ମାଲକାନଗିରି ୨୭।୧୦: ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳର ଧୂଳିପୁଟ ପଞ୍ଚାୟତ ଜୁମଡାଙ୍ଗ ଜଙ୍ଗଲରେ ଗୁଳିବିନିମୟ ଜାରି ରହିଛି ।
ଖବର ଅନୁଯାୟୀ, ଧୂଳିପୁଟ ପଞ୍ଚାୟତ ଜୁମଡାଙ୍ଗ ଜଙ୍ଗଲରେ ମାଓ କ୍ୟାମ୍ପ ଥିବାର ଖବର ମିଳିଥିଲା । ଯାହାପରେ SOG ଓ DVF ବାହିନୀ ପକ୍ଷରୁ କୁମ୍ବି ଅପରେସନ ଆରମ୍ଭ ହୋଇଥିଲା । କିନ୍ତୁ ହଠାତ୍ ଜଙ୍ଗଲରେ ଗୁଳିମାଡ଼ର ଶବ୍ଧ ଆସିଥିଲା । ସୁରକ୍ଷାକର୍ମୀମାନେ ଏହା ଶୁଣି ସଜାଗ ହୋଇଯାଇଥିଲେ । ତେବେ ଏତେ ପରିମାଣର ସୁରକ୍ଷା ଯବାନ ଦେଖି ମାଓବାଦୀମାନେ ପ୍ରଥମେ ଗୁଳିଚାଳନା ଆରମ୍ଭ କରିଥିଲେ । ସୁରକ୍ଷାକର୍ମୀ ଏହାର ପାଲଟା ଜବାବ ଦେଉଛନ୍ତି । ବର୍ତ୍ତମାନ ପର୍ଯ୍ୟନ୍ତ ଜଙ୍ଗଲରେ ଗୁଳିବିନିମୟ ଜାରି ରହିଥିବାର ସୂଚନା ମିଳିଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ କେତେଜଣ ମୃତାହତ ହୋଇଛନ୍ତି, ସେନେଇ କିଛି ସ୍ପଷ୍ଟ ସୂଚନା ଆସିନାହିଁ ।