Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ବନ୍ଧୁର ବ୍ୟାଚ୍‌ଲର ପାର୍ଟିରେ ଗୁଳିମାଡ, ଟଳିପଡ଼ିଲେ ଯୁବକ, ଉତ୍ସବକୁ ସ୍ମରଣୀୟ କରିବା ପାଇଁ ଗର୍ଜିଥିଲା ବନ୍ଧୁକ

7/07/2021 at 5:10 PM

ଗାଜିଆବାଦ ୭/୦୭: ବ୍ୟାଚ୍‌ଲର ପାର୍ଟିରେ ଗୁଳିମାଡ। ବିବାହ ପୂର୍ବରୁ ଏହି ଖାସ୍‌ ଉତ୍ସବରେ ଗୁଳି ଫୁଟାଇ ମଉଜ କରୁଥିଲେ ବନ୍ଧୁ। କିନ୍ତୁ ନିମିଷକରେ ସବୁ ଖୁସୀ ଦୁଃଖରେ ପରିଣତ ହୋଇଗଲା। ବନ୍ଧୁର ବ୍ୟାଚଲର ପାର୍ଟିରେ ଫୁଟିଥିବା ଗୁଳିରେ ଜଣେ ୨୬ ବର୍ଷୀୟ ଯୁବକଙ୍କ ଜୀବନ ଯାଇଛି। ମୃତକଙ୍କ ନାଁ ସୁରଜ ରାଏ ବୋଲି ଜଣାପଡ଼ିଥିବା ବେଳେ ମାମଲାରେ ଜଡ଼ିତ ୨ ଜଣଙ୍କୁ ଗିରଫ କରିଛି ପୋଲିସ।

ଘଟଣାଟି ଗାଜିଆବାଦର ଲଜପତନଗରରେ ମଙ୍ଗଳବାର ରାତିରେ ଘଟିଛି। ମୃତ ସୁରଜଙ୍କ ପିତାଙ୍କ ଅଭିଯୋଗ ଅନୁସାରେ, ତାଙ୍କ ପୁଅଙ୍କ ବୟସ ୨୬ ବର୍ଷ ହୋଇଥିବା ବେଳେ ସେ ଘରେ ସିଏ ପାଇଁ ପସ୍ତୁତ ହେଉଥିଲେ। ମଙ୍ଗଳବାର ସନ୍ଧ୍ୟାରେ ତାଙ୍କ ବନ୍ଧୁ ଠାକୁର ବିକ୍କି ସିଂହ ଘରକୁ ଆସି ହିମାଂଶୁ ଶର୍ମାଙ୍କ ବ୍ୟାଚଲର ପାର୍ଟିକୁ ସୁରଜଙ୍କୁ ଡାକି ନେଇଥିଲେ। ପାର୍ଟି ଚାଲିଥିବା ବେଳେ ହରିଓମ ତ୍ୟାଗି ନାମକ ଯୁବକ ଫାୟାରିଂ କରିଥିଲା।

ଏଥିରୁ ଗୋଟିଏ ଗୁଳି ସୁରଜଙ୍କ ଦେହର ଲାଗିବାରୁ ସେ ବେହୋସ ହୋଇପଡ଼ିଥିଲେ। ବନ୍ଧୁମାନେ ମିଶି ତାଙ୍କୁ ନେଇ ହସ୍ପିଟାଲରୁ ହସ୍ପିଟାଲ ବୁଲିଥିଲେ। କିନ୍ତୁ ସୁରଜଙ୍କୁ ଚିକିତ୍ସା ମିଳିପାରିନଥିଲା। ସେପଟେ ଗୁଳିକାଣ୍ଡ ମାମଲା ହୋଇଥିବା ଯୋଗୁ ପୋଲିସ ପାଖରେ ଖବର ପହଞ୍ଚିବାକୁ ନେଇ ବନ୍ଧୁମାନେ ଭୟରେ ଥିଲେ। ଶେଷରେ ମ୍ୟାକ୍ସ ହସ୍ପିଟାଲ ସାମ୍ନାରେ ସୁରଜଙ୍କୁ ମୃତ ଅବସ୍ଥାରେ ଛାଡ଼ି  ତାଙ୍କର ସାଙ୍ଗମାନେ ଫେରାର ହୋଇଯାଇଥିଲେ।

ତେବେ ଏନେଇ ମ୍ୟାକ୍ସ ହସ୍ପିଟାଲ ପକ୍ଷରୁ ସାହିବବାଦ ଥାନାକୁ ଖବର ଦିଆଯାଇଥିଲା। ସେଠାରେ ପୋଲିସ ପହଞ୍ଚି ଘଟଣାର ତଦନ୍ତ କରିବା ସହ ସୁରଜଙ୍କ ସମ୍ପର୍କୀୟଙ୍କୁ ଏନେଇ ଅବଗତ କରାଇଥିଲା ।      

   Related Posts