Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||

ଜିଏସଟି ଠକେଇର ପେଣ୍ଠସ୍ଥଳୀ ପାଲଟିଛି ରାଉରକେଲା: ଫଳ ଓ ପନିପରିବା ବିକାଳୀଙ୍କ ବିରୋଧରେ ୧୮କୋଟିରୁ ଅଧିକ ଟଙ୍କାର ଜିଏସଟି ଫାଙ୍କିଥିବା ଅଭିଯୋଗ

15/12/2020 at 6:03 PM

ରାଉରକେଲା ୧୫/୧୨ : ରାଉରକେଲାରୁ ପୁଣି ସାମ୍ନାକୁ ଆସିଲା ବଡ଼ ଧରଣର ଜିଏସଟି ଠକେଇ । ସ୍ଥାନୀୟ କୋୟଲ ନଗରରେ ଫଳ ଓ ପନିପରିବା ଦୋକାନ କରି ଚଳୁଥିବା କାର୍ତ୍ତିକ କମିଲାଙ୍କ ନାଁରେ କେନ୍ଦ୍ରୀୟ ଜିଏସଟି ବିଭାଗରୁ ଆସିଛି ନୋଟିସ । କାର୍ତ୍ତିକ ଲିଙ୍ଗରାଜ ଟ୍ରେଡର୍ସ ନାଁରେ ୩ବର୍ଷରେ ୧୦୯କୋଟି ଟଙ୍କା ବ୍ୟବସାୟ କରିଥିବା ବେଳେ ୧୮କୋଟିରୁ ଅଧିକ ଟଙ୍କାର ଜିଏସଟି ଫାଙ୍କିଥିବା ଅଭିଯୋଗ ହୋଇଛି । କିଛି ଅସାଧୁ ବ୍ୟବସାୟୀ ଦିନ ମଜୁରିଆ, ପରିବା ଦୋକାନୀଙ୍କ ନାଁରେ ବିଜନେସ୍‌ ଦେଖାଇ କୋଟି କୋଟି ଟଙ୍କା ଜିଏସଟି ଫାଙ୍କୁଥିବାର ଏକାଧିକ ନଜିର ରହିଛି ।

ଜିଏସଟି ଠକେଇର ପେଣ୍ଠସ୍ଥଳୀ ପାଲଟିଛି ରାଉରକେଲା । ଦିନ ମଜୁରିଆ, ଚାଷୀ, ପରିବା ଦୋକାନୀଙ୍କ ନାଁରେ ଫେକ୍‌ କମ୍ପାନୀ କରି କୋଟି କୋଟି ଟଙ୍କାର ଜିଏସଟି ଫାଙ୍କୁଛନ୍ତି କିଛି ଅସାଧୁ ବ୍ୟବସାୟୀ । ପୂର୍ବରୁ ରାଉରକେଲାରେ ଏକାଧିକ ଘଟଣା ସାମ୍ନାକୁ ଆସିଥିବା ବେଳେ ଏବେ ପୁଣି ସାମ୍ନାକୁ ଆସିଛି ବଡ଼ ଧରଣର ଜିଏସଟି ଠକେଇ ଅଭିଯୋଗ । ସ୍ଥାନୀୟ କୋୟଲ ନଗରରେ ଫଳ ଓ ପନିପରିବା ଦୋକାନ ଖଣ୍ଡେ କରି ପରିବାର ଭରଣପୋଷଣ କରୁଥିବା କାର୍ତ୍ତିକ କମିଲାଙ୍କ ନାଁରେ ଆସିଛି କେନ୍ଦ୍ରୀୟ ଜିଏସଟି ବିଭାଗର ନୋଟିସ ।

ଯେଉଁଥିରେ କାର୍ତ୍ତିକ କୋଏଲ ନଗର ସି ବ୍ଲକରେ ମହାପାତ୍ର କମ୍ପଲେକ୍ସର ଲିଙ୍ଗରାଜ ଟ୍ରେଡର୍ସ କରିଥିବା ଉଲ୍ଲେଖ ରହିଛି । ଏଥି ସହ ଗଲା ୩ବର୍ଷରେ ସେ ୧୦୯କୋଟି ଟଙ୍କାରେ ଜିଏସଟି ବ୍ୟବସାୟ କରିଥିବା ବେଳେ ୧୮କୋଟିରୁ ଅଧିକ ଟଙ୍କାର ଜିଏସଟି ଫାଙ୍କିଥିବା ଅଭିଯୋଗ ହୋଇଛି । ଏଭଳି ନୋଟିସ ଦେଖି ପରିବା ଦୋକାନୀ କାର୍ତ୍ତିକଙ୍କ ମୁଣ୍ଡ ଗୋଲ୍‌ ।

୨ବର୍ଷ ତଳେ ରାଉରକେଲାରେ ହିଁ ଓଡ଼ିଶାର ପ୍ରଥମ ଜିଏସଟି ଠକେଇ ସାମ୍ନାକୁ ଆସିଥିଲା । ଯେଉଁଥିରେ କିଛି ଅସାଧୁ ବ୍ୟବସାୟୀ ଗିରଫ ହୋଇଥିଲେ । ଏପର୍ଯ୍ୟନ୍ତ ରାଉରକେଲାରେ ଜିଏସଟି ଠକେଇ ମାମଲାରେ ମୋଟ ୧୭ଜଣ ଗିରଫ ହୋଇ ଜେଲରେ ଅଛନ୍ତି । ଏମାନଙ୍କ ମଧ୍ୟରୁ ରାଜ୍ୟ ଜିଏସଟି ବିଭାଗ ୭ଜଣଙ୍କୁ ଗିରଫ କରିଛି । କିଛି ଅସାଧୁ ବ୍ୟବସାୟୀ ଓ ଜିଏସଟି ବିଭାଗର ଅସାଧୁ କର୍ମଚାରୀଙ୍କ ମିଲିଭଗତରେ ଏଭଳି ଜିଏସଟି ଠକେଇ ଚାଲିଥିବା ଅଭିଯୋଗ ହୋଇଛି ।

କୋଟି କୋଟି ଟଙ୍କାର ଜିଏସଟି ଠକେଇ ପଦାକୁ ଆସୁଛି । କିଛି ଠକ ଗିରଫ ମଧ୍ୟ ହେଉଛନ୍ତି । ହେଲେ ଠକେଇରେ ଲାଗିପାରୁନି ଲଗାମ । ଏଥିରେ ଗରିବ ଗୁରୁବା, ଦିନ ମଜୁରିଆ, ପରିବା ବେପାରୀଙ୍କୁ ମୋହରା କରାଯାଉଛି ।

   Related Posts