Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ପାକିସ୍ତାନ ଜେଲରେ ଭାରତୀୟ ମାଛ ଧରାଳିଙ୍କ ମୃତ୍ୟୁ ; ଦୁଇ ମାସ ପରେ ମିଳିଲା ଶବ

2/12/2018 at 12:53 PM

ଉନା ୨/୧୨ : ପାକିସ୍ତାନ ଜେଲରେ ଜଣେ ଭାରତୀୟ ମାଛ ଧରାଳିଙ୍କ ମୃତ୍ୟୁ ହୋଇଥିବା ଘଟଣା ସାମ୍ନାକୁ ଆସିଛି | ମୃତ୍ୟୁର ଦୁଇ ମାସ ପରେ ମାଛ ଧରାଳିଙ୍କ ମୃତଦେହ ତାଙ୍କ ଘର, ଗୁଜରାଟର ଉନାରେ ପହଞ୍ଚିଥିଲା | ଗତ ସେପ୍ଟେମ୍ବର ମାସରେ ପାକିସ୍ତାନର କରାଚୀ ଜେଲରେ ଗୁଜରାଟର ମାଛ ଧରାଳି, ନାନୁଭାଇ କାନାଭାଇ ସୋଲଙ୍କିଙ୍କ ମୃତ୍ୟୁ ହୋଇଯାଇଥିଲା | ଗତ ବର୍ଷ ନଭେମ୍ବର ମାସରେ ପାକିସ୍ତାନର ସମୁଦ୍ର ସୁରକ୍ଷା ସେନା ତାଙ୍କୁ ଗିରଫ କରିଥିଲା | ସେ ଭୁଲ ବଶତଃ ପାକିସ୍ତାନ ସମୁଦ୍ର ସୀମାରେ ପ୍ରବେଶ କରିଦେଇଥିଲେ | ପାକିସ୍ତାନର ସାମୁଦ୍ରିକ ସୀମାରେ ପ୍ରବେଶ କରିଥିବା ଅଭିଯୋଗରେ ତାଙ୍କୁ ପାକିସ୍ତାନ ସେନା ଗିରଫ କରିଥିଲା |

ବର୍ଷେ ହେଲା ତାଙ୍କ ରିହାଇ କୁ ନେଇ ଭାରତ ପାକିସ୍ତାନ ମଧ୍ୟରେ ଟଣାଓଟରା ଚାଲିଥିଲା | ତେବେ ନାନୁଭାଇ ନିଜେ ଭାରତ ନଫେରି ତାଙ୍କ ମୃତଦେହ ଫେରିବା ଏନେଇ କେହି କଳ୍ପନା ମଧ୍ୟ କରିନଥିଲେ |

କରାଚୀ ଜେଲରେ ନାନୁଭାଇଙ୍କ ମୃତ୍ୟୁକୁ ନେଇ ପ୍ରଶ୍ନ ଉଠାଇଛନ୍ତି ସରକାର | ତାଙ୍କ ମୃତ୍ୟୁ କେଉଁ କାରଣରୁ ହୋଇଛି ନା ତାଙ୍କୁ ଜାଣିଶୁଣି ମାରିଦିଆ ଯାଇଛି ସେଇଟା ଏବେ ପ୍ରଶ୍ନ ଘେରରେ |

ନାନୁଭାଇଙ୍କ ମୃତ୍ୟୁରେ ପୁରା ଗାଁରେ ଶୋକର ଛାୟା ଖେଳିଯାଇଛି | ଗାଁର ସରପଂଚ କହିଛନ୍ତି ଯେ, ପାକିସ୍ତାନକୁ ଆମ ମାଛ ଧରାଳିଙ୍କ ସହ ଏଭଳି ବ୍ୟବହାର କରିବା ଅନୁଚିତ | ତେବେ ଭବିଷ୍ୟତରେ ପାକିସ୍ତାନ ଭାରତୀୟ ମାଛ ଧରାଳିଙ୍କ ଭାବନାକୁ ବୁଝିବା ବୋଲି ସେମାନେ ଆଶା କରିଛନ୍ତି |
୪୫ ବର୍ଷ ବୟସ୍କ ନାନୁଭାଇଙ୍କ ମୃତ୍ୟୁ ସେପ୍ଟେମ୍ବର ୨୦ ତାରିଖରେ କରାଚୀ ଜେଲରେ ହୋଇଥିଲା | ତାଙ୍କ ମୃତଦେହକୁ ଦୁଇ ମାସ ପର୍ଯ୍ୟନ୍ତ ଇଦହି ଫାଉଣ୍ଡେସନର ଶବ ଘରେ ରଖାଯାଇଥିଲା | ଦୁଇ ମାସ ପରେ ତାଙ୍କ ଶବକୁ ଘରଲୋକଙ୍କ ପାଖକୁ ପଠାଇ ଦିଆଯିଛି |

ସୂଚନାଯୋଗ୍ୟ ଯେ, ଏହି ବର୍ଷ ଅଗଷ୍ଟ ୧୩ ତାରିଖ ଦିନ ଭାରତରେ ବନ୍ଦୀ ଥିବା ୭ଜଣ ପାକିସ୍ତାନୀ କଏଦୀଙ୍କୁ ଛାଡି ଦିଆଯାଇଥିଲା | ପାକିସ୍ତାନ ମଧ୍ୟ ୨୯ ଜଣ ଭାରତୀୟ କଏଦୀଙ୍କୁ ଛାଡି ଦେଇଥିଲା | ସୂଚନା ମୁତାବକ, ଏବେ ମଧ୍ୟ ଭାରତର ୪୬୦ ଜଣ ଭାରତୀୟ ମାଛ ଧରାଳି ପାକିସ୍ତାନ ଜେଲରେ କଏଦ ଅଛନ୍ତି | ଏପଟେ ଭାରତ ଜେଲରେ ୯୦ ଜଣ ପାକିସ୍ତାନୀ ମାଛ ଧରାଳି କଏଦ ହୋଇ ରହିଛନ୍ତି |

   Related Posts