Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

୨୭ ଲକ୍ଷ ଚାଷୀଙ୍କ ପାଇଁ ଗୁଜୁରାଟ ସରକାର ଘୋଷଣା କଲେ ୩୭ ଶହ କୋଟି ଟଙ୍କା ପ୍ୟାକେଜ

22/09/2020 at 3:33 PM

ଗାନ୍ଧିନଗର ୨୨/୦୯: ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୂପାଣୀ ଚାଷୀଙ୍କ ପାଇଁ ୩୭ ଶହ କୋଟି ଟଙ୍କା ପ୍ୟାକେଜ ଘୋଷଣା କରିଛନ୍ତି। ଚଳିତବର୍ଷ ଲଗାଣ ବର୍ଷା ଯୋଗୁ ଫସଲ ନଷ୍ଟ ହୋଇଥିବାରୁ ଆର୍ଥିକ ସହାୟତା ରୂପରେ ଏହି ପ୍ୟାକେଜ ଚାଷୀଙ୍କୁ ଦିଆଯିବ। ପ୍ରାୟ ୨୭ ଲକ୍ଷ ଚାଷୀଙ୍କୁ ଏହି ପ୍ୟାକେଜର ଲାଭ ମିଳିବ।

ଗତକାଲିଠୁ ଆରମ୍ଭ ହୋଇଥିବା ବିଧାନସଭା ଅଧିବେଶନର ପ୍ରଥମ ଦିନରେ ରୂପାଣୀ ଚାଷୀଙ୍କୁ ଏହି ପ୍ୟାକେଜ ଘୋଷଣା କରି ବଡ଼ ଆଶ୍ବସ୍ତି ଦେଇ ଥିଲେ। ଏହି ପ୍ୟାକେଜରେ କଛ, ଦେବଭୂମି ଦ୍ବାରକା, ଭରୁଚ, ପାଟଣା, ଅହମଦାବାଦ, ପୋରବନ୍ଦର, ରାଜକୋଟ, ଗିର ସୋମନାଥ, ମହେଶାଣା, ବୋଟାଦ, ସୁରେନ୍ଦ୍ରନଗର, ଭାବନଗର, ସୁରଟ, ନବସାରୀ, ନର୍ମଦା ଓ ଆଣାନନ୍ଦ ଚାଷୀଙ୍କୁ ଲାଭ ମିଳିବ। ଯେଉଁଥିରେ ୩୩ ପ୍ରତିଶତ ଅଥବା ଏହାଠାରୁ ଅଧିକ ଫସଲ କ୍ଷତି ସହି ଥିବା ଚାଷୀଙ୍କୁ ଦୁଇ ହେକ୍ଟେର ସୀମାରେ ପ୍ରତି ହେକ୍ଟେରକୁ ୧୦ ହଜାର ଟଙ୍କା ସହାୟତା ମିଳିବ। ପ୍ୟାକେଜ ଅନୁସାରେ ନ୍ୟୁନତମ ସହାୟତା ରାଶି ପାଞ୍ଚ ହଜାର ଟଙ୍କା ହେବ।

ଗୁଜୁରାଟରେ ସମୁଦାୟ ୩୩ ଜିଲ୍ଲାରେ ଅତ୍ୟଧିକ ବର୍ଷା ଯୋଗୁ ୨୦ ଜିଲ୍ଲାର ଚାଷୀଙ୍କୁ ବହୁ କ୍ଷତି ସହିବାକୁ ପଡ଼ିଛି। ପ୍ରଭାବିତ ଚାଷୀ ଅକ୍ଟୋବର ୧ରୁ ଏ ପାଇଁ ଅନଲାଇନ୍ ଆବେଦନ କରିପାରିବେ। ଅଗଷ୍ଟ ମାସରେ ଭାରି ବର୍ଷା ଯୋଗୁ ବାଦାମ, ତେଲ, ବାଜରା, ପନିପରିବା ଆଦି ଚାଷ ନଷ୍ଟ ହୋଇଛି। ରାଜ୍ୟ ସରକାରଙ୍କ ଏ ନିଷ୍ପତିରେ ୨୭ ଲକ୍ଷ ଚାଷୀଙ୍କୁ ଫାଇଦା ମିଳିବ।

   Related Posts