Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ଟିକା ନେବାର ୧୩୦ ଘଣ୍ଟା ପରେ ସ୍ବାସ୍ଥ୍ୟକର୍ମୀଙ୍କ ମୃତ୍ୟୁ, ଭ୍ୟାକସିନ୍‌କୁ ନେଇ ପ୍ରଶ୍ନ ଉଠାଇଲେ ପରିବାର ଲୋକ

22/01/2021 at 9:01 PM

ଗୁରୁଗ୍ରାମ ୨୨/୦୧ : କରୋନା ମହାମାରୀ ସମୟରେ ଦେଶରେ ଟିକାକରଣ ଆରମ୍ଭ ହୋଇଯାଇଛି । ଏହାରି ମଧ୍ୟରେ ଗୁରୁଗ୍ରାମରେ କରୋନା ଭ୍ୟାକସିନ ନେବାର ୧୩୦ ଘଣ୍ଟା ପରେ ଜଣେ ମହିଳା ସ୍ବାସ୍ଥ୍ୟକର୍ମୀଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି । ମୃତକଙ୍କ ପରିବାର ପକ୍ଷରୁ ଗୁରୁଗ୍ରାମର ନ୍ୟୁ କଲୋନୀ ଥାନାରେ କରୋନା ଟିକାକରଣକୁ ନେଇ ଅଭିଯୋଗ ହୋଇଛି । ମହିଳା ସ୍ବାସ୍ଥ୍ୟକର୍ମୀଙ୍କ ସନ୍ଦେହଜନକ ମୃତ୍ୟୁକୁ ନେଇ ହରିୟାଣା ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ, ମାମଲାର ଯାଞ୍ଚ ଚାଲୁରହିଛି । ଏବେ ଶବ ବ୍ୟବଚ୍ଛେଦ ରିପୋର୍ଟରୁ କିଛି ଖୁଲାସା ହୋଇନାହିଁ ।  

ସୂଚନା ଅନୁସାରେ କୃଷ୍ଣ କଲୋନୀରେ ରହୁଥିବା ୫୫ ବର୍ଷୀୟ ରାଜଓ୍ବନ୍ତୀ ଭଙ୍ଗରୋଲା ପିଏଚସି ସେଣ୍ଟରରେ ସୁପରଭାଇଜର ଭାବେ କାର୍ଯ୍ୟକରୁଥିଲେ । ଗତ ଜାନୁୟାରୀ ୧୬ ତାରିଖରେ ସେ କରୋନା ଟିକା ଲଗାଇଥିଲେ । ଏହାର ପରେ ସେ ଅସୁସ୍ଥ ଅନୁଭବ କରିଥିଲେ । ଟିକା ନେବାର ପ୍ରାୟ ୧୩୦ ଘଣ୍ଟା ପରେ ତାଙ୍କର ମୃତ୍ୟୁ ହୋଇଯାଇଥିଲା । ମୃତକଙ୍କ ପୁଅ ଭ୍ୟାକସିନ୍‌କୁ ନେଇ ପ୍ରଶ୍ନ ଉଠାଇଛନ୍ତି । କେବଳ ସେତିକି ନୁହେଁ କରୋନା ଟିକାକରଣକୁ ନେଇ ମଧ୍ୟ ଥାନାରେ ଅଭିଯୋଗ କରିଛନ୍ତି ପରିବାର ଲୋକେ । ଅଭିଯୋଗରେ ସେ କହିଛନ୍ତି ଯେ, ଦେଶରେ ଟିକାକରଣକୁ ତୁରନ୍ତ ବନ୍ଦ କରାଯାଉ ।

ଏହା ପୂର୍ବରୁ ଦିଲ୍ଲୀରେ ପ୍ରାୟ ୫୨ ଜଣ ସ୍ବାସ୍ଥ୍ୟକର୍ମୀ ଟିକା ନେବା ପରେ ଅସୁସ୍ଥ ଅନୁଭବ କରିଥିଲେ । ସେମାନଙ୍କ ମଧ୍ୟରୁ କିଛି ସ୍ବାସ୍ଥ୍ୟକର୍ମୀଙ୍କର ଏଲର୍ଜୀ ସମସ୍ୟା ଦେଖାଦେଇଥିଲା ଏବଂ ଆଉ କିଛି ସ୍ବାସ୍ଥ୍ୟକର୍ମୀ ବ୍ୟସ୍ତ ବିବ୍ରତ ହେବା ଭଳି ସମସ୍ୟା ଦେଖାଯାଇଥିଲା । କିନ୍ତୁ ସେମାନଙ୍କ ମଧ୍ୟରୁ କାହାର ଗୁରୁତର ସମସ୍ୟା ଦେଖାଯାଇନଥିଲା ।

ଟିକାକରଣ ପରେ କେନ୍ଦ୍ର ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଥିଲା ଯେ, ଏପର୍ଯ୍ୟନ୍ତ ମୋଟ ୪୪୭ ଜଣ ସ୍ବାସ୍ଥ୍ୟକର୍ମୀ ଟିକା ନେବା ପରେ ଅସୁସ୍ଥ ହୋଇଥିବା ଖବର ରହିଛି । ସେମାନଙ୍କ ମଧ୍ୟରୁ ପ୍ରାୟ ସମସ୍ତଙ୍କ ସ୍ବାସ୍ଥ୍ୟାବସ୍ଥା ସାମାନ୍ୟ ଥିବା ବେଳେ ୩ ଜଣଙ୍କୁ ହସ୍ପିଟାଲରେ ଭର୍ତ୍ତିକରିବାକୁ ପଡିଥିଲା ।  

   Related Posts