Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଛତିଶଗଡରେ ବଦଳିବେ କି ମୁଖ୍ୟମନ୍ତ୍ରୀ ? ଭୂପେଶ ବଘେଲଙ୍କ ଦୁଇ ଦିନ ପରେ ଦିଲ୍ଲୀ ପହଞ୍ଚିଲେ ଟିଏସ ସିଂହ ଦେଓ

18/10/2021 at 4:35 PM

ରାୟପୁର ୧୮।୧୦: ଦେଶରେ ତିନୋଟି ଏମିତି ରାଜ୍ୟ ରହିଛି ଯେଉଁଠି କଂଗ୍ରେସ ନିଜ ଦମରେ ସରକାର ଗଠନ କରିଛି। ଏହି ତିନିରାଜ୍ୟରୁ ଏମିତି ଗୋଟିଏ ହେଲେ ରାଜ୍ୟ ନାହିଁ ଯେଉଁଠି କଂଗ୍ରେସ ଆଭ୍ୟନ୍ତରୀଣ କନ୍ଦଳ ଦେଇ ଗତି କରୁନି। ପଞ୍ଜାବ ଡ୍ରାମା ଶେଷ ନହେଉଣୁ ଅନ୍ୟପଟେ ଛତିଶଗଡ-ରାଜସ୍ଥାନରେ ନେତୃତ୍ଵ ପରିବର୍ତ୍ତନ କଥା ଉଠିଲାଣି। ଆନୁଷ୍ଠାନିକ ଭାବେ କିଛି କୁହାଯାଉନଥିଲେ ବି ଦୁଇ ରାଜ୍ୟର ବଡ ନେତା ନିକଟ ଦିନରେ ଦିଲ୍ଲୀରେ ଡେରା ପକାଇଛନ୍ତି। ଏବେ ଛତିଶଗଡର ସ୍ଵାସ୍ଥ୍ୟ ମନ୍ତ୍ରୀ ଟିଏସ ସିଂହ ଦେଓ  ସୋମବାର ପୁଣି ଦିଲ୍ଲୀରେ ପହଞ୍ଚିଛନ୍ତି। ରାଜ୍ୟରେ ଭୂପେଶ ବଘେଲ ମୁଖ୍ୟମନ୍ତ୍ରୀ ଅଛନ୍ତି। ମାତ୍ର କୁହାଯାଉଛି ବାକି କାର୍ଯ୍ୟକାଳ ପାଇଁ ଟିଏସ ସିଂହ ଦେଓଙ୍କୁ ମୁଖ୍ୟମନ୍ତ୍ରୀ କରାଯାଇପାରେ।

ସୂଚନା ଅନୁଯାୟୀ, ଦିଲ୍ଲୀ ଆସିବା ପରେ ଟିଏସ ସିଂହଦେଓ ସର୍ବପ୍ରଥମେ ଛତରପୁର ମନ୍ଦିର ଦର୍ଶନରେ ପହଞ୍ଚିଥିଲେ। କୁହାଯାଉଛି ଟିଏସ ସିଂହ ଦେଓ ଦିନେ କି ଦୁଇ ଦିନ ଦିଲ୍ଲୀରେ ରହି ପାରନ୍ତି। ଏହି ସମୟରେ ସେ କଂଗ୍ରେସର କିଛି ବରିଷ୍ଠ ନେତାଙ୍କୁ ଭେଟିବାର କାର୍ଯ୍ୟକ୍ରମ ରହିଛି।

ଟିଏସ ଏମିତି ସମୟରେ ଦିଲ୍ଲୀ ପହଞ୍ଚିଛନ୍ତି, ଯେଉଁଠି ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବଘେଲ ଶନିବାର ପାର୍ଟି କାର୍ଯ୍ୟକମିଟି ବୈଠକ  ପରେ କଂଗ୍ରେସ ନେତା ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀଙ୍କୁ ଭେଟିଛନ୍ତି। ଛତିଶଗଡରେ ବିଗତ ଦିନରୁ ମୁଖ୍ୟମନ୍ତ୍ରୀ ପରିବର୍ତ୍ତନ ଦାବି ଉଠି ଆସିଛି। ଏବେ ରାଜ୍ୟରେ ବଘେଲ ଏବଂ ଟିଏସ ସିଂହଦେଓଙ୍କ ଅଲଗା ଅଲଗା ଗୋଷ୍ଠୀ ହୋଇ ସାରିଛି।

ଚଳିତ ବର୍ଷ ଜୁନ ମାସରେ ଭୂପେଶ ବଘେଲ ସରକାରକୁ ଅଢେଇ ବର୍ଷ ପୂରା ହେବା ପରେ ଟିଏସ ସିଂହ ଦେଓଙ୍କ ସମର୍ଥକ ଅଢେଇ ବର୍ଷ ଫର୍ମୁଲା ଆଧାରରେ ମୁଖ୍ୟମନ୍ତ୍ରୀ ପରିବର୍ତ୍ତନ ଦାବି ଉଠାଇଥିଲେ। କଂଗ୍ରେସ ୨୦୧୮ରେ  ଛତିଶଗଡ ନିର୍ବାଚନ ଜିତିଥିଲା। ସେହି ସମୟରେ ତତ୍କାଳୀନ ରାଜ୍ୟ କଂଗ୍ରେସ ସଭାପତି ଭୂପେଶ ବଘେଲଙ୍କୁ ମୁଖ୍ୟମନ୍ତ୍ରୀ ଭାବେ ନିଯୁକ୍ତ କରାଯାଇଥିଲା।

   Related Posts