Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ହଳଦୀରାମ୍‌ କମ୍ପାନୀର ଡାଟା ହ୍ୟାକ୍ କଲେ ସାଇବର ଅପରାଧୀ, ତଥ୍ୟ ଫେରାଇବା ବଦଳରେ ଏତେ ଟଙ୍କା ଦାବି କରୁଛନ୍ତି ହ୍ୟାକର୍ସ

16/10/2020 at 4:08 PM

ନୋଏଡା ୧୬/୧୦: ଦେଶରେ ସାଇବର ଠକେଇ ମାମଲା ବୃଦ୍ଧି ପାଇବାରେ ଲାଗିଛି। ସାଇବର ଠକମାନେ ବିଭିନ୍ନ ଉପାୟରେ ବହୁ ବଡ଼ବଡ଼ କମ୍ପାନୀର ଡାଟା ହ୍ୟାକ୍‌ କରି ମୋଟାଅଙ୍କର ଟଙ୍କା ଦାବି କରୁଥିବା ଜଣାପଡ଼ିଛି। ଦେଶର ନାମୀଦାମୀ ଫୁଡ୍‌ ଓ ପ୍ୟାକେଜିଂ କମ୍ପାନୀ ହଳଦୀରାମ ସାଇବର ଠକେଇର ଶିକାର ହୋଇଛି। ଏନେଇ କମ୍ପାନୀ ପକ୍ଷରୁ ସେକ୍ଟର ୫୮ ଥାନରେ ଅଭିଯେଗ ହେବା ପରେ ମାମଲା ସାମ୍ନାକୁ ଆସିଛି।

କମ୍ପାନୀର ବିଭିନ୍ନ ବିଭାଗରୁ ସାଇବର ଅପରାଧୀ ବହୁ ଗୁରୁତ୍ବପୂର୍ଣ୍ଣ ଡାଟା ଡିଲିଟ୍‌ କରିଦେଇଛନ୍ତି। ଯେଉଁଥିପାଇଁ କମ୍ପାନୀ ବହୁ ଅସୁବିଧାର ସମ୍ମୁଖୀନ ହେଉଛି। ତେବେ ଏହି ସବୁ ଡାଟା ଫେରିପାଇବାକୁ ହେଲେ ୭ ଲକ୍ଷ ଟଙ୍କା ଦାବି କରିଛନ୍ତି ଅପରାଧୀ। ପୋଲିସ କମିଶନରଙ୍କ ମିଡିଆ ପ୍ରମୁଖ ଅଭିନେନ୍ଦ୍ର ସିଂହଙ୍କ କହିବା ଅନୁଯାୟୀ ନୋଏଡାର ସେକ୍ଟର ୬୨ ସି ବ୍ଲକ୍‌ରେ ହଳଦୀରାମର କର୍ପୋରେଟ୍‌ ଅଫିସ୍‌ ରହିଛି। ଏହିଠାରୁ କମ୍ପାନୀର ଆଇଟି ବିଭାଗ କାର୍ଯ୍ୟ କରୁଛି।

୧୨ କିମ୍ବା ୧୩ ଜୁଲାଇରେ କମ୍ପାନୀରେ ସାଇବର ଆଟାକ୍‌ ହୋଇଥିବା କମ୍ପାନୀର ଡିଜିଏସ୍‌ ଆଇଟି ଅଜିଜ୍ ଖାନ ପୋଲିସ୍‌କୁ କହିଥିଲେ। ଏହାଦ୍ବାରା କମ୍ପାନୀର ବ୍ୟବସାୟ ସମ୍ପର୍କିତ ଡାଟା ଗାଏବ ହୋଇଯିବା ସହ ଅନ୍ୟ ବିଭାଗର ଡାଟା ମଧ୍ୟ ଡିଲିଟ୍‌ ହୋଇଥିଲା।

ଅଭିଯୋଗ ଅନୁସାରେ କମ୍ପାନୀର ବହୁ ଗୁରୁତ୍ବପୂର୍ଣ୍ଣ ଫାଇଲ୍‌ ମଧ୍ୟ ଗାଏବ ଅଛି। ଏନେଇ ଉଚ୍ଚ ଅଧିକାରୀଙ୍କୁ ଜଣାପଡ଼ିବା ପରେ ପ୍ରଥମେ କମ୍ପାନୀ ଭିତରେ ଯାଞ୍ଚ କରାଯାଇଥିଲା। ଏହାପରେ କମ୍ପାନୀର ଅଧିକାରୀ ଓ ସାଇବର ଅପରାଧୀଙ୍କ ମଧ୍ୟରେ ଚାଟିଂ ହୋଇଥିଲା। ତେବେ ଅପରାଧୀମାନେ ୭ ଲକ୍ଷ ଟଙ୍କା ଦାବି କରିଥିଲେ। ସୂଚନା ଅନୁସାରେ ଜୁଲାଇ ମାସରେ ବହୁ କମ୍ପାନୀ ସାଇବର ଆଟାକ୍‌ର ସାମ୍ନା କରିଛନ୍ତି। ଏହି ସମୟରେ ଦେଶର ନାମୀ କମ୍ପାନୀ ହଳଦୀରାମ ବି ଏଥିରୁ ବର୍ତ୍ତିପାରିନାହିଁ।

   Related Posts