ଉଦଳା ୧୮।୦୧: ଗହଣା ଦୋକାନରେ ଜିଏସ୍ଟି ଚଢାଉ । ମୟୁରଭଞ୍ଜ ଜିଲ୍ଲା ଉଦଳା ରେ ଥିବା ବିଜୟ ଜୁଏଲାରୀ ଦୋକାନାରେ ଚାଲିଛି ଜିଏସ୍ଟି ଚଢାଉ । ବାରିପଦା ଏବଂ ବାଲେଶ୍ୱର ଟିମ୍ ଏହି ଚଢାଉରେ ସାମିଲ ଥିବା ଜଣାପଡିଛି ।
ଖବର ଅନୁଯାୟୀ, ଜିଏସ୍ଟି ଠକେଇ ଅଭିଯୋଗରେ ଜୁଏଲାରୀ ଦୋକାନରେ ଚଢାଉ ହୋଇଛି । ପ୍ରାୟ ୨ ଘଣ୍ଟା ହେବ ରେଡ୍ ଜାରି ରହିଥିବା ସୂଚନା ମିଳିଛି । ଏହି ଚଢାଉରେ ବାରିପଦା ଓ ବାଲେଶ୍ୱରର ଟିମ୍ ସାମିଲ ଥିବା ଖବର ମିଳିଛି । ତେବେ ଏବେ ଯାଏଁ କେତେ ପରିମାଣର ଜିଏସ୍ଟି ଠକେଇ ହୋଇଛି । ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ । ଚଢାଉରେ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ ହୋଇଥିବାର ତଥ୍ୟ ମିଳିଛି ।
