Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ଓଡ଼ିଶା ଆନ୍ଧ୍ର ସୀମାନ୍ତ ସୁଙ୍କି ଜଙ୍ଗଲରେ ମାଓବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟ

8/10/2018 at 10:08 AM

କୋରାପୁଟ ୮|୧୦: ଓଡ଼ିଶା ଆନ୍ଧ୍ର ସୀମାନ୍ତ କୋରାପୁଟର ସୁଙ୍କି ଜଙ୍ଗଲରେ ବୁଲୁଛନ୍ତି ଟପ୍ ମାଓନେତା । ଗତକାଲି ଏଠାରେ ଯବାନ-ମାଓବାଦୀ ମୁହାଁମୁହିଁ ହୋଇଛନ୍ତି । ଦୁଇ ପକ୍ଷ ଭିତରେ ପ୍ରଚଣ୍ଡ ଗୁଳି ବିନିମୟ ହୋଇଛି । ତେବେ ୧୫ରୁ ଅଧିକ ଦୁର୍ଦ୍ଦାନ୍ତ ମାଓବାଦୀ ଖସି ପଳାଇବାରେ ସକ୍ଷମ ହୋଇଛନ୍ତି । ଆନ୍ଧ୍ର ସୀମାକୁ ଲାଗିଥିବା ଏହି ଇଲାକାରେ ମାଓବାଦୀଙ୍କ ପିଛା କରୁଛନ୍ତି ଯବାନ । ସେପଟେ ଆନ୍ଧ୍ର ସୀମାରେ ଜଗିଛନ୍ତି ଗ୍ରେ ହାଉଣ୍ଡ ଯବାନ । ପଟାଙ୍ଗି ଥାନା ସୁଙ୍କି ଘାଟିରେ ମାଓନେତା ରାମକ୍ରିଷ୍ଣା, କମାଣ୍ଡର ଅରୁଣା ଏବଂ ଚଳପତି କିଛି ମାଓ କ୍ୟାଡରଙ୍କ ସହ ବୈଠକ କରୁଥିଲେ । ସୂଚନା ପାଇ ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ଉଭୟ ପକ୍ଷରୁ ୩୦ମିନିଟ୍ ଧରି ଗୁଳିବିନିମୟ ହୋଇଥିଲା । ଯବାନମାନେ ଗ୍ରେନେଡ୍ ମାଡ କରିଥିଲେ । ୨ଶହରୁ ଅଧିକ ଯବାନ ଘେରାବନ୍ଦୀ କରୁଥିବା ଦେଖି ମାଓ କ୍ୟାଡର ପଛଘୁଞ୍ଚା ଦେଇଥିଲେ । ମାଓ କ୍ୟାମ୍ପରୁ ବିପୁଳ ପରିମାଣର ବିସ୍ଫୋରକ ଏବଂ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଜବତ ହୋଇଛି । ଏବେବି ଯବାନମାନେ କମ୍ବିଂ ଅପରେସନ ଜାରି ରଖିଛନ୍ତି । ଗତ ମାସ ୨୨ତାରିଖରେ ଆନ୍ଧ୍ରପ୍ରଦେଶର ଜଣେ ବିଧାୟକ ଓ ପୂର୍ବତନ ବିଧାୟକଙ୍କୁ ନକ୍ସଲମାନେ ହତ୍ୟା କରିଥିଲେ । ଏହି କାଣ୍ଡ ଘଟାଇବା ପରେ ଏମାନେ ଓଡିଶା ସୀମାରେ ଘୁରି ବୁଲୁଛନ୍ତି । ଏପଟେ ନକ୍ସଲଙ୍କ ମୁକାବିଲା ଲାଗି ଆନ୍ଧ୍ର-ଓଡିଶା ଡିଜିପି ସ୍ତରୀୟ ବୈଠକରେ ରଣନୀତି ପ୍ରସ୍ତୁତ ହୋଇଛି । ଅନ୍ୟପକ୍ଷରେ ସିପିଆଇ-ମାଓବାଦୀ କେନ୍ଦ୍ରୀୟ କମିଟିରେ ନିଷ୍ପତ୍ତି ପରେ ଲାଲକ୍ୟାଡର ସକ୍ରିୟ ହୋଇଛନ୍ତି । ନକ୍ସଲମାନେ ଅପରେସନ ଘମାସାନ ଆରମ୍ଭ କରିଛନ୍ତି । ନକ୍ସଲ ପ୍ରଭାବିତ ଅଞ୍ଚଳରେ ପକେଟ୍ ଆଇଇଡି ବିସ୍ଫୋରକ ବ୍ୟବହାର କରିବା ପାଇଁ ତାଲିମ୍ ଦିଆଯାଇଥିବା ସୂଚନା ରହିଛି ।

   Related Posts