Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ବୁଧବାର ମୁଖ୍ଯ ଅଭିଯୁକ୍ତ ବିବନର ହେବ ଟିଆଇ ପରେଡ
  • ||
  • ଭୁବନେଶ୍ବର : ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ମୁଖ୍ଯ ଅଭିଯୁକ୍ତ ବିବନକୁ ୨ ଦିନିଆ ରିମାଣ୍ଡରେ ନେବ ସିବିଆଇ
  • ||
  • ଆଠଗଡ : ଟାୟାର ଫାଟି ଓଲଟିଲା ଟ୍ରକ୍, ଡ୍ରାଇଭର ଆହତ
  • ||
  • ବାଲେଶ୍ବର : ସୋସିଆଲ୍ ମିଡିଆରେ ସ୍ତ୍ରୀର ଉଲଗ୍ନ ଫଟୋ : ସ୍ବାମୀକୁ ଗିରଫ କରି ଦଫା ଲଗାଇଛି ପୋଲିସ, ଅଭିଯୁକ୍ତ କହୁଛି- ମୁଁ ଅପଲୋଡ୍ କରିନି
  • ||
  • ନୂଆପଡା : ୫ ଡକାୟତ ଗିରଫ, ଲୁଟ୍ ହୋଇଥିବା ଟଙ୍କା ସହ ଅଳଙ୍କାର ଜବତ
  • ||
  • ଭୁବନେଶ୍ବର : ୧୦ ବରିଷ୍ଠ ଅଧିକାରୀଙ୍କୁ ୧୦ ଜିଲ୍ଲା ଦାୟିତ୍ବ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୭ ଛୁଇଁଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୭୪ କୋଭିଡ୍ ପଜିଟିଭ୍, ୩୩୭୩୫୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ବର : ଭିସୁଟ୍‌ ଛାତ୍ରଛାତ୍ରୀ କରୋନା ପଜିଟିଭ୍ ରିପୋର୍ଟ ଥିଲା ଭୁଲ୍, ଆଣ୍ଟିଜେନ୍ କିଟ୍ ଖରାପରୁ ୨୫ଜଣଙ୍କର ରିପୋର୍ଟ ଆସିଥିଲା ପଜିଟିଭ୍
  • ||
  • କୋରାପୁଟ : ଜବତ ହେଲା ୭ କୋଟି ୯୦ ଲକ୍ଷ ଟଙ୍କାର ଜାଲ ନୋଟ୍, ୩ ଅଟକ
  • ||

ଅହମଦାବାଦର ନୂଆ ନାଁ ହେବ କର୍ଣ୍ଣାବତୀ ! ଫୈଜାବାଦର ନୂଆ ନାଁ ଅଯୋଧ୍ୟା ହେବା ପରେ ଗୁଜରାଟ ସରକାର ବି ଉତ୍ସାହିତ

7/11/2018 at 5:03 PM

ଅହମଦାବାଦ ୭|୧୧:  ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଦ୍ବାରା ଫୈଜାବାଦର ନାମ ପରିବର୍ତ୍ତନ କରି ଅଯୋଧ୍ୟା ରଖାଯିବା ଘୋଷଣା କରିବାର କିଛି ଘଣ୍ଟା ପରେ ଗୁଜୁରାଟ ସରକାର କହିଛନ୍ତି ସେମାନେ ମଧ୍ୟ ଅହମଦାବାଦ ର ନାମ ପରିବର୍ତ୍ତନ କରିବାକୁ ଆଗ୍ରହୀ । ଯଦି କୌଣସି ଆଇନଗତ ବାଧା ନଉପୁଜେ ତେବେ ସହରର ନାମ ପରିବର୍ତ୍ତନ କରି କର୍ଣ୍ଣାବତୀ ରଖାଯିବ ।

ଗଣମାଧ୍ୟମକୁ ଉପ ମୁଖ୍ୟମନ୍ତ୍ରୀ ନିତିନ ପଟେଲ କହିଛନ୍ତି ଯେ, ଭାରତୀୟ ଜନତା ପାର୍ଟି ଅହମଦାବାଦ ର ନାମ ପରିବର୍ତ୍ତନ କରିବାକୁ ଚାହୁଁଛନ୍ତି । ଯଦି କୌଣସି ଆଇନଗତ ବାଧା ନଉପୁଜେ ଏବଂ ସମର୍ଥନ ମିଳେ ତେବେ ଯାଇ ଏହାର ନାମ ପରିବର୍ତ୍ତନ କରାଯିବ । ସେ କହିଛନ୍ତି କି ଲୋକମାନେ ମଧ୍ୟ ଚାହୁଁଛନ୍ତି ଯେ ଅହମଦାବାଦର ନାମ ପରିବର୍ତ୍ତନ କରି କର୍ଣ୍ଣାବତୀ ରଖାଯିବା ଉଚିତ୍ । ଯଦି ସମର୍ଥନ ମିଳିବ ତେବେ ସହରର ନାମ ପରିବର୍ତ୍ତନ କରିବାକୁ ସରକାର ପ୍ରସ୍ତୁତ ଅଛନ୍ତି ବୋଲି ସେ କହିଛନ୍ତି ।

ରାଜ୍ୟର କଂଗ୍ରେସ ମୁଖପାତ୍ର ମନୀଷ ଦୋଷୀ ଭାଜପା ସରକାରକୁ ସମାଲୋଚନା କରି କହିଛନ୍ତି ଯେ, ଅହମଦାବାଦର ନାମ ପରିବର୍ତ୍ତନର ପ୍ରତିଶ୍ରୃତି ଶାସକ ଦଳର ଆଉ ଏକ ନାଟକ । ସେ ମଧ୍ୟ କହିଛନ୍ତି ଯେ, ଭାଜପା ପାଇଁ ଅଯୋଧ୍ୟାରେ ରାମ ମନ୍ଦିର ନିର୍ମାଣ କରିବା ପ୍ରସଙ୍ଗ ଏବଂ ଅହମଦାବାଦର ନାମ ପରିବର୍ତ୍ତନ କରି କର୍ଣ୍ଣାବତୀ କରିବା ଆଦି ହିନ୍ଦୁମାନଙ୍କର ଭୋଟ୍ ପାଇବା ପାଇଁ ଫନ୍ଦି ଫିକର ।

ଇତିହାସ ଅନୁସାରେ ଅହମଦାବାଦର ଆଖପାଖ ଅଞ୍ଚଳରେ ଜନବସତି ଦ୍ବାଦଶ ଶତାବ୍ଦୀରୁ ସ୍ଥାପନ ହୋଇଛି । ଏହି ଅଞ୍ଚଳ ପୂର୍ବରୁ ଅଶ୍ବଲ ନାମରେ ପରିଚିତ ଥିଲା । ଭିଲର ରାଜା ଅଶ୍ବଲଙ୍କ ବିରୋଧରେ ଅନହିଲଓ୍ବାଡାର ଚାଲୁକ୍ୟ ଶାସକ କର୍ଣ୍ଣ ଯୁଦ୍ଧ କରି ବିଜୟ ହୋଇଥିଲେ । କର୍ଣ୍ଣ ଅଶ୍ବଲର ନାମ ପରିବର୍ତ୍ତନ କରି କର୍ଣ୍ଣାବତୀ ରଖିଦେଲେ । ଏହାପରେ ସୁଲତାନ ଅହମ୍ମଦ ଶାହ ୧୪୧୧ ରେ କର୍ଣ୍ଣାବତୀ ନିକଟରେ ନୂଆ ସହର ସ୍ଥାପନ କଲେ । ଯାହାର ନାମ ଅହମଦାବାଦ ରଖାଯାଇଥିଲା ।

ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୀପାବଳି ଅବସରରେ ଫୈଜାବାଦ ଜିଲ୍ଲାର ନାମ ପରିବର୍ତ୍ତନ କରି ଆଯୋଧ୍ୟା କରିବାକୁ ଘୋଷଣା କରିଥିଲେ । ସେ କହିଥିଲେ ଯେ, ଆଯୋଧ୍ୟା ଆମର ସମ୍ମାନର ପ୍ରତୀକ । ଭାଜପା ସରକାର ଏହା ପୂର୍ବରୁ ଆଲହାବାଦର ନାମ ପରିବର୍ତ୍ତନ କରି ପ୍ରୟାଗରାଜ କରିଛନ୍ତି ।

   Related Posts