Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହତ୍ୟା ନା ଆତ୍ମହତ୍ୟା ! ଯୁବତୀଙ୍କ ଅର୍ଦ୍ଧଦଗ୍ଧ ମୃତ ଦେହ ଠାବ

24/08/2018 at 1:28 AM

କେନ୍ଦ୍ରାପଡା ୨୪/୮ : ଯୁବତୀଙ୍କ ଅର୍ଦ୍ଧଦଗ୍ଧ ମୃତ ଦେହ ଠାବ ହୋଇଛି | ନିଜ ଘର ଠାରୁ ମାତ୍ର ୧୦୦ ମିଟର ଦୂରରେ ଠାବ ହୋଇଛି ଜଣେ ଯୁବତୀଙ୍କ ଅର୍ଦ୍ଧ ଦଗ୍ଧ ମୃତଦେହ | କେନ୍ଦ୍ରାପଡ଼ା ସଦର୍ ଥାନା କଂସାର କାଙ୍କଦିଆ ଗ୍ରାମରେ ଘଟିଛି ଏହି ଅଘଟଣ | ଏହି ଗ୍ରାମର ବ୍ରଜବନ୍ଧୁ ସ୍ୱାଇଁଙ୍କ ୧୯ ବର୍ଷର ଝିଅ ରୁକ୍ମିଣୀର ଅର୍ଦ୍ଧଦଗ୍ଧ ମୃତ ଦେହ ତାଙ୍କ ଘର ପାଖ ଚାଷ ଜମିରୁ ଆଜି ଭୋରୁ ଠାବ ହୋଇ ଥିଲା | ମୃତଦେହ ନିକଟରେ ଏକ କିରୋସିନ୍ ଜାର ପଡିଥିବା ଦେଖିବାକୁ ମିଳିଛି | ତେବେ ଯୁବତୀ ଜଣଙ୍କର ଶାରୀର ସମ୍ପୂର୍ଣ୍ଣ ଭାବେ ପୋଡି ଯାଇଛି | ରୁକ୍ମଣୀ ଭୁବନେଶ୍ୱରରେ ନିର୍ସିଂ ପଢ଼ା ଶେଷ କରିଥିଲେ | ଗୁରୁବାର ସନ୍ଧ୍ୟାରେ ସେ ଭୁବନେଶ୍ଵରରୁ ଘରକୁ ଫେରିଥିଲେ | ଘରେ ତାଙ୍କ ବ୍ୟବହାର ସ୍ୱାଭାବିକ ନଥିବା ପରିବାର ଲୋକଙ୍କଠାରୁ ଜଣାପଡିଛି | ତେବେ ରାତିରେ ଖାଇ ପିଇ ଶୋଇଥିଲେ ସେ | କିନ୍ତୁ ଭୋରୁ ରୁକ୍ମଣୀ ବିଛଣା ରେ ନଥିବା ଦେଖି ପରିବାର ଲୋକେ ବିଭିନ୍ନ ଜାଗାରେ ଖୋଜାଖୋଜି କରି ଥିଲେ | ଶେଷରେ ଘର ଠାରୁ ମାତ୍ର ସହେ ମିଟର ଦୂରରେ ଏକ ଚାଷ ଜମି ନିକଟରେ ରୁକ୍ମଣୀଙ୍କ ଅର୍ଦ୍ଧଦଗ୍ଧ ମୃତ ଦେହ ପଡ଼ିଥିବାର ଦେଖିବାକୁ ପାଇଥିଲେ | ଏହା ହତ୍ୟା ନା ଆତ୍ମହତ୍ୟା ସ୍ପଷ୍ଟ ହୋଇ ନାହିଁ | ସଦର ପୁଲିସ ଘଟଣା ସ୍ଥଳରେ ପହଂଚି ଶବ ଜବତ କରି ତଦନ୍ତ ଆରମ୍ଭ କରିଛି |

   Related Posts