Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ-୨୦୨୦ : ରୋମାଞ୍ଚକର ମୁକାବିଲାରେ ପଞ୍ଜାବଠୁ ୧୨ ରନରେ ହାରିଲା ହାଇଦ୍ରାବାଦ
  • ||

କରୋନା ଯୁଦ୍ଧରେ ହୋଇଥିଲେ ବିଜୟୀ , ଜୀବନ ଯୁଦ୍ଧରେ ହାରିଗଲେ : ପ୍ରଖ୍ୟାତ ଉର୍ଦ୍ଦୁ କବି ଗୁଲ୍‌ଜାର୍ ଦେହଲବୀଙ୍କ ଦେହାନ୍ତ

14/06/2020 at 8:39 AM

ନୋଏଡା ୧୪।୦୬: ପ୍ରଖ୍ୟାତ କବି ଆନନ୍ଦ ମୋହନ ଜୁଟସି  ବା ଗୁଲଜାର ଦେହଲଭିଙ୍କ ନିଧନ ହୋଇଯାଇଛି । ଶୁକ୍ରବାର ଦିନ ନୋଏଡା ସ୍ଥିତ କୈଳାଶ ଡାକ୍ତରଖାନାରେ ଚିକିତ୍ସାଧୀନ ସମୟରେ ମୃତ୍ୟୁ ହୋଇଯାଇଛି । ମୃତ୍ୟୁବେଳକୁ ତାଙ୍କୁ ୯ସ୍ଥିତ କୈଳାଶ ଡାକ୍ତରଖାନାରେ ଚିକିତ୍ସାଧୀନ ସମୟରେ ମୃତ୍ୟୁ ହୋଇଯାଇଛି । ମୃତ୍ୟୁବେଳକୁ ତାଙ୍କୁ ୯୪ବର୍ଷ ବୟସ ହୋଇଥିଲା । କିଛି ଦିନ ତଳେ ସେ କରୋନା ଭାଇରସ୍‌ ସୁସ୍ଥ ହୋଇ ଘରକୁ ଫେରିଥିଲେ । ତେବେ ଶୁକ୍ରବାର ଦିନ ଦେହଲଭିଙ୍କ ଅଚାନକ ଦେହ ଖରାପ ହୋଇଯାଇଥିଲା । ଯାହାପରେ ତାଙ୍କୁ ପରିବାର ଲୋକ ନୋଏଡା ସ୍ଥିତ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ସେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଯାଇଛି।

ସୂଚନାଯୋଗ୍ୟ ଯେ, ଆନନ୍ଦ ମୋହନ ଜୁଟସି ବା ଗୁଲ୍‌ଜାର ଦେହଲଭି ୭ ଜୁଲାଇ ୧୯୨୬ରେ ଜନ୍ମଗ୍ରହଣ କରିଥିଲେ। ଉର୍ଦ୍ଦୁ କବିତା ଏବଂ ସାହିତ୍ୟରେ ଅବଦାନ ପାଇଁ ତାଙ୍କୁ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା। ୨୦୦୯ ମସିହାରେ ତାଙ୍କୁ ମିର ତାକି ମିର (mir taqi mir Award) ପୁରସ୍କାର ମଧ୍ୟ ପ୍ରଦାନ କରାଯାଇଥିଲା |

ଗୁଲଜାର ଦେହଲଭିଙ୍କ ପୁଅ ଅନୁପ ଜୁତି କହିଛନ୍ତି ଯେ, ତାଙ୍କ କରୋନା ଭାଇରସ ପରୀକ୍ଷା ରିପୋର୍ଟ ନେଗେଟିଭ୍‌ ଆସିବା ପରେ ଆମେ ତାଙ୍କୁ ଜୁନ୍ ୭ରେ ଘରକୁ  ଫେରାଇ ଆଣିଥିଲୁ । ତେବେ ଶୁକ୍ରବାର ଦିନ ପ୍ରାୟ ୨.୩୦ରେ ଆମେ ଖାଦ୍ୟ ଖାଇଥିଲୁ । କିନ୍ତୁ ମେଡିକାଲରୁ ଖବର ଆସିଲା ଯେ, ତାଙ୍କର ନିଧନ ହୋଇଯାଇଛି । ଦେହଲଭି ୧୯୭୫ ମସିହାରେ ଭାରତ ସରକାରଙ୍କ ଦ୍ୱାରା ପ୍ରକାଶିତ ପ୍ରଥମ ଉର୍ଦ୍ଦୁ ବିଜ୍ଞାନ ପତ୍ରିକା ‘ସାଇନ୍ସ କି ଡୁନିୟା’ର ସମ୍ପାଦକ ରହିଥିଲେ। ଦେହଲଭିଙ୍କ ମୃତ୍ୟୁ ଏକ ଅପୂରଣୀୟ କ୍ଷତି ବୋଲି କୁହାଯାଇପାରୁଛି ।

   Related Posts