Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଗୁରୁପ୍ରିୟା ସେତୁ ଉଦଘାଟିତ

26/07/2018 at 6:43 AM

ମାଲକାନଗିରି ୨୬/୭ : ବିକାଶ ଧାରାରେ ସାମିଲ ହେବ ବିଛିନ୍ନାଂଚଳ ନକ୍ସଲଙ୍କ ଅଭୟାରଣ୍ୟ ଏବଂ ସମସ୍ତ ସୁବିଧା ସୁଯୋଗରୁ ବଂଚିତ ମାଲକାନଗିରି ଜିଲ୍ଲାର ବିଛିନ୍ନାଂଚଳ ଏଥର ଦେଖିବା ବିକାଶ | ମୁଖ୍ୟ ସ୍ରୋତରୁ ଗତ ୫୦ ଦଶନ୍ଧି ଧରି ବିଛିନ୍ନ ହୋଇ ରହିଥିବା ମାଲକାନଗିରି ଜିଲ୍ଲାର ୯ଟି ପଂଚାୟତର ୧୫୧ ଟି ଗାଁ ପାଇଁ ଲାଇଫ ଲାଇନ ଗୁରୁପ୍ରିୟା ସେତୁ ଆଜିଠୁ ସର୍ବ ସାଧାରଣଙ୍କ ପାଇଁ ଖୋଲିଛି | ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଶୁଭ ଉଦଘାଟନ କରିଛନ୍ତି |

ଗୁରୁପ୍ରିୟା ବା ଜାନବାଇ ନଦୀ ଉପରେ ନିର୍ମିତ ଏହି ପୋଲ ନିର୍ମାଣ ପାଇଁ ଖର୍ଚ୍ଚ ହୋଇଛି ୧୮୭ କୋଟି ୨୫ ଲକ୍ଷ ଟଙ୍କା | ପୋଲର ଦୈର୍ଘ୍ୟ ହେଉଛି ୯୧୦ ମିଟର | ୧୯୮୨ ମସିହାରୁ ଗୁରୁପ୍ରିୟା ନଦୀ ଉପରେ ସେତୁ ନିର୍ମାଣ କରି ବିଛିନ୍ନାଂଚଳକୁ ମୁଖ୍ୟ ସ୍ରୋତରେ ସାମିଲ କରିବା ପାଇଁ ଆରମ୍ଭ ହୋଇଥିଲା ଯୋଜନା | ୯କୋଟି ଟଙ୍କା ବ୍ୟୟ ଅଟକଳରେ ଝୁଲା ପୋଲ ପରିକଳ୍ପନା କରାଯାଇଥିଲା | କିନ୍ତୁ ନକ୍ସଲଙ୍କ ଦୌରାତ୍ମ୍ୟ ଏବଂ ଅନ୍ୟାନ୍ୟ କାରଣ ଯୋଗୁଁ ଏହା ବାସ୍ତବ ରୂପ ନେଇ ପାରିନଥିଲା |
୨୦୦୫ ମସିହାରେ ପୁଣି ଏକ ପୋଲ ନିର୍ମାଣ ପାଇଁ ୪୭ କୋଟି ଟଙ୍କାର ବ୍ୟୟ ଅଟକଳ କରାଯାଇଥିଲା | ଗ୍ୟାମନ ଇଣ୍ଡିଆ ଏହାର ଦାୟିତ୍ୱ ନେଇଥିଲା | ତେବେ ସମାନ କାରଣ ପାଇଁ ତାହା ମଧ୍ୟ ଫେଲ ମାରିଥିଲା |

୨୦୧୪ ମସିହାରେ ପୁନର୍ବାର ସେତୁ ନିର୍ମାଣ ପାଇଁ ୧୮୭ କୋଟି ଟଙ୍କାର ବ୍ୟୟ ଅଟକଳ ହୋଇଥିଲା | କଲିକତାର ରୟାଲ ଇନଫ୍ରା କମ୍ପାନୀ ଏହାର ନିର୍ମାଣ ଦାୟିତ୍ୱ ନେଇଥିଲା | ୩ ବର୍ଷ ମଧ୍ୟରେ ସେତୁ ନିର୍ମାଣ ସାରିବା ପାଇଁ ଲକ୍ଷ ଧାର୍ଯ୍ୟ ହୋଇଥିଲା | କିନ୍ତୁ ନିର୍ମାଣ କାର୍ଯ୍ୟରେ ବାରମ୍ବାର ବାଧା ଉପୁଜୁଥିଲା | ବିଳମ୍ବରେ ହେଲେ ମଧ୍ୟ ଏହାର ନିର୍ମାଣ କାର୍ଯ୍ୟ ଗତମାସରେ ସାରିବା ପରେ ମୁଖ୍ୟମନ୍ତ୍ରୀ ଏହାର ଉଦଘାଟନ କରିଛନ୍ତି |

   Related Posts