Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||

ପଦ୍ମଶ୍ରୀ ହଳଧର ନାଗଙ୍କ ସହ କଥା ହେଲେ ଗୁଲଜାର, କହିଲେ- ‘ଆପଣ ଭାରି ସରଳ, ସୁଯୋଗ ମିଳିଲେ ସାକ୍ଷାତ କରିବି’

29/12/2020 at 10:15 AM

ବରଗଡ଼,୨୯/୧୨: ଆପଣ ହେଉଛନ୍ତି ଜଣେ ବହୁତ ଭଲ କବି । ଭାରୀ ସରଳ । ଆପଣଙ୍କ କବିତା ମୋତେ ବହୁତ ଭଲ ଲାଗେ। ମୋର ଅନୁବାଦ ଆପଣଙ୍କୁ ଭଲ ଲାଗିଲା ତ? ଯଦି କେବେ ମୌକା ମିଳେ ଆପଣଙ୍କ ପାଖକୁ ଆସି ସାକ୍ଷାତ କରିବି… ଏହା ଥିଲା ଦାଦା ସାହେବ ଫାଲ୍‌କେ ପୁରସ୍କାରପ୍ରାପ୍ତ କବି, ଲେଖକ, ଗୀତିକାର ଗୁଲଜାରଙ୍କ ପଦ୍ମଶ୍ରୀ ଲୋକକବିରତ୍ନ ହଳଧର ନାଗଙ୍କ ସହ ମୋବାଇଲ କଥାବାର୍ତ୍ତାର କିଛି ସାରାଂଶ ।

ସାରା ଭାରତର ୩୪ଟି ଭାଷାରୁ ୨୭୯ ଜଣ କବିଙ୍କ ୩୬୫ଟି ବଛାବଛା କବିତାକୁ ନେଇ ଗୁଲଜାର ସମ୍ପାଦନ କରିଥିବା ବହୁ ଚର୍ଚ୍ଚିତ କବିତା ସଂକଳନ “ଏ ପୋଏମ୍‌ ଏ ଡେ’ରେ ପ୍ରଥମ କବି ଭାବେ କବି ହଳଧରଙ୍କ ପାଁଚ୍‌ ଅମୃତ୍‌ ଏବଂ ଚିଠି ଲେଖୁଛେଁ…. ଭଳି ହ କବିତାମୃତକୁ ସ୍ଥାନୀତ କରିଥିଲେ । ଏହାସହ ଏକମାତ୍ର ବରେଣ୍ୟ କବି ଭାବେ ହଳଧରଙ୍କ ସଂକ୍ଷିପ୍ତ ପରିଚୟ ଗୁଲଜାର ନିଜେ ଲେଖି ଲୋକକବିଙ୍କୁ ସମ୍ମାନ ପ୍ରଦର୍ଶନ କରିଥିଲେ । ତା’ ସହ ମୋ ବହିର ତୁମେ ସୂର୍ଯ୍ୟୋଦୟ ବୋଲି ହଳଧରଙ୍କ ଉଦ୍ଦେଶ୍ୟରେ ନିଜ ହସ୍ତାକ୍ଷରରେ ଉଲ୍ଲେଖ କରିଛନ୍ତି ଗୁଲଜାର ।

ସୋମବାର ଦିନ ସନ୍ଧ୍ୟା ୫.୪୫ରେ ଆନ୍ତର୍ଜାତିକ ଖ୍ୟାତି ସମ୍ପନ୍ନ ଚଳଚ୍ଚିତ୍ର ନିର୍ଦ୍ଦେଶକ ପଦ୍ମଶ୍ରୀ ନୀଳମାଧବ ପଣ୍ଡାଙ୍କ ମାଧ୍ୟମରେ କନ୍‌ଫରେନ୍ସ କଲ୍‌ରେ ଗୁଲଜାର୍‌ ଲୋକକବି ହଳଧରଙ୍କ ସହ କଥା ହୋଇଥିଲେ । ଉପରୋକ୍ତ ବାର୍ତ୍ତାଳାପରେ ହଳଧରଙ୍କୁ ଜଣେ ସରଳ କବି ବୋଲି ସମ୍ବୋଧନ କରିଥିଲେ । ଏହାସହ ହଳଧର ନାଗ ମଧ୍ୟ ସମ୍ବଲପୁରୀ/କୋସଲି ଭାଷା ଓ ସାହିତ୍ୟ ପ୍ରତି ଥିବା ଆଗ୍ରହ ଓ ଆଦର ନିମନ୍ତେ ଗୁଲଜାରଙ୍କୁ କୃତଜ୍ଞତା ଜଣାଇଛନ୍ତି ।

ସୂଚନାଯୋଗ୍ୟ ଗୁଲଜାର୍‌ଙ୍କ ବହିରେ ହଳଧରଙ୍କୁ ସାହିତ୍ୟ କୃତିକୁ ଯଥେଷ୍ଟ ଗୁରତ୍ୱ ପ୍ରଦାନ କରାଯାଇଚି । ଏହା ଜାଣିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍‌ କରି ଗୁଲ୍‌ଜାର୍‌ଙ୍କୁ ଧନ୍ୟବାଦ ଜ୍ଞାପନ କରିଛନ୍ତି ।

   Related Posts