ଜିମ୍ରୁ ବାହାରିବା ରେ କିମ୍ବା କୌଣସି ଶାରିରୀକ ବ୍ୟାୟାମ କରିବା ପରେ ଅଧିକ ଶୋଷ ଲାଗିଥାଏ । ଏଥିପାଇଁ ଅନେକ ଲୋକ ପ୍ୟାକେଟରେ ଥିବା ଫଳରସ୍ ବା ଜୁସ୍, କୋଲ୍ଡ୍ଡ୍ରିଙ୍କସ୍, ସଫ୍ଟଡ୍ରିଙ୍କସ୍ ପିଇ ଥାଆନ୍ତି ।
ପାଣି ବଦଳରେ ସୋଡା, କୋଲ୍ଡଡ୍ରିଙ୍କସ୍ ଓ ପ୍ୟାକେଟରେ ଥିବା ଜୁସ୍ ପିଇଲେ ଅନେକ କ୍ଷତି ହୋଇଥାଏ ।
ଜାଣନ୍ତୁ କଅଣ ହୋଇଥାଏ କ୍ଷତି ।
ବଜାରରେ ଅନେକ ପ୍ରକାରର ଫଳରସ ବା ଜୁସ୍ ମିଳିଥାଏ ।
ଗୋଟିଏ ହେଉଛି ପ୍ୟାକେଟରେ ଥିବା ଜୁସ୍ ଓ ଅନ୍ୟଟି ହେଉଛି ତାଜା ଫଳରସ । ସବୁବେଳେ ତାଜା ଫଳରସ ପିଇବାକୁ ଚେଷ୍ଟା କରନ୍ତୁ । ମାତ୍ର ପ୍ୟାକେଟରେ ଥିବା ଫଳରସ୍ରେ କେତକ ପ୍ରିଜରଭେଟିଭ୍ ଥାଏ । ଏହା ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ । ଏହା ଲୋକଙ୍କୁ ମୋଟା କରିପାରେ ବୋଲି ଅନେକ ସ୍ୱାସ୍ଥ୍ୟ ବିଶେଷଜ୍ଞମତ ଦେଇଛନ୍ତି ।
ଚା ଓ କଫି
ଜିମ୍ରୁ ବାହାରିବା ପରେ କଦାପି ଚାହା କିମ୍ବା କଫି ପିଅନ୍ତୁ ନାହିଁ । ଚାହା ଓ କଫି ପିଉଥିବା ଲୋକ ଏହାକୁ ପିଇବା ପାଇଁ ବାହାନା ଖୋଜି ଥାଆନ୍ତି । ଚାହାରେ ନିକୋଟିନ୍ ଥିବା ବେଳେ କଫିରେ କାଫିନ୍ ରହିଛି । ବ୍ୟାୟାମ କରିବା ସଙ୍ଗେ ସଙ୍ଗେ ଚାହା କିମ୍ବା କଫି ପିଇବା ଅତି ଖରାପ । କିଛି ସମୟ ବ୍ୟବଧାନରେ ଚାହା କିମ୍ବା କଫି ପିଇ ପାରିବେ । ମାତ୍ର ଚା ଓ କଫି ଅଧିକ ପିଇବା ବି ସ୍ୱାସ୍ଥ୍ୟ ପାଇଁ ହାନୀକାରକ ।
ଆଲକହଲ
ବ୍ୟାୟାମ କରିବା ପରେ କେତକ ଲୋକ ଆଲକହଲ ପିଇଥାଆନ୍ତି । ମାତ୍ର ଏହା ସ୍ୱାସ୍ଥ୍ୟ ପକ୍ଷେ ଅତି ଖରାପ । ଏହା ଶରୀର ପ୍ରତି ଅତି ଖରାପ ପ୍ରଭାବ ପକାଇଥାଏ । ଶରୀରରୁ ଜଳୀୟ ଅଂଶ ହ୍ରାସ କରିଥାଏ ।
ଜିମ୍ରୁ ବାହାରିବା ପରେ ଏହା ପିଇ ପାରିବେ ।
ଆପଣ ପାଣି ପିଇପାରିବେ ।
ପାଇଡ ପାଣି ପିଇ ପାରିବେ ।
ତାଜା ଫଳରସ ପିଇପାରିବେ ।
କ୍ଷୀର ପିଇ ପାରିବେ ।