Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||

ରାଜ୍ୟରେ ୬ ମାସରେ ୨୭୬କୋଟି ଟଙ୍କାର ଜିଏସଟି ସ୍କାମ- ଦିନ ମଜୁରିଆ, ରିକ୍ସାବାଲା, ଗୃହିଣୀଙ୍କ ନାଁରେ ଫେକ୍‌ ଆକାଉଣ୍ଟ

24/01/2020 at 7:10 PM

କଟକ ୨୪।୦୧ – ଗଲା ୬ମାସ ଭିତରେ ରାଜ୍ୟରେ ଧରାପଡ଼ିଲାଣି ପାଖାପାଖି ୨୭୬କୋଟି ଟଙ୍କାର ଜିଏସଟି ଠକେଇ । ବିଭିନ୍ନ ଜାଲ୍‌ କମ୍ପାନୀ ନାଁରେ, ଫେକ୍‌ ଇନ୍‌ଭଏସ୍‌ରେ ଫେକ୍‌ ବ୍ୟାଙ୍କ୍‌ ଆକାଉଣ୍ଟ ନମ୍ବରରେ କୋଟି କୋଟି ଟଙ୍କାର ଜିଏସଟି ଠକେଇ କରୁଥିବା ୭ ଠକ ବ୍ୟବସାୟୀଙ୍କୁ ଧରିଲାଣି ବାଣିଜ୍ୟକର ବିଭାଗ । ହେଲେ ପ୍ରଶ୍ନ ଉଠୁଛି ଏଭଳି ଠକେଇ ଉପରେ କେମିତି ଲାଗିପାରିବ ରୋକ୍‌ ।  

ଫେକ୍‌ କମ୍ପାନୀ, ଫେକ୍‌ ଇନ୍‌ଭଏସ୍‌, ଫେକ୍‌ ବ୍ୟାଙ୍କ ଆକାଉଣ୍ଟ୍‌ । GST ଠକିବାର ନୂଆ ଫଣ୍ଡା ଆପଣାଇଛନ୍ତି କିଛି ଅସାଧୁ ବ୍ୟବସାୟୀ । ଗଲା ୬ମାସ ଭିତରେ ରାଜ୍ୟରେ ଧରାପଡ଼ିଲାଣି ପାଖାପାଖି ୨୭୬କୋଟି ଟଙ୍କାର GST ଠକେଇ ।  ଏଭଳି କାରନାମା କରିଥିବା ୭ କାର୍ପଟଦାରଙ୍କୁ ଧରିଲାଣି ବାଣିଜ୍ୟକର ବିଭାଗ । ଏମାନେ ମାଲ୍‌ ବିକ୍ରି ଖରିଦ୍‌ର ମିଛ କାରବାର କରି କୋଟି କୋଟି ଟଙ୍କା ଟ୍ୟାକ୍ସ ଫାଙ୍କୁଥିଲେ । ହେଲେ ଏମାନଙ୍କ କାରସାଦିକୁ ଧରିଥିଲା ବାଣିଜ୍ୟକର ବିଭାଗ ।

୯ ଅଗଷ୍ଟ, ୨୦୧୯ ।୧୨କୋଟି ୬୪ଲକ୍ଷ ଟଙ୍କାର GST ଫାଙ୍କି ଗିରଫ ହୋଇଥିଲେ ଟିଟିଲାଗଡ଼ର ଇଣ୍ଟରନ୍ୟାସନାଲ ମାଇନ୍‌ସ ଓ ମିନରାଲସ୍‌ ମାଲିକ ତୀର୍ଥଙ୍କର ପଟେଲ । ୨୫ ଅକ୍ଟୋବର, ୨୦୧୯ । ଯାଜପୁର ବିରଜା ଷ୍ଟିଲ୍‌ ରାମଚନ୍ଦ୍ର ମଲିକ, ରାଉରକେଲାର ଦୀନଦୟାଲ ଅଗ୍ରଓ୍ବାଲ୍‌, ଆଦିତ୍ୟ କୁମାର ନାୟକ ଓ ଅତୁଲ ବନସଲଙ୍କୁ ଗରିଫ କରିଥିଲା ବାଣିଜ୍ୟକର ବିଭାଗ । ଦିନ ମଜୁରୀଆ, ରିକ୍ସାବାଲା, ଗୃହିଣୀଙ୍କ ନାଁ ଫେକ୍‌ ଆକାଉଣ୍ଟ ଖୋଲି ୨୦ଟି ଜାଲ୍‌ କମ୍ପାନୀ ମାଧ୍ୟମରେ ୧୩୮କୋଟି ଟଙ୍କାର GST ଫାଙ୍କିଥିଲେ । ୨୩ ଜାନୁଆରି, ୨୦୨୦ ।  ୧୨୩କୋଟି ଟଙ୍କାର GST ଠକେଇ ଅଭିଯୋଗରେ ୨ଜଣ ବ୍ୟବସାୟୀ ସୁବାଷ ସ୍ବାଇଁ, ଅମିତ୍‌ ଗେରେଭଆଲ୍‌ଙ୍କୁ ବାନ୍ଧିଛି ବାଣିଜ୍ୟକର ବିଭାଗ । ତେବେ ଟିକସ ଫାଙ୍କିର ଏହି ଫଣ୍ଡା କେମିତି ସମ୍ଭବ ହୋଇପାରୁଛି, ଏ ସମ୍ପର୍କରେ କ’ଣ କହୁଛନ୍ତି ଟ୍ୟାକ୍ସ କନ୍‌ସଲଟାଣ୍ଟ୍‌ ଆସନ୍ତୁ ଦେଖିବା ।

ଟିକସ ବ୍ୟବସ୍ଥାକୁ ସରଳିକରଣ କରିବାକୁ ସାରା ଦେଶରେ ଲାଗୁହେଲା ଜିଏସଟି । କିନ୍ତୁ ଏହି ବ୍ୟବସ୍ଥା ଭିତରେ ରହିଯାଇଥିବା କିଛି ଗଳାବାଟର ସାହାରା ନେଇ ଟ୍ୟାକ୍ସ ଠକିବାକୁ ଏଭଳି ଅଭିନବ ଫଣ୍ଡା ଆପଣାଇଛନ୍ତି କିଛି ଅସାଧୁ ବ୍ୟବସାୟୀ । ଯାହା ଉପରେ ରୋକ୍‌ ଲାଗିବାର ଆବଶ୍ୟକତା ରହିଛି ।

   Related Posts