Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ଜଳେଶ୍ବରରେ ଏକାସାଙ୍ଗରେ ଦୁଇ ଭଉଣୀଙ୍କୁ ଗେଷ୍ଟହାଉସ ଭିତରେ ଗଣଦୁଷ୍କର୍ମ କରି ଭିଡିଓ ସୁଟିଂ କଲେ ଦୁଷ୍କର୍ମକାରୀ

10/07/2019 at 1:36 PM

ଜଳେଶ୍ବର ୧୦|୭:  ଦୁଇ ଭଉଣୀଙ୍କୁ ଗେଷ୍ଟହାଉସ ଭିତରେ ଗଣଦୁଷ୍କର୍ମ ଅଭିଯୋଗ ହୋଇଛି । ଗଣଦୁଷ୍କର୍ମ କରି ଦୁଇ ଭଉଣୀଙ୍କ ଭିଡିଓ ସୁଟିଂ କରିଛନ୍ତି ତିନି ଦୁଷ୍କର୍ମକାରୀ । କେବଳ ସେତିକି ନୁହେଁ, ର୍ନିବସ୍ତ୍ର କରି ଦୁଇ ପୀଡିତାଙ୍କୁ ଦୁଷ୍କର୍ମକାରୀ ନିସ୍ତୁକ ପିଟିଥିବା ମଧ୍ୟ ଅଭିଯୋଗ ହୋଇଛି ।

ସୂଚନାଯୋଗ୍ୟ ଯେ, ଗତକାଲି ପଶ୍ଚିମବଙ୍ଗରୁ ଦୁଇ ଭଉଣୀ ଦିଘା ବୁଲିବାକୁ ଆସି ଦିଘା ବସଷ୍ଟାଣ୍ଡରେ ସଂଧ୍ୟାବେଳେ ଓହ୍ଲାଇଥିଲେ । ରାତିରେ ହୋଟେଲରେ ରହି ସକାଳୁ ଦିଘା ବୁଲି ଘରକୁ ଫେରିଯିବାକୁ ଯୋଜନା କରିଥିଲେ ଦୁଇ ଭଉଣୀ । ସେହି ସମୟରେ ସେମାନଙ୍କ ପାଖରେ ବାଲେଶ୍ବର ଭୋଗରାଇ ସୁଭଦ୍ରା ଗେଷ୍ଟ ହାଉସର ଦୁଇ କର୍ମଚାରୀ ପହଞ୍ଚି ଭଲ ହୋଟେଲରେ ସେମାନଙ୍କୁ ରଖିଦେବେ ବୋଲି କହିଥିଲେ । ଏହି ଦୁଇ ଦଲାଲଙ୍କ ଚକ୍ରାନ୍ତରେ ଫସି ଯାଇଥିଲେ ଦୁଇ ଭଉଣୀ । ସେମାନଙ୍କୁ ଏକ କାର୍ ଯୋଗେ ନେଇଯିବା ବେଳେ ଦିଘା ବାହାରକୁ କାର୍ ଆସୁଥିବା ଦେଖି ଦୁଇ ଭଉଣୀ ସେମାନଙ୍କୁ ପ୍ରଶ୍ନ କରିଥିଲେ । ତେବେ ବାଟରେ ପୋଲିସ ଥିବାରୁ ବିପଦ ହୋଇପାରେ ବୋଲି ଦୁଇ ଦଲାଲ ଦୁଇ ଉଭଣୀଙ୍କୁ ଭୟ ଦେଖାଇ ଦେଇଥିଲେ ।

ଏହାପରେ ବାଲେଶ୍ବର ଭୋଗରାଇ ବ୍ଲକର ସାହାବାଜିପୁରରେ ଥିବା ସୁଭଦ୍ରା ଗେଷ୍ଟ ହାଉସକୁ ଦୁଇ ଭଉଣୀଙ୍କୁ ନେଇ ଯାଇଥିଲେ ଦୁଇ ଦଲାଲ । ସେଠାରେ ଦୁଇଟି ରୁମ୍ ବୁକ୍ କରିଥିଲେ । ଗୋଟିକରେ ଲଗେଜ୍ ରଖି ଦୁଇ ଭଉଣୀ ଅନ୍ୟ ରୁମ୍ ରେ ରହିଥିଲେ । ଏହାପରେ ସୁଭଦ୍ରା ଗେଷ୍ଟ ହାଉସ ମ୍ୟାନେଜର ସହ ମିଶି ଦୁଇ କର୍ମଚାରୀ ଦୁଷ୍କର୍ମ କରିବା ସହ ମାଡ ମାରିଥିଲେ, ଏବଂ ଭିଡିଓ ସୁଟିଂ ମଧ୍ୟ କରିଥିଲେ ।

ସେହି ସମୟରେ ସାନ ଭଉଣୀ ଗେଷ୍ଟ ହାଉସରୁ କୌଶଳକ୍ରମେ ଦୌଡି ପଳାଇଥିଲେ । ବଡ ଭଉଣୀ ଅନ୍ୟ ରୁମ୍ ରେ ଲୁଚି ଯାଇଥିଲେ । ପରେ ରାତିରେ ଗେଷ୍ଟ ହାଉସ ପାଚେରୀ ଡେଇଁ ପାଖରେ ଥିବା ଜଣଙ୍କ କଦଳୀ ବାଡିରେ ଲୁଚି ଯାଇଥିଲେ । ସକାଳୁ ତାଙ୍କୁ ଉଲଗ୍ନ ଅବସ୍ଥାରେ କଦଳୀବାଡି ମାଲିକ ଉଦ୍ଧାର କରି ନିଜ ଘରକୁ ନେଇଥିଲେ । ପରେ ସାନ ଭଉଣୀ ଫେରି ବଡ ଭଉଣୀର ଅବସ୍ଥା ଜାଣିଥିଲା । ଘଟଣା ସଂପର୍କରେ ଖବର ପାଇ ତାଳସାରୀ ମେରାଇନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି । ଘଟଣା ପରେ ଗେଷ୍ଟ ହାଉସ ମାଲିକ ଏବଂ କର୍ମଚାରୀ ଫେରାର ହୋଇଯାଇଛନ୍ତି ।

   Related Posts