Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

କଟକ ବଡ ମେଡିକାଲରେ ଚତୁର୍ଥ ଶ୍ରେଣୀ କର୍ମଚାରୀଙ୍କ ଅଭାବ, ଆନ୍ଦୋଳନ ପାଇଁ ଓଏମଏର ଚେତାବନୀ

7/07/2019 at 7:02 PM

କଟକ ୭|୭:  କଟକ ବଡମେଡିକାଲରେ ଚତୁର୍ଥ ଶ୍ରେଣୀ କର୍ମଚାରୀ ଅଭାବ। ଦିନକୁ ଦିନ ବେଡ୍ ସଂଖ୍ୟା ବଢିଚାଲୁଥିବା ବେଳେ ଏମାନଙ୍କ ସଂଖ୍ୟା କମି ଚାଲିଛି। ସେପଟେ ସରକାର ନୂଆ ନିଯୁକ୍ତିର ନାଁ ଧରୁନାହାନ୍ତି। ଯାହା ଫଳରେ ହସ୍ପିଟାଲରେ ରୋଗୀସେବା ବାଧାପ୍ରାପ୍ତ ହେଉଛି। ତୁରନ୍ତ ଏହି ବର୍ଗର କର୍ମଚାରୀ ନିଯୁକ୍ତ କରାନଗଲେ କାମ ବନ୍ଦ କରାଯିବ ବୋଲି ଓଡିଶା ମେଡିକାଲ କର୍ମଚାରୀ ସଂଘ ପକ୍ଷରୁ ଧମକ ଦିଆଯାଇଛି। ହସ୍ପିଟାଲ କତ୍ତୃପକ୍ଷଙ୍କୁ ଏନେଇ ସଂଘ ୧୫ ଦିନର ଅଲଟିମେଟମ ଦେଇଛି ।

କଟକ ବଡମେଡିକାଲରେ ଚତୁର୍ଥ ଶ୍ରେଣୀ କର୍ମଚାରୀଙ୍କ ଅଭାବ। ହସ୍ପିଟାଲରେ ଆବଶ୍ୟକ ସଂଖ୍ୟକ କର୍ମଚାରୀ ନାହାଁନ୍ତି। ଗତ ତିନିବର୍ଷ ହେଲା ଏହି ପଦବୀ ପୂରଣ କରାଯାଉନାହିଁ । ମେଡିକାଲରେ ବେଡ୍ ସଂଖ୍ୟା ୧୨ ଶହ ଥିବା ବେଳେ ୧୨୭୩ ଜଣ ଚତୁର୍ଥ ଶ୍ରେଣୀ କର୍ମଚାରୀ ଥିଲେ । ଏବେ ବେଡ ସଂଖ୍ୟା ୩୨ଶହକୁ ଟପିଲାଣି। କିନ୍ତୁ ଗ୍ରୁପ୍-ଡି ଆଟେଣ୍ଡାଣ୍ଟ ଓ ସୁଇପରଙ୍କ ସଂଖ୍ୟା ହେଉଛି ମାତ୍ର ୪୫୦। ତିନିବର୍ଷ ତଳେ ଏହି ବର୍ଗର ୧୮୧ଜଣ କର୍ମଚାରୀ ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ ପାଇଥିଲା। ମାତ୍ର ଏଯାଏଁ ସେମାନଙ୍କୁ ନୁତନ ନିଯୁକ୍ତି ଦିଆଯାଇ ନାହିଁ। ୨୯୪ଟି ନୂତନ ପଦବୀ ପାଇଁ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ନିଷ୍ପତ୍ତି ନେଇଥିଲା । ମାତ୍ର ଏନେଇ ପ୍ରକ୍ରିୟା ଆରମ୍ଭ ହୋଇନାହିଁ। ତେଣୁ ଏହି ସମସ୍ୟାକୁ ନେଇ ଓଡିଶା ମେଡିକାଲ କର୍ମଚାରୀ ସଂଘ ହସ୍ପିଟାଲ କତ୍ତୃପକ୍ଷଙ୍କୁ ଚେତାବନୀ ଦେଇଛି । ୧୫ ଦିନ ମଧ୍ୟରେ ଏହିସବୁ ପଦବୀ ପୁରଣ କରାନଗଲେ କାର୍ଯ୍ୟବନ୍ଦ ଆନ୍ଦୋଳନ କରାଯିବ।

ମେଡିକାଲ ଅଧିକ୍ଷକ ମଧ୍ୟ ଏନେଇ ନିଜର ଅସହାୟତା ପ୍ରକାଶ କରିଛନ୍ତି। ନୂତନ ନିଯୁକ୍ତି ପାଇଁ ସେ ବ୍ୟକ୍ତିଗତ ଭାବରେ ଚେଷ୍ଟା କରୁଥିବା କହିଛନ୍ତି। ୨୯୪ ଜଣ ଗ୍ରୁପ୍-ଡି କର୍ମଚାରୀ ନିଯୁକ୍ତି ନେଇ ସମସ୍ତ ପ୍ରକ୍ରୀୟା ଶେଷ ହୋଇଥିବା ସେ କହିଛନ୍ତି। ତେବେ ମେଡିକାଲ କର୍ମଚାରୀ ସଂଘର ଚେତାବନୀ ନେଇ ତାଙ୍କ ପାଖରେ କୌଣସି ସୂଚନା ନଥିବା ସେ କହିଛନ୍ତି।

ପୋଷ୍ଟମୋର୍ଟମ ପିଛା ଡାକ୍ତରମାନଙ୍କୁ ୫୦୦ ଟଙ୍କା ଭତ୍ତା ଦିଆଯାଉଛି। କିନ୍ତୁ ପ୍ରକୃତ ପୋଷ୍ଟମୋର୍ଟମ ଚତୁର୍ଥ ଶ୍ରେଣୀ କର୍ମଚାରୀ କରୁଥିବା ବେଳେ ଏମାନଙ୍କୁ ୧୦୦ ଟଙ୍କା ଲେଖାଏଁ ଭତ୍ତା ଦେବାପାଇଁ ନିୟମ କରାଯାଇଥିଲା। ମାତ୍ର ତାହା ଏଯାଏଁ କାର୍ଯ୍ୟକାରୀ କରାଯାଇ ନାହିଁ। ତେଣୁ ଏହାକୁ ତୁରନ୍ତ ଲାଗୁ କରିବା ପାଇଁ ମଧ୍ୟ ଓଡିଶା ମେଡିକାଲ କର୍ମଚାରୀ ସଂଘ ଦାବି କରିଛି।

   Related Posts