ଗାନ୍ଧିନଗର ୧୬।୫: ଆରବ ସାଗରରେ ସୃଷ୍ଟି ହୋଇଥିବା ସାମୁଦ୍ରିକ ବାତ୍ୟା ତୈତେ ଏବେ ଗୁଜରାଟ ଉପକୂଳକୁ ମୁହାଁଇଛି। ସୋମବାର ଅପରାହ୍ନରେ ବାତ୍ୟା ଗୁଜରାଟ ଉପକୂଳକୁ ପହଞ୍ଚିବ ଓ ମଙ୍ଗଳବାର ପୂର୍ବାହ୍ନରେ ଅତିକ୍ରମ କରିବ ବୋଲି ପାଣିପାଗ ବିଭାଗ (ଆଇଏମଡି) ଆକଳନ କରିଛନ୍ତି। ଏଣୁ ବାତ୍ୟା ଯୋଗୁ ବିପଦାପନ୍ନ ଉପକୂଳ ଓ ନିମ୍ନାଞ୍ଚଳରୁ ଲୋକଙ୍କୁ ସୁରକ୍ଷିତ ସ୍ଥାନକୁ ପହଞ୍ଚାଯାଉଛି। ରାଜ୍ୟରେ କୋଭିଡ ପରିସ୍ଥିତି ଏବେ ଉଗ୍ର ରହିଛି। ତେବେ ବାତ୍ୟା ଯୋଗୁ ଯେପରି ହସ୍ପିଟାଲରେ କୋଭିଡ ଚିକିତ୍ସା ପ୍ରଭାବିତ ନ ହୁଏ ସେଥିପ୍ରତି ମଧ୍ୟ ସମାନ ଗୁରୁତ୍ୱ ଦିଆଯାଉଛି।
{"id":453363,"width":838,"height":629,"sizeSlug":"large","linkDestination":"none"}
ବାତ୍ୟା ଜନିତ ବିପର୍ଯ୍ୟୟ ମୁକାବିଲା ଲାଗି ରାଜ୍ୟରେ ଏନଡିଆରଏଫ ଓ ଏସଡିଆରଏଫର ୫୪ଟି ଟିମ୍ ମୁତୟନ ହୋଇଛନ୍ତି। ଲୋକଙ୍କୁ କଚ୍ଚା ଘର ଓ ପାଣି ପଶିଯିବା ଭଳି ବିପଦ ଥିବା ସ୍ଥାନରୁ ଉଦ୍ଧାର କରି ସୁରକ୍ଷିତ ସ୍ଥାନକୁ ପହଞ୍ଚାଇବାରେ ଏନଡିଆରଏଫ ଓ ଏସଡିଆରଏଫ ସହଯୋଗ କରୁଛନ୍ତି। ସେହିପରି ବାତ୍ୟାରେ ଯେପରି ଅମ୍ଳଯାନ ଉତ୍ପାଦନ ଓ ବିତରଣ ବ୍ୟହତ ନ ହୁଏ ସେଥିପ୍ରତି ମଧ୍ୟ ଧ୍ୟାନ ଦିଆଯାଇଛି। ବାତ୍ୟାରେ ବିଦ୍ୟୁତ ସରବରାହ ବ୍ୟହତ ହେଲେ ହସ୍ପିଟାଲରେ ବିଦ୍ୟୁତ ବ୍ୟାକଅପ ଲାଗି ମଧ୍ୟ ବ୍ୟାପକ ବ୍ୟବସ୍ଥା କରାଯାଇଛି।
{"id":453364,"sizeSlug":"large","linkDestination":"none"}
ରବିବାର ଗାନ୍ଧି ନଗରରେ ମୁଖ୍ୟମନ୍ତ୍ରୀ ବିଜୟରୂପାଣୀ ଘୂର୍ଣ୍ଣିବାତ୍ୟା ପ୍ରସ୍ତୁତି ବୈଠକରେ ପରିସ୍ଥିତି ସମୀକ୍ଷା କରିଥିଲେ। ରାଜ୍ୟରେ କୋଭିଡ ପ୍ରକୋପରେ ବାତ୍ୟା ଆଶଙ୍କାକୁ ଦୃଷ୍ଟିରେ ରଖି ସୋମବାର ଓ ମଙ୍ଗଳବାର ଟିକାକରଣ ବନ୍ଦ କରାଯାଇଛି। ବାତ୍ୟା ଯୋଗୁ ସୃଷ୍ଟି ହେବାକୁ ଥିବା ବିପର୍ଯ୍ୟୟରେ ସ୍ୱାସ୍ଥ୍ୟକର୍ମୀମାନଙ୍କୁ ସଜାଗ ରହିବା ଲାଗି ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ତେବେ ରାଜ୍ୟରେ ସାମୁଦ୍ରିକ ଝଡ ବତାସରେ ଯେପରି କେହି ମୃତାହତ ନ ହୁଅନ୍ତି ତାହା ସରକାରଙ୍କର ପ୍ରାଥମିକତା ବୋଲି ମୁଖ୍ୟମନ୍ତ୍ରୀ ସାମ୍ବାଦିକମାନଙ୍କୁ କହିଛନ୍ତି।
{"id":453365,"sizeSlug":"large","linkDestination":"none"}
ଏହି ଘୂର୍ଣ୍ଣିବାତ୍ୟା ଯୋଗୁ ରାଜ୍ୟରେ ପ୍ରବଳ ବର୍ଷା ଆଶଙ୍କା କରାଯାଉଛି। ଏଣୁ କୌଣସି ପରିସ୍ଥିତି ଲାଗି ଏନଡିଆରଏଫର ୪୪ଟି ଟିମ୍ ସମେତ ଏସଡିଆରଏଫର ୧୦ଟି ଟିମ୍, ଅଗ୍ନିଶମନ ବଳ, ପୋଲିସ ଓ କୋଷ୍ଟ ଗାର୍ଡ ମଧ୍ୟ ମୁତୟନ ହୋଇଛନ୍ତି। ସାମୁଦ୍ରିକ ବାତ୍ୟା ତୌତେ ଆଗାମୀ ୨୪ ଘଣ୍ଟାରେ ଆହୁରି ଅଧିକ ଶକ୍ତିଶାଳୀ ହୋଇ ସୋମବାର ସନ୍ଧ୍ୟା ସୁଧା ଗୁଜରାଟ ଉପକୂଳରେ ପହଞ୍ଚିବ ବୋଲି ଆଇଏମଡି ଆକଳନ କରିଛନ୍ତି।
