ଖଲ୍ଲିକୋଟ,୨୮।୧୦: ଛତ୍ରପୁର ଥାନା ଅଂଚଳରୁ ବିପୁଳ ପରିମାଣର ଗୁଟଖା ଜବତ କରିଛି ପୁଲିସ୍ । ଆଜି ଛତ୍ରପୁର ପୋଲିସ୍ ପେଟ୍ରୋଲିଂ କରୁଥିବା ବେଳେ ଗୋଟିଏ ଦୋକାନ ନିକଟରୁ ୩୪ ବସ୍ତା ଗୁଟଖା ଜବତ କରିଛି । ଗୁଟଖାର ଅନୁମାନିକ ମୁଲ୍ୟ ପ୍ରାୟ ୪ ଲକ୍ଷ ହେବ ବୋଲି ଥାନାଧିକାରୀ ସତ୍ୟ ରଞ୍ଜନ ପ୍ରଧାନ ସୂଚନା ଦେଇଛନ୍ତି ।
ଏନେଇ ଛତ୍ରପୁର ଥାନାରେ ୫୬୦/୨୧ରେ ଏକ ମାମଲା ରୁଜୁ କରାଯିବା ସହ ଦୁଇଜଣଙ୍କୁ ଗିରଫ କରାଯାଇଛି । ଏଥିରେ ଜଡ଼ିତ ଗୋଟିଏ ପିକଅପ ଗାଡି ଅଟକ ରଖାଯାଇଥିବା ଥାନାଧିକାରୀ ଶ୍ରୀ ପ୍ରଧାନ ସୂଚନା ଦେଇଛନ୍ତି । ଗୁଟଖା କେଉଁଠି ଆସିଛି ତାର ତଦନ୍ତ ଜାରି ରଖିଛି ପୁଲିସ ।
