ବରଗଡ ୮।୧୨: ବରଗଡ ଜିଲ୍ଲା ବରପାଲି ରେଲୱେ ଷ୍ଟେସନ ରୋଡ଼ ଓଭରବ୍ରିଜ ନିକଟରେ ଥିବା ବିକାଶ ଟ୍ରେଡିଂ କମ୍ପାନୀରେ ଜିଏସଟି ଚଢ଼ାଉ । ଜିଏସଟି ଫାଙ୍କିବା ଅଭିଯୋଗରେ ସମ୍ବଲପୁର ଓ ବରଗଡ଼ର ୫ ଜଣିଆ ଜିଏସଟି ଟିମ୍ ପକ୍ଷରୁ ମିଳିତ ଭାବେ ଚଢ଼ାଉ କରାଯାଇ ଥିବାବେଳେ ଚଢ଼ାଉରେ ଡେପୁଟି କମିଶନର ରଜନୀକାନ୍ତ ସେଠ ଓ ସିଟି ଜିଏସଟି ଅଫିସର ଦୀନେଶ ବାଗ ପ୍ରମୁଖ ସାମିଲ ହୋଇଥିଲେ ।
ଏହି ଟିମ୍ କମ୍ପାନୀର ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରିବା ସହ ମାଲିକ ବିକାଶ ଅଗ୍ରୱାଲଙ୍କୁ ଅଧିକ ପଚରା ଉଚରା କରି ଏହାର ଅଧିକ ତଦନ୍ତ ଜାରି ରଖିଛି । ତେବେ କମ୍ପାନୀ ଭିତରେ ଲୁହାଛଡ଼, ସିମେଣ୍ଟ ପରି ବହୁ ଜିନିଷ ଭର୍ତ୍ତି ଥିବାବେଳେ ଏହାର ଆକଳନ ପରେ ସବିଶେଷ ତଥ୍ୟ ମିଳିବ ବୋଲି କହିଛନ୍ତି ଜିଏସଟି ଡେପୁଟି କମିଶନର ରଜନୀକାନ୍ତ ସେଠ ।
