Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାଓବାଦୀ ନେଉଛନ୍ତି ଗରିଲା ଯୁଦ୍ଧର ଟ୍ରେନିଂ

14/08/2018 at 9:01 AM

ମାଲକାନଗିରି ୧୪/୮ : ମାଓବାଦୀ ନେଉଛନ୍ତି ଗରିଲା ଯୁଦ୍ଧର ଟ୍ରେନିଂ । ହାତରେ ଅତ୍ୟାଧୁନିକ ବନ୍ଧୁକ ଧରି ଲାଲ ଗଡରେ ନକ୍ସଲପନ୍ଥୀ ଟ୍ରେନିଂ ନେଉଛନ୍ତି । ସୁରକ୍ଷାକର୍ମୀଙ୍କ ସହ ଲଢେଇ କରିବା ପାଇଁ ମାଓବାଦୀଙ୍କୁ ଦିଆଯାଉଛି ଗରିଲା ଯୁଦ୍ଧର ଟ୍ରେନିଂ । ମାଲକାନଗିରି-ଛତିଶଗଡ ସୀମାନ୍ତ ସୁକୁମା ଜିଲ୍ଲାର ଗୋଲାପାଲ୍ଲି ଏନକାଉଣ୍ଟରରେ ୧୫ ଜଣ ନକ୍ସଲ ନିହତ ହେବା ପରେ ମାଓବାଦୀ ମାନେ ଏହି ଭିଡିଓ ଭାଇରାଲ କରିଛନ୍ତି । ଭିଡିଓ ଭାଇରାଲ କରି ପୋଲିସବାହିନୀକୁ ନିଜର ତାକତ୍ ଦେଖାଇବାକୁ ଚାହୁଛି ଲାଲବାହିନୀ । ସୁରକ୍ଷାକର୍ମୀଙ୍କ ପରି ସେମାନଙ୍କ ପାଖରେ ମଧ୍ୟ ଏକେ-୪୭, ଏସଏଲଆର, ଇନସାସ୍ ଓ ଅଟୋମେଟିକ ରାଇଫଲ ରହିଥିବା ଏହି ଭିଡିଓରୁ ଜଣାପଡିଛି । ଛତିଶଗଡର ଘଞ୍ଚ ଜଙ୍ଗଲ ଭିତରେ ଜଣେ ନକ୍ସଲ କମାଣ୍ଡର ନିଜ ସାଥି ମାନଙ୍କୁ ଗରିଲା ଯୁଦ୍ଧର ତାଲିମ ଦେଉଥିବା ଏହି ଭିଡିଓରେ ଦେଖାଯାଉଛି । ମାଲକାନଗିରି ଓ ସୁକୁମା ଏସ.ପି. ଏହି ଭିଡିଓକୁ ଦେଖିବା ପରେ ସମସ୍ତ ପୋଲିସ କ୍ୟାମ୍ପରେ ଜବାନମାନଙ୍କୁ ସତର୍କ ରହିବା ପାଇଁ ନିର୍ଦ୍ଦେଶ ଦେଇଛନ୍ତି । ଏହା ସହ ସ୍ବାଧିନତା ଦିବସ ଲାଗି ଜିଲ୍ଲାରେ ରେଡ୍ ଆଲର୍ଟ ଘୋଷଣା କରାଯିବା ସହ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି।

   Related Posts