Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

କାଶ୍ମୀର ନିଷ୍ପତ୍ତିରେ ପାକ୍ ବାଉଳା : ସୋସିଆଲ ମିଡିଆରେ ଭୟର ବାତାବରଣ ଖେଳାଇବାକୁ ଉଦ୍ୟମ

6/08/2019 at 6:42 PM

ଭୁବନେଶ୍ବର ୬/୮: ଜାମ୍ମୁ-କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ପାକିସ୍ତାନ ଏବେ ଭୟଭୀତ । ଭୟ ଏତେ ଯେ ପାକିସ୍ତାନର ହ୍ୟାକର ମାନେ ସୋସିଆଲ ମିଡିଆରେ ବାଉଳି ଚାଉଳି ହେଉଛନ୍ତି ।

କାଶ୍ମୀର ନିଷ୍ପତ୍ତିରେ ପାକ୍ ବାଉଳା । ଖାଲି ପାକ୍ ସରକାର ନୁହେଁ, ସାଇବର ହ୍ୟାକର୍ ବି ଏବେ ସୋସିଆଲ୍ ମିଡିଆରେ ବାଉଳିଚାଉଳି ହେଉଛନ୍ତି ।  କେନ୍ଦ୍ର ସରକାରଙ୍କ ଐତିହାସିକ ନିଷ୍ପତ୍ତିକୁ ନେଇ ସାରା ଭାରତରେ ସେଲିବ୍ରେସନର ମାହୋଲ । ସଂସଦରୁ ସଡ଼କ, ସୋସିଆଲ ମିଡିଆ ସବୁଠି ନିଜର ଖୁସି ଜାହିର କରୁଛନ୍ତି ଭାରତୀୟ ।  ଯାହାକୁ ସହି ପାରୁ ନାହାନ୍ତି ଏହି ହ୍ୟାକରମାନେ । ଆରମ୍ଭ କରିଛନ୍ତି ନାପାକ୍ ପ୍ରୟାସ । ସୋସିଆଲ ମିଡିଆରେ ମିଳୁଛି ଧମକଚମକ । ଯାହାର ଶିକାର ହୋଇଛନ୍ତି ଓଲିଉଡ ଅଭିନେତା ସବ୍ୟସାଚୀ ମିଶ୍ର । ଧାରା ୩୭୦ ଉଚ୍ଛେଦକୁ ନେଇ ଇନଷ୍ଟାଗ୍ରାମରେ ଏକ ପୋଷ୍ଟ କରି ଖୁସି ବ୍ୟକ୍ତି କରିଥିଲେ ସବ୍ୟସାଚୀ । ହେଲେ ବିଭିନ୍ନ ସାଇବର କ୍ରିମିନାଲମାନେ ଫେକ୍ ଆଇଡିରୁ ତାଙ୍କ ପ୍ରତିକ୍ରିୟା ଉପରେ ଭାରତ ବିରୋଧୀ କମେଣ୍ଟ ଦେବା ଆରମ୍ଭ କରିଥିଲେ । ୩୦ରୁ ୩୫ ଜଣ ଅଜଣା ୟୁଜର ଲଗାତର ନେଗେଟିଭ କମେଣ୍ଟ ଦେବା ପରେ ସବ୍ୟସାଚୀ ଓ ତାଙ୍କ ପ୍ରଶଂସକ ପ୍ରତିକ୍ରିୟାଶୀଳ ହୋଇ ସେମାନଙ୍କୁ ଜବାବ ଦେବା ଆରମ୍ଭ କରିଥିଲେ । ଏହା ପରେ ତାଙ୍କ ଆକାଉଣ୍ଟ ହ୍ୟାକ୍ କରିବାଠୁ ନେଇ ଜୀବନରୁ ମାରିବାକୁ ବି ଧମକ ଦେବାକୁ ପଛାଇ ନ ଥିଲେ ଏହି ହ୍ୟାକର୍ ମାନେ ।

ଭୁବନେଶ୍ବର ଡିସିପି ଅନୁପ ସାହୁଙ୍କୁ ସମସ୍ତ ଘଟଣା ସଂପର୍କରେ ସେ ଅବଗତ କରିଛନ୍ତି। ଡିସିପିଙ୍କ ପରାମର୍ଶକ୍ରମେ ସବ୍ୟସାଚୀ ଇନଷ୍ଟାଗ୍ରାମ ନିକଟରେ ଏନେଇ ଅଭିଯୋଗ ଦାଖଲ କରିଛନ୍ତି । ତେବେ ଖାଲି ସବ୍ୟସାଚୀ ନୁହେଁ, ଅନେକ ଭାରତୀୟଙ୍କ ପୋଷ୍ଟରେ ଏଭଲି କମେଣ୍ଟ ଦେଉଛନ୍ତି ଏହି  ହ୍ୟାକର୍ ମାନେ । ପାକିସ୍ତାନୀ ସାଇବର ଆର୍ମି, ମୁସଲିମ୍ ଲିବରେସନ ଆର୍ମି, ୟୁନାଇଟେଡ୍ ଇସଲାମିକ୍ ସାଇବର୍ ଫୋର୍ସ ନାଁରେ ମେସେଜ୍ କରୁଛନ୍ତି ।  ସୋସିଆଲ ମିଡିଆରେ ଭୟର ବାତାବରଣ ଖେଳାଇବାକୁ ଅପରାଧୀମାନେ ଉଦ୍ୟମ କରୁଛନ୍ତି । ଯାହାର କୌଣସି ପ୍ରଭାବ ଭାରତୀୟଙ୍କ ଉପରେ ପଡ଼ିବାର ନାହିଁ ।

ଏଭଳି ଫେକ୍ ଆଇଡିରେ ଲୁଚି ଲୁଚି ଧମକଚମକ ଦେବା ପାକିସ୍ତାନୀଙ୍କ ପୁରୁଣା ରୋଗ । ତେବେ ଏମାନଙ୍କ ଉପରେ ଦେଶର ସାଇବର୍ ଥାନା ଗୁଡ଼ିକ ଓ ବିଭିନ୍ନ ସୋସିଆଲ ମିଡିଆ କର୍ତ୍ତୃପକ୍ଷ କଡ଼ା ନଜର ରଖିବାର ଆବଶ୍ୟକତା ରହିଛି ।

   Related Posts