Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ କ୍ରିକେଟର ଅଶୋକ ଡିଣ୍ଡା ବିଜେପିରେ ସାମିଲ
  • ||
  • ମହାରାଷ୍ଟ୍ରରେ ବେକାବୁ କରୋନା ! ଗତ ୨୪ ଘଣ୍ଟାରେ ପାଖାପାଖି ୯ ହଜାର ସଂକ୍ରମତି ଚିହ୍ନଟ
  • ||
  • କଟକ : ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ହାଇକୋର୍ଟରୁ ମିଳିଲା ଜାମିନ୍
  • ||
  • ଝାରସୁଗୁଡା : ଗଛରେ ଝୁଲୁଛି ଜବାନଙ୍କ ମୃତଦେହ, ଆତ୍ମହତ୍ୟା ନା ହତ୍ୟା ?
  • ||
  • ସାଲେପୁର : ବୃଦ୍ଧାଙ୍କଠାରୁ ୧୪ହଜାର ଟଙ୍କା ଲୁଟିନେଲେ ଦୁର୍ବୃତ୍ତ, ପେନସନ୍ ଉଠାଇ ଖାଇବା ବେଳେ ଲୁଟ୍‌ର ଶିକାର
  • ||
  • ଭୁବନେଶ୍ବର : ମେ ୧୮ ତାରିଖରୁ ଆରମ୍ଭ ହେବ ଯୁକ୍ତ ୨ ପରୀକ୍ଷା
  • ||
  • ସିରିଜ୍ ଦୁର୍ଘଟଣା : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ପିଟିଲା ଇନୋଭା, ୪ ଆହତ
  • ||
  • ଭୁବନେଶ୍ବର : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ଧକ୍କାଦେଲା ଇନୋଭା
  • ||
  • କୁଚିଣ୍ଡା : ମା’-ପୁଅକୁ ଦଳିଦେଲା ଦନ୍ତା, ଗୁରୁତର ବାପା ମେଡିକାଲରେ ଭର୍ତ୍ତି
  • ||
  • ଲକ୍ଷ୍ନୌ : କାରକୁ ଧକ୍କା ଦେଇ ଓଲଟିଲା ଟ୍ୟାଙ୍କର, ୭ମୃତ
  • ||

ନାବାଳିକାଙ୍କ ପେଟରେ ହେଉଥିଲା ଯନ୍ତ୍ରଣା, ଅପରେସନ ପରେ ବାହାରିଲା ଅଧା କିଲୋ ଓଜନର ଏହି ଜିନିଷ… ଆଶ୍ଚର୍ଯ୍ୟ ହୋଇଗଲେ ଡାକ୍ତର

28/01/2020 at 9:40 AM

କୋଏମ୍ବଟୁର ୨୮।୧: ତାମିଲନାଡୁ କୋଏମ୍ବଟୁରରେ ୧୩ ବର୍ଷର ନାବାଳିକା ଜଣଙ୍କ କ୍ରମାଗତ ଭାବେ ପେଟରେ ଯନ୍ତ୍ରଣା ଅନୁଭବ କରୁଥିଲେ । ଫଳରେ ଚିକିତ୍ସା ପାଇଁ ପରିବାରର ଲୋକ ତାଙ୍କୁ ଏକ ହସ୍ପିଟାଲରେ ଭର୍ତ୍ତି କରାଇଥିଲେ । ସେଠାରେ ଡାକ୍ତର ତାଙ୍କର ପରୀକ୍ଷା କରି ଯାହା ଜାଣିବାକୁ ପାଇଲେ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଲା ।

ସୂଚନାଯୋଗ୍ୟ ଯେ, କୋଏମ୍ବଟୁରରେ ସପ୍ତମ ଶ୍ରେଣୀରେ ପଢୁଥିବା ନାବାଳିକା ଜଣଙ୍କ ପ୍ରତିଦିନ ପେଟରେ ଯନ୍ତ୍ରଣା ହେଉଥିବା ଘରଲୋକଙ୍କୁ କହୁଥିଲା । ଫଳରେ ପରିବାରଲୋକ ତାଙ୍କର ପରୀକ୍ଷା କରାଇବା ପାଇଁ ହସ୍ପିଟାଲକୁ ନେଇଯାଇଥିଲେ । କୋଏମ୍ବଟୁରର ବିଜେଏମେ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଥିଲା । ହସ୍ପିଟାଲର ଡାକ୍ତର ପେଟରେ ଯନ୍ତ୍ରଣା ହେବାର କାରଣ ଜାଣିବା ପାଇଁ ପେଟର ସ୍କାନ କରାଇଥିଲେ । ସ୍କାନ ପରେ ପେଟରେ କୌଣସି ଅଦରକାରୀ ଜିନିଷ ଅଟକିଯିବା ଯୋଗୁଁ ପେଟରେ ଯନ୍ତ୍ରଣା ହେଉଥିବା ଜାଣିବାକୁ ପାଇଥିଲେ । ଫଳରେ ଡାକ୍ତରମାନେ ନିଷ୍ପତ୍ତି ନେଲେ ଯେ, ଇଣ୍ଡୋସ୍କୋପି ମାଧ୍ୟମରେ ସସବୁକୁ ବାହାର କରିବା ପାଇଁ । ମାତ୍ର ତାହା ସଫଳ ହେଲାନାହିଁ ।

ଫଳରେ ହସ୍ପିଟାଲର ବରିଷ୍ଠ ଡାକ୍ତରୀ ଟିମ୍ ସେସବୁକୁ ବାହାର କରିବାକୁ ଅପରେସନ କରିବାକୁ ନିଷ୍ପତ୍ତି ନେଲେ । ଅପରେସନ ବେଳେ ଡାକ୍ତରମାନେ ଯାହା ଦେଖିଲେ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଲା । ନାବାଳିକାଙ୍କ ପେଟରୁ ପ୍ରାୟ ଅଧା କିଲୋ ଓଜନର କେଶ ବାହାରିଥିଲା ।

କେବଳ ଏତିକି ନୁହେଁ ନାବାଳିକାଙ୍କର ପେଟରୁ କେଶ ସହ ଖାଲି ସାମ୍ପୁ ପାଉଚ୍ ମଧ୍ୟ ବାହାରିଥିଲା । ଡାକ୍ତରଙ୍କ ସୂଚନା ଅନୁସାରେ ନାବାଳିକାଙ୍କର କୌଣସି ନିକଟ ସଂପର୍କୀୟଙ୍କ ମୃତ୍ୟୁ ହୋଇଯାଇଥିଲା । ଯାହା ଫଳରେ ନାବାଳିକା ଜଣଙ୍କ ଅବସାଦଗ୍ରସ୍ତ ହୋଇଯାଇଥିଲେ । ଫଳରେ ସେ କେଶ ଏବଂ ଖାଲି ସାମ୍ପୁ ପାଉଚ୍ ଖାଇବାକୁ ଲାଗିଥିଲେ । ଯାହା ଫଳରେ ତାଙ୍କ ପେଟରେ ତାହା ଜମା ହୋଇଯାଇଥିଲା । ଅପରେସନ ପରେ ନାବାଳିକା ଜଣଙ୍କ ଧିରେ ଧିରେ ସୁସ୍ଥ ହେଉଛନ୍ତି ।

   Related Posts