣେଶ ବିସର୍ଜନ ଥିବାବେଳେ ଯୁବକ ଜଣକ ସେଠାକୁ ଯାଇ ଘରକୁ ଫେରିଥିଲେ । ତେବେ ଘରେ ପରିବାର ଲୋକଙ୍କ ସହ ରାତିରେ କିଛି ଗଣ୍ଡଗୋଳ ହୋଇଥିଲା । ଏହା ପରେ ସେ ରାତିରେ ଘରୁ ଚାଲିଯାଇଥିଲେ । ସକାଳେ ଆମ୍ବ ଗଛରେ ତାଙ୍କ ମୃତ ଦେହ ଝୁଲୁଥିବା ଲୋକେ ଦେଖି ପରିବାର ଲୋକଙ୍କୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି । ଏହାର ତଦନ୍ତ ପାଇଁ ପରିବାର ଲୋକେ ଥାନାରେ ଅଭିଯୋଗ କରିଛନ୍ତି ।

   Related Posts