Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘରୁ ଉଠାଇ ନେଇ ନାବାଳିକାଙ୍କୁ ଦୁଷ୍କର୍ମ, ୨ ଗିରଫ
  • ||
  • ଆଖିବୁଜିଲେ ଫ୍ଲାଇଂ ଶିଖ୍ ତଥା କିମ୍ୱଦନ୍ତୀ ଧାବକ ମିଲଖା ସିଂହ
  • ||
  • ବରିଷ୍ଠ ଆଇପିଏସ୍‌ ଅଧିକାରୀ ତଥା ରାଜ୍ୟ ଦୁର୍ନୀତି ନିବାରଣ ବିଭାଗର ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କର ପରଲୋକ
  • ||
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||

ଅକ୍ଟୋବରରେ ରେକର୍ଡ, ମାସ ଶେଷ ସୁଦ୍ଧା ୧ ଲକ୍ଷ କୋଟି ଟଙ୍କା ଟପିଲା ଜିଏସ୍‌ଟି ଆଦାୟ

2/11/2020 at 8:03 AM

ଭୁବନେଶ୍ୱର ୦୨।୧୧: ଅକ୍ଟୋବର ମାସରେ ‘ଗୁଡ୍ ସ୍  ଆଣ୍ଡ୍  ସର୍ଭିସେସ୍ ଟ୍ୟାକ୍ସ ବା ଜିଏସ୍ ଟି ଆଦାୟ ୧ ଲକ୍ଷ କୋଟି ଟଙ୍କା ଟପିଥିବା ସୂଚନା ଦେଇଛି  ଅର୍ଥ ମନ୍ତ୍ରାଳୟ । ଫେବ୍ରୁଆରି ମାସ ପର ଠାରୁ GST ଆଦାୟ ୧ ଲକ୍ଷ କୋଟି ଟଙ୍କା ଟପିବାରେ ଏହା ପ୍ରଥମ ଘଟଣା । ୨୦୨୦ ଅକ୍କ୍ଟୋବର ମାସରେ ସଂଗୃହୀତ ମୋଟ୍ GST ରାଜସ୍ବ ହେଉଛି ୧ ଲକ୍ଷ ୦୫ ହଜାର୧୫୫ କୋଟି ଟଙ୍କା ।  ଏଥିସହିତ ଅକ୍ଟୋବର ମାସ ୩୧ ପର୍ଯ୍ୟନ୍ତ ଫାଇଲ୍  ହୋଇଥିବା ସମୁଦାୟ ‘ଜିଏସ୍ ଟିଆର୍ -୩ବି’ ରିଟର୍ଣ୍ଣ ସଂଖ୍ୟା ହେଉଛି ୮୦ ଲକ୍ଷ ।

ସେହିପରି ଗତ ବର୍ଷ ଅକ୍ଟୋବର ମାସରେ ଆଦାୟ GST ରାଜସ୍ବ ଠାରୁ ଏଥରର ରାଜସ୍ବ ୧୦ ପ୍ରତିଶତରୁ ଅଧିକ । ସେହିପରି ଓଡ଼ିଶାରେ ଅକ୍ଟୋବର ମାସରେ ବି ବଢିଛି GST ସଂଗ୍ରହ । ଗତ ଅକ୍ଟୋବର ମାସ ସଂଗ୍ରହ ତୁଳନାରେ ଏହା ୨୧.୭୯ ପ୍ରତିଶତ ବଢିଛି । ଚଳିତ ବର୍ଷ ସେପ୍ଟେମ୍ବରରେ ମଧ୍ୟ GST ସଂଗ୍ରହ ହାର ୧୮.୩ ପ୍ରତିଶତ ବଢିଥିଲା । ୨୦୧୭ ରେ GST ଲାଗୁ କରାଯିବା ସମୟରେ ସରକାର ଏହି ରାଜସ୍ବର ସାଧାରଣ ମାନକ ୧ ଲକ୍ଷ କୋଟି ଟଙ୍କା ରଖିଥିଲେ । କିନ୍ତୁ କରୋନା ଜନିତ ଲକ୍ ଡାଉନ୍ ଯୋଗୁଁ ଏତେ ପରିମାଣରେ GST ରାଜସ୍ବ ସଂଗ୍ରହ ହୋଇ ପାରୁ ନ ଥିଲା । କରୋନାର ପ୍ରତିକୂଳ ପରିସ୍ଥିତି ସତ୍ତେ୍ୱ ଗତବର୍ଷ ତୁଳନାରେ ଚଳିତ ବର୍ଷ ଅକ୍ଟୋବର ମାସରେ ମୋଟ୍‌ ଜିଏସ୍‌ଟି ସଂଗ୍ରହ କ୍ଷେତ୍ରରେ ଓଡ଼ିଶା ୨୧.୭୯ ପ୍ରତିଶତ ଅଭିବୃଦ୍ଧି ହୋଇଛି । କ୍ରମାଗତ ଦ୍ୱିତୀୟ ମାସ ପାଇଁ ଓଡ଼ିଶାର ମୋଟ୍‌ ଜିଏସ୍‌ଟି ସଂଗ୍ରହ, ଯୁକ୍ତାତ୍ମକ ରହିବା ସହିତ ଆଶାଜନକ ସ୍ଥିତିରେ ପହଞ୍ଚିଛି ।

   Related Posts