ନୂଆଦିଲ୍ଲୀ ୨୭/୦୯: ଶାଶୂ-ବୋହୂଙ୍କୁ ନେଇ ନୂଆ ହିନ୍ଦୀ ମେଗାଧାରାବାହିକ ‘ହମାରୀ ବାଲୀ ଗୁଡ୍ ନ୍ୟୁଜ’ ଆସନ୍ତା ମାସରୁ ଟିଭିରେ ଦେଖିବାକୁ ମିଳିବ। ସିରିଏଲର ବିଶେଷତ୍ବ ଅନ୍ୟ ସିରିଏଲ ଠାରୁ ଟିକେ ଭିନ୍ନ ହେବ। ଶୋ’ରେ ଦେଖିବାକୁ ମିଳିବ ଶାଶୂ ଗର୍ଭବତୀ ହେବେ ଓ ବୋହୂ ତାଙ୍କର ଦେଖାଶୁଣା କରିବ। ତେବେ ଏହି ଶୋ’ ଅକ୍ଟୋବର ୨୦ ତାରିଖରୁ ଜି ଟିଭିରେ ପ୍ରସାରଣ ହେବ। କୁହାଯାଉଛି ଏ ସିରିଏଲ ଲୋକଙ୍କ ତଥାକଥିତ ଚିନ୍ତାଧାରାକୁ ବଦଳାଇବାରେ ସାହାଯ୍ୟ କରିବ।
ଶୋ’ର କାହାଣୀ ଆଗ୍ରା (ଉତ୍ତର ପ୍ରଦେଶ)ର ତିଓ୍ବାରି ପରିବାର ଉପରେ ଆଧାରିତ ହେବ। ତିଓ୍ବାରି ପରିବାର ବାହାଘର ପରେ ବୋହୂ ଓ ପୁଅ ଠାରୁ ଗୁଡ଼ ନ୍ୟୁଜ ଶୁଣିବାକୁ ବ୍ୟାକୁଳ ଥିବେ। ମାତ୍ର କାହାଣୀରେ ଟ୍ବିଷ୍ଟ ଅଣାଯାଇଛି। ବୋହୂ ପ୍ରେଗନେଣ୍ଟ୍ ନ ହେବାରୁ ଶାଶୂ ବହୁତ କିଛି ତାକୁ ଶୁଣାଇବା ସହ ନିଜେ ମା’ ହେବା ଫଇସଲା ନେଉଛି।
{"id":335303,"sizeSlug":"large"}
ବୋହୂ ଭୂମିକାରେ ସୃଷ୍ଟି ଜୈନ ଓ ଶାଶୂ ଭୂମିକାରେ ନଜର ଆସିବେ ଜୁହି ପରମାର। ଏ ଦୁହଁଙ୍କ ବ୍ୟତୀତ ଶୋ’ରେ ଶକ୍ତି ଆନନ୍ଦ ମୁକୁନ୍ଦ ବି ମୁଖ୍ୟ ଭୂମିକାରେ ନଜର ଆସିବେ।
{"id":335304,"sizeSlug":"large"}
ଯଦିଓ ଟିଭି ଜଗତରେ ଏ କାହାଣୀ ନୂଆ। କିନ୍ତୁ ବଲିଉଡରେ ଏଭଳି କାହାଣୀକୁ ନେଇ ଆୟୁଷ୍ମାନଙ୍କ ଅଭିନୀତ ‘ବଧାଇ ହୋ’ ଦେଖିବାକୁ ମିଳିଛି। ଫିଲ୍ମରେ ନିନା ଗୁପ୍ତା ଆୟୁଷ୍ମାନଙ୍କ ମା’ ଭୂମିକାରେ ନଜର ଆସିଥିଲେ। ଫିଲ୍ମର କାହାଣୀ ଥିଲା ପୁଅ ବାହା ହେବା ବୟସର ହୋଇଥିବା ବେଳେ ମା’ ଗୁଡ଼ ନ୍ୟୁଜ ଦେଉଛନ୍ତି। ଫିଲ୍ମଟି ବକ୍ସ ଅଫିସରେ ସୁପରହିଟ୍ ହୋଇଥିଲା।
